LUKAS 11:41 - PERJANJIAN AMPAI KABAR BETIK

⁴¹ Sai delom cumbung rik piringmu ano, senodo sai haga keti keniko jama jelma-jelma sai mejerih. Jama cara injuk reno, unyinni haga jadi kecah untuk niku.

LUKAS 11:41 Iomraidhean Croise

MATIUS 26:11

Ulun mejerih selalu wat di hantara keti, kidang Nyak mak selamani jejama keti.

MATIUS 5:42

Kik ulun ngilu sai hal jama niku, keniko jama ia. Rik dang juga nulak jelma sai haga nginjam sai hal jak niku.”

MARKUS 7:19

Mani sai kuruk udi mak liu hati, kidang liu tenai, rik raduni luah luot.” Jama cawa-cawa ano Isa nyatako bahwa sunyinni kanikan halal.

LUKAS 12:33

Jualdo hartamu rik bagiko duitmu ano jama jelma mejerih. Saniko untuk dirimu dumpet sai mak dapok cadang, yakdo harta sai disegokko di surga. Harta seno mak dapok lebon mani maling mak dapok ngakukni rik rayap mak dapok nyadangkoni.

LUKAS 16:9

Kak raduni Isa cawa lagi, cawa-Ni, “Dengiko! Pakaido harta dunia inji untuk nyepok kantik in kik harta dunia inji radu mak berega lagi, keti haga diterima di rang sai abadi.

LUKAS 18:22

Ngedengi seno, Isa cawa, “Lagi wat sai hal sai haga diguaiko: Jualdo unyinni hartamu, keniko duitni jama jelma mejerih, rik niku haga mansa harta di surga. Kak radu jak seno tutukdo Nyak.”

LUKAS 19:8

Kak raduni di lambanni, Zakheus cecok rik cawa jama Isa, “Tuhan, separo jak hartaku haga kusedekahko jama jelma mejerih; rik sapa sai pernah kutipu, haga kubayar luot jama ia pak kali lipat!”

KISAH RASUL-RASUL 10:15

Kidang suara udi cawa luot jama ia, “Api sai radu dinyatako halal ulih Allah, dangdo niku anggap udi haram.”

KISAH RASUL-RASUL 11:29

Maka sunyinni jelma sai nutuk Isa udi sepakat untuk ngirim sumbangan jama puari-puari sai tinggal di Yudea; masing-masing ngirim nurut kemampuanni.

KISAH RASUL-RASUL 24:17

Radu jak pira-pira tahun mak ngedok di Yerusalem, nyak muloh mik disan untuk ngusung bantuan duit untuk bangsaku rik untuk mempersembahko kurban jama Allah.

2 KORINTUS 8:12

Kik keti rila ngeni, maka Allah haga nerima pengenianmu ano bedasarko api sai wat jama niku, lain bedasarko api sai mak ngedok jama niku.

EFESUS 4:28

Jelma sai biasa maling harus taru maling. Sebalikni ia harus beguai in mansa nafkahni jama jujor rik dapok nulung jelma sai kekurangan.

TITUS 1:15

Sunyin hal iado suci bagi jelma-jelma sai suci. Kidang bagi jelma-jelma sai pikeranni kamak rik sai mak beriman, mak ngedok sai pun sai suci, mani pikeran rik hati tian radu kamak!

IBRANI 13:16

Dang lupa ngelakuko sai betik rik saling setulungan, mani injido kurban-kurban sai nyenangko hati Allah.

IBRANI 6:10

Allah lain hak Allah sai mak adil. Ia mak ngelupako api sai keti guaiko bagi Ia, rik kasih sai keti tunjukko jama Ia sewaktu nulung puari-puari seiman, tumbai rik tano.

YAKOBUS 1:27

Ketaatan beragama sai murni rik sejati nutuk pandangan-Ni Allah Bapa iado: nulung sanak-sanak yatim piatu rik randa-randa sai menderita, rik ngejaga diri tenggalan in dang dicadangko ulih dunia inji.