LUKAS 10:22 - PERJANJIAN AMPAI KABAR BETIK

²² Sunyinni radu diserahko Bapa jama Nyak. Mak ngedok sai jelma pun kenal Anak, selain Bapa. Mak ngedok juga sai kenal Bapa selain Anak; rik jelma-jelma sai ngenal Bapa mani Anak kanah haga memperkenalko jama tian.”

LUKAS 10:22 Iomraidhean Croise

MATIUS 11:25

Waktu seno Isa bedua, “Bapa, Tuhan sai nguasai langit rik bumi! Nyak ngucapko terima kasih jama Niku mani sunyinni ano Bapa rahasiako jak ulun-ulun sai pandai rik beilmu, kidang Bapa tunjukko jama ulun-ulun sai mak tepelajar.

MATIUS 11:27

Raduni Isa cawa, “Sunyin hal radu diserahko Bapa jama Nyak. Mak sai jelma pun mengenal Anak, selain Bapa. Mak ngedok juga sai mengenal Bapa selain Anak, rik jelma-jelma jama sapa Anak udi memperkenalko Bapa.

MATIUS 28:18

Isa ngeredik tian, rik cawa, “Seluruh kuasa di surga rik di bumi radu diserahko jama Nyak.

YOHANES 1:18

Mak ngedok sai pernah ngeliak Allah, selain Anak tunggal Bapa, sai gegoh jama Bapa rik erat nihan jama Ia. Iado sai nyatako Bapa jama ram.

YOHANES 13:3

Isa pandai bahwa Bapa radu nyerahko sunyinni kekuasaan jama Ia. Ia pandai muneh bahwa Ia ratong jak Allah rik haga muloh jama Allah.

YOHANES 17:10

Sunyinni milik-Ku yakdo milik Bapa muneh, rik sunyinni milik Bapa yakdo milik-Ku juga. Nyak diagungko di hantara tian.

YOHANES 17:2

Bapa radu ngeni kuasa atas sunyin manusia jama Anak, in Ia ngeni hurik sejati rik kekal jama sunyinni jelma sai Bapa keniko jama Ia.

YOHANES 17:26

Nyak radu nyatako gelar Bapa jama tian; rik Nyak haga terus bebuat injuk reno, in kasih Bapa jama Nyak tetap delom hati tian rik Nyak besatu jama tian.”

YOHANES 17:5

Bapa! Agungkodo Nyak tano jama Bapa, jama keagungan sai Kukedau jejama Bapa semakkung dunia inji dijadiko.

YOHANES 3:35

Bapa mengasihi Anak-Ni, rik radu nyerahko sunyinni kuasa jama Ia.

1 KORINTUS 15:24

Radu jak seno tejadido kiamat. Pada waktu ano Almasih haga naklukko sunyin pemerintahan, sunyin kekuasaan, rik sunyin kekuatan; raduni Ia haga nyerahko kekuasaan-Ni sebagai Raja, jama Allah, Bapa ram.

2 KORINTUS 4:6

Allah sai cawa, “Hagani jak delom kelam terbit terang,” Allah udido juga sai nerbitko terang udi di delom hati ram, in pikeran jadi terang untuk memahami kecemerlangan-Ni Allah sai besinar di pudak Almasih.

EFESUS 1:21

Kedudukan-Ni Almasih ano jaoh lebih langgar jak kedudukan pemerintah, sunyin jelma sai nguasai, sunyin jelma sai mimpin, sunyin tuan-tuan rik sapa pun juga sai radu dikeniko kedudukan langgar; baik sai hurik di zaman inji maupun sai haga hurik di zaman sai haga ratong.

IBRANI 2:8

rik ngejadiko ia jelma sai bekuasa atas sunyin hal.” Nah, kik dicawako bahwa Allah ngejadiko manusia “jelma sai bekuasa atas sunyin hal”, udi retini bahwa mak ngedok sai hal pun sai mak di debah kekuasaan manusia. Meskipun injuk reno, ram mak ngeliak tano manusia bekuasa atas sunyin hal.

1 YOHANES 5:20

Ram pandai bahwa Anak-Ni Allah radu ratong rik radu ngeniko pengertian jama ram, in ram kenal jama Allah sai benor. Ram hurik besatu jama Allah sai benor rik hurik besatu jama Anak-Ni Isa Almasih. Injido Allah sai benor, rik injido hurik sejati rik kekal.

2 YOHANES 1:9

Jelma sai mak nyating jama ajaran-Ni Almasih, melainko menyimpang jak api sai diajarko ulih-Ni Almasih, jelma udi mak ngedok Allah. Jelma sai tetap di delom ajaran Almasih, retini ngedok baik Allah Bapa maupun Anak.