LUKAS 11:4 - PERJANJIAN AMPAI KABAR BETIK

⁴ Ampunko dusa-dusa sekam, mani sekam juga ngampuni unggal jelma sai besalah jama sekam. Rik dang naganko sekam lebon kepercayaan waktu sekam mansa pencubaan.’ ”

LUKAS 11:4 Iomraidhean Croise

MATIUS 18:35

Isa ngeraduko cerita-Ni jama cawa-cawa inji, “Reno muneh Bapa-Ku di surga haga memperlakuko keti masing-masing, kik keti mak ikhlas ngampuni puarimu.”

MATIUS 26:41

Bejaga-jagado, rik beduado in keti dang ngalami cubaan. Sangun ruhmu haga ngelakuko sai benor kidang keti mak sanggup, mani tabiat manusia udi lemoh.”

LUKAS 11:5

Isa cawa jama jelma-jelma sai nutuk Ia, “Kik salah sai di hantara keti mik lambanni kantikni keti tengah bingi, rik cawa, ‘Kantik, injam pai ruti telu biji,

LUKAS 13:4

Repa muneh sai walu belas jelma sai tiwas di Siloam, waktu menara nimpa tian? Sangko keti seno nunjukko kik tian lebih lamon dusani jak sunyinni jelma sai tinggal di Yerusalem?

LUKAS 22:46

Kak raduni Ia cawa jama tian, “Mengapi keti pedom? Minjakdo rik bedua in keti mak kena cubaan.”

LUKAS 8:13

Bibit sai gugor di rang sai bebatu injuk jelma sai waktu ngedengi kabar seno, nerima jama senang hati. Kidang kabar seno mak ngedok bakak delom hati tian. Tian percaya serebok gaoh, kik wat pencubaan hurik, tian murtad.

YOHANES 17:15

Nyak mak ngilu in Bapa ngakuk tian jak dunia inji, kidang Nyak ngilu in Bapa ngejaga tian jak si Jahat.

1 KORINTUS 10:13

Unggal cubaan sai Puari alami iado cubaan sai biasa-biasa dialami manusia. Kidang Allah setia jama janji-Ni. Ia mak haga naganko Puari dicuba ngelebihi kesanggupanmu. Pada waktu Puari ditimpa ulih cubaan, Ia haga ngeni jalan jama niku untuk jadi kuat in Puari dapok betahan.

KOLOSE 3:13

Keti harus sabar peperda keti, rik saling ngampuni kik wat sai ngerasa dendam tehadap sai bareh. Tuhan jama senang hati ngampuni keti, jadi keti pun harus haga ngampuni peperda keti.

2 TESALONIKA 3:3

Kidang Tuhan setia. Ia haga nguatko keti rik ngelindungi keti jak Si Jahat.

2 TIMOTIUS 4:18

Sangun Tuhan haga ngelepasko nyak jak unggal usaha sai jahat tehadap nyak. Ia haga selamat ngusung nyak mik delom Kerajaan-Ni di surga. Hagani Ia diagungko selama-lamani! Amin.

YAKOBUS 2:13

Mani Allah mak haga nunjukko rasa kesian jama jelma sai mak kenal jama rasa kesian. Kidang rasa kesian lebih kuat jak hukuman!

WAHYU 2:10

Dang rabai ulih penderitaan sai mak mesaka lagi keti haga alami. Ingok, iblis haga ngurukko sebagian jak keti mik delom bui untuk nyubai keti. Keti haga menderita puluh rani sakani. Hagani keti setia jama Nyak sampai mati, maka Nyak haga ngeniko jama niku hurik sejati rik kekal sebagai hadiah kemenangan.

WAHYU 3:10

Ulih sebab keti radu nutuk perintah-Ku in betekun, Nyak pun haga ngelindungimu jak masa kesusahan sai haga menimpa seluruh dunia. Hal udi haga tejadi untuk nyubai sunyin jelma di bumi.