LUKAS 11:39 - PERJANJIAN AMPAI KABAR BETIK

³⁹ Makani Tuhan cawa jama ia, “Sangun keti jelma-jelma Farisi, biasani ngecahko cumbung rik piring bagian luahni gaoh, kidang di delom dirimu tenggalan latap jama kekerasan rik kejahatan.

LUKAS 11:39 Iomraidhean Croise

MATIUS 15:19

Mani jak hati timbul pikeran-pikeran jahat, sai nyebabko jelma ngebunuh, bezinah, bebuat hajor, maling, ngeni kesaksian palsu rik memfitnah.

MATIUS 7:15

“Hati-hatido tehadap nabi-nabi palsu. Tian ratong jama keti bekedok biri-biri, kidang tian sebenorni injuk serigala sai buas.

LUKAS 16:15

Kidangni Isa cawa jama tian, “Ketido jelma sai di hadap ulun bareh keliakan benor, kidang Allah pandai isi hatimu. Mani api sai dianggap langgar ulih jelma, dipandang rendah ulihni Allah.

LUKAS 7:13

Waktu Tuhan Isa ngeliak bebai seno, Ia kesian jama ia cawa-Ni, “Dang miwang niku!”

LUKAS 7:19

Rik ngayun tian mik jama Tuhan Isa rik nanya, “Bapak kedo, ulun sai haga ratong nurut janji Allah, atau sekam masih haga nunggu ulun bareh?”

YOHANES 12:6

Yudas cawa injuk reno lain hak mani ia memperhatiko jelma mejerih, kidang ulihni ia pemaling. Ia risok ngakuk duit jak kas milik jejama sai disegokko jama ia.

YOHANES 13:2

Isa rik jelma-jelma sai nutuk Ia sedang mengan di bingi. Iblis radu ngurukko niat di delom hati Yudas anakni Simon Iskariot untuk ngekhianati Isa.

KISAH RASUL-RASUL 5:3

Maka Petrus cawa jama ia, “Ananias, mengapi niku naganko iblis nguasai hatimu, sampai niku bebuhung jama Ruh Allah, hema-hema nyegokko untuk dirimu tenggalan sebagian jak duit penjualan tanoh udi?

GALATIA 1:14

Delom hal ngejalanko agama Yahudi, nyak ngelebihi kelamonan ulun Yahudi sai seumor jama nyak. Nyak besemangat nihan delom hal-hal tentang adat istiadat nenek muyang sekam.

2 TIMOTIUS 3:5

Walaupun secara laher, tian taat ngejalanko kewajiban agama, kidang nulak inti jak agama udi tenggalan. Jaohido jelma-jelma sai injuk reno.

TITUS 1:15

Sunyin hal iado suci bagi jelma-jelma sai suci. Kidang bagi jelma-jelma sai pikeranni kamak rik sai mak beriman, mak ngedok sai pun sai suci, mani pikeran rik hati tian radu kamak!

YAKOBUS 4:8

Redikdo Allah, rik Allah pun haga ngeredik keti. Kecahko culukmu, keti sai bedusa! Rik jernihko hatimu, keti sai becabang hati!