IBRANI 8:1 - PERJANJIAN AMPAI KABAR BETIK

¹ Pokok sunyin jak kicikan inji iado: Ram ngedok Imam Agung sai injuk seno, sai mejong memerintah jejama Allah Mahabesar di surga.

IBRANI 8:1 Iomraidhean Croise

MARKUS 16:19

Radu jak Tuhan Isa cawa jama tian, Ia diiwak mik surga. Di disan Ia memerintah jejama jama Allah.

EFESUS 6:20

Mani Kabar Betik udido, nyak jadi utusan, rik tano wat di delom bui. Beduado in nyak bani cawa tentang Kabar Betik udi, injuk repa nyak haga cawa.

KOLOSE 3:1

Keti radu dihurikko luot jejama Almasih. Ulihni seno harusdo keti berusaha untuk mansa hal-hal sai di surga, di dipa Almasih memerintah jejama jama Allah.

IBRANI 1:13

Allah mak pernah cawa injuk reji jama sai malaikat pun, “Mejongdo di kebelah kanan-Ku, sampai musuh-musuhmu Kutaklukko jama Niku.”

IBRANI 1:3

Iado sai mancarko keagungan-Ni Allah sai gilang-gemilang; Iado gambar sai nyata jak diri Allah tenggalan. Iado juga sai memelihara keutuhan alam semesta inji jama sabda-Ni sai bekuasa nihan. Radu jak Ia memungkinko manusia untuk dibebasko jak dusa-dusa tian, Ia mejong di takhta pemerintahan di surga jejama jama Allah, Sai Bekuasa sai paling langgar.

IBRANI 10:12

Sebalikni, Almasih mempersembahko angkah sai kurban untuk pengampunan dusa, rik kurban udi belaku untuk selama-lamani. Radu jak mempersembahko kurban udi, Almasih mejong di kebelah kanan-Ni Allah rik memerintah jejama jama Ia.

IBRANI 12:2

Hagani pandangan ram tertuju jama Isa, mani Iado sai ngebangkitko iman ram rik melihara jak permulaan sampai akher. Isa tahan menderita di kayu salib! Ia mak peduli bahwa mati di kayu salib udi iado suatu hal sai ngeliamko. Ia angkah ingok jama keriangan sai haga dirasako-Ni kak raduni. Tano Ia mejong di kebelah kanan takhta-Ni Allah rik memerintah jejama jama Ia.

IBRANI 2:17

Inji retini bahwa Ia harus jadi gegoh jama puari-puari-Ni delom sunyin hal. Rik renodo Ia dapok jadi Imam Agung sai setia rik ngedok rasa kesian. Jama pelayanan-Ni ano dusa manusia dapok diampuni.

IBRANI 3:1

Puari-puari peperda Kristen sai radu diurau juga ulih-Ni Allah! Cuba pikerko relam-relam tentang Isa inji! Allah ngutus Ia khusus untuk jadi Imam Agung delom agama sai ram anut.

IBRANI 4:14

Udido sebabni ram harus nyating teguh pada pengakuan kepercayaan ram. Mani ram ngedok Imam Agung sai langgar, sai radu kuruk sampai di hadap Allah – Iado Isa Anak-Ni Allah.

WAHYU 3:21

Tian sai menang, haga Kuizinko mejong di takhta-Ku jejama Nyak, gegoh injuk Nyak tenggalan pun radu menang rik tano mejong jejama Bapa-Ku di takhta-Ni.