FILIPI 4:1 - PERJANJIAN AMPAI KABAR BETIK

¹ Ulihni seno, Puari-puariku sai tecinta, injuk renodo hagani keti hurik rik temon-temon percaya jama Tuhan. Hatiku tiram jama niku! Ketido kebanggaanku sai nyani nyak riang.

FILIPI 4:1 Iomraidhean Croise

MATIUS 10:22

Keti haga dinyuohko ulih sunyinni jelma mani keti jelma sai nutuk Nyak. Kidang jelma sai betahan sampai akher haga diselamatko.

YOHANES 8:31

Kak raduni Isa cawa jama ulun-ulun Yahudi sai radu percaya jama Ia, “Kik keti hurik nutuk ajaran-Ku keti temon-temon jelma sai nutuk Nyak,

KISAH RASUL-RASUL 11:23

Rik waktu Barnabas sampai di dudi, rik ngeliak injuk repa Allah ngeberkati jelma-jelma udi, ia riang nihan. Raduni ia ngilu in tian temon-temon setia jama Tuhan jama sepenuh hati.

KISAH RASUL-RASUL 14:22

Di kota-kota ano tian nguatko hati jelma-jelma sai nutuk Isa rik nasihatko jelma-jelma sai nutuk ano in tetap percaya jama Isa. “Ram harus lamon menderita pai, ampai ram dapok ngerasako kebahagiaan Dunia Ampai Allah,” injuk renodo rasul-rasul udi ngajarko jama jelma-jelma sai nutuk Isa di kota-kota ano.

KISAH RASUL-RASUL 2:42

Jama ketekunan tian belajar terus jak rasul-rasul rik selalu bekumpul jama-jama. Tian mengan jama-jama rik bedua jama-jama.

ROMA 2:7

Allah ngeniko hurik sejati rik kekal jama tian sai tekun bebuat baik untuk ngedapokko sai mulia, sai tehormat, rik sai abadi.

1 KORINTUS 15:58

Ulihni seno, Puari-puari sai tecinta, hagani keti kuat rik teguh. Beguaido terus untuk Tuhan jama temon-temon, mani keti pandai bahwa sunyinni sai keti guaiko untuk Tuhan, mak percuma.

1 KORINTUS 16:13

Hagani keti waspada rik teguh delom hurikmu sebagai jelma Kristen. Betindakdo bani rik jadido kuat.

GALATIA 5:1

Ram tano bebas, mani Almasih radu ngebebasko ram! Ulihni seno pertahankodo kebebasanmu, rik dang haga diperhamba lagi.

FILIPI 1:27

Nah, sai penting tano iado bahwa keti hurik nutuk api sai dituntut ulih Kabar Betik tentang Almasih udi. Jama injuk reno, induh nyak dapok betungga jama niku atau mawat, nyak haga ngedengi bahwa keti teguh besatu rik bejuang jama-jama untuk angkah sai maksud rik sai kehaga; yakdo untuk kepercayaan sai nutuk Kabar Betik jak Allah udi.

FILIPI 1:8

Allah pandai bahwa nyak temon tiram nihan jama niku jama perasaan kasih mesra jak Isa Almasih tenggalan.

FILIPI 2:26

Ia tiram nihan jama Puari sunyinni, rik ia gelisah mani keti radu mansa kabar bahwa ia meruyuh.

KOLOSE 4:12

Salam jak Epafras. Ia juga jak kalanganmu. Ia jelma sai ngebantu Isa Almasih, sai selalu bedua tekun untuk keti. Ia ngilu nihan jama Allah in keyakinanmu jadi kuat rik temon-temon dewasa, in keti sempurna taat jama kehaga-Ni Allah.

1 TESALONIKA 3:13

Jama injuk reno Tuhan haga nguatko hatimu, sehingga keti suci rik mak becela di hadap-Ni Allah Bapa ram, waktu Tuhan ram Isa ratong jejama sunyin jelma sai jadi kedau-Ni.

2 TESALONIKA 2:15

Ulihni seno, Puari-puari, cecokdo teguh rik cating terus ajaran-ajaran sai radu sekam keniko jama niku, baik sai lisan maupun sai tetulis.

2 TIMOTIUS 2:1

Timotius, anakku! Hagani niku jadi kuat ulih rahmat sai dikeniko jama ram, mani ram besatu jama Isa Almasih.

IBRANI 10:23

Hagani ram kuat nyating harapan sai ram akui, mani Allah dapok dipercaya rik Ia haga nepati janji-Ni.

IBRANI 3:14

Ram sunyin iado kantik seperjuangan jama Almasih, asal ram sampai akher nyating teguh keyakinan sai ram miliki pada mulani.

IBRANI 4:14

Udido sebabni ram harus nyating teguh pada pengakuan kepercayaan ram. Mani ram ngedok Imam Agung sai langgar, sai radu kuruk sampai di hadap Allah – Iado Isa Anak-Ni Allah.

2 PETRUS 3:17

Kidang keti, Puari-puari sai tecinta, radu pandai tentang hal seno. Ulihni seno waspadado, dang sampai keti teusung mik delom kesesekan jelma-jelma bejat sehingga keti tumbak jak rang cecokmu sai kuat.