IBRANI 5:1 - PERJANJIAN AMPAI KABAR BETIK

¹ Unggal imam agung dipilih jak hantara umat, rik diangkat untuk ngelayani Allah sebagai wakil tian. Tugasni iado mempersembahko jama Allah pengenian-pengenian rik kurban-kurban untuk pengampunan dusa.

IBRANI 5:1 Iomraidhean Croise

ROMA 15:17

Jadi mani nyak radu besatu jama Isa Almasih, maka nyak ngasi ngerasa bangga atas guaianku bagi Allah.

1 KORINTUS 15:3

Api sai kusampaiko jama Puari-puari iado sai radu kuterima juga. Sai paling penting, injuk sai tetulis delom Alkitab, kusampaiko jama niku bahwa Almasih mati ulih dusa-dusa ram;

IBRANI 10:11

Unggal imam Yahudi ngejalanko tugasni sebagai imam unggal rani, rik berulang kali ia mempersembahko kurban-kurban sai gegoh. Kidang kurban-kurban udi sama sekali mak dapok ngehapusko dusa.

IBRANI 10:12

Sebalikni, Almasih mempersembahko angkah sai kurban untuk pengampunan dusa, rik kurban udi belaku untuk selama-lamani. Radu jak mempersembahko kurban udi, Almasih mejong di kebelah kanan-Ni Allah rik memerintah jejama jama Ia.

IBRANI 11:4

Ulihni beriman, maka Habel mempersembahko jama Allah kurban-kurban sai lebih betik jak kurban Kain. Ulihni imanni udi, Habel diterima ulih-Ni Allah sebagai jelma sai betik, mani nyatado bahwa Allah nerima persembahanni. Habel radu mati, kidang ulihni imanni udi, maka ia masih cawa sampai tano.

IBRANI 2:17

Inji retini bahwa Ia harus jadi gegoh jama puari-puari-Ni delom sunyin hal. Rik renodo Ia dapok jadi Imam Agung sai setia rik ngedok rasa kesian. Jama pelayanan-Ni ano dusa manusia dapok diampuni.

IBRANI 7:27

Ia mak injuk imam-imam agung sai bareh, sai unggal rani harus mempersembahko kurban mani dusa-dusani tenggalan tumbai, ampai mani dusa-dusa umat. Isa mempersembahko kurban angkah sekali gaoh untuk selama-lamani, waktu Ia mempersembahko diri-Ni tenggalan sebagai kurban.

IBRANI 8:3

Unggal imam agung diangkat untuk mempersembahko kurban atas persembahan jama Allah. Reno jugado Imam Agung ram; Ia harus ngedok sai hal untuk dipersembahko.

IBRANI 8:4

Kik Ia wat di dunia inji, Ia mak haga jadi imam, mani radu wat imam sai mempersembahko kurban sai dituntut delom hukum agama Yahudi.

IBRANI 9:9

Inji ngelambangko zaman tano; retini bahwa persembahan-persembahan rik kurban-kurban binatang sai dipersembahko jama Allah, mak dapok nyempurnako hati jelma sai ngusung persembahan.