FILIPI 3:3 - PERJANJIAN AMPAI KABAR BETIK

³ Padahal ramdo jelma-jelma sai radu nerima sunat sai sejati, lain tian. Ram nyumbah jama Allah jama bimbingan Ruh-Ni Allah tenggalan, rik ram besyukor mani ram hurik besatu jama Isa Almasih. Ram mak begantung jama upacara-upacara sai besifat laher.

FILIPI 3:3 Iomraidhean Croise

ROMA 1:9

Nyak selalu ngingok keti kik nyak bedua. Allah saksini bahwa api sai kuucakko udi benor. Iado Allah sai kulayani sepenuh hati jama ngabarko Kabar Betik tentang Anak-Ni.

ROMA 15:17

Jadi mani nyak radu besatu jama Isa Almasih, maka nyak ngasi ngerasa bangga atas guaianku bagi Allah.

ROMA 7:6

Kidang tano ram mak lagi teikok jama hukum agama Yahudi. Ram radu mati tehadap hukum sai tumbai nguasai ram. Ram mak lagi ngabdi jama cara sai saka, nutuk hukum sai tetulis. Tano ram ngabdi nutuk cara ampai sai ditunjukko ulih Ruh Allah jama ram.

ROMA 8:15

Mani Ruh, sai dikeniko ulih-Ni Allah jama keti, mak nyani keti jadi jelma sai ngebantu sehingga keti hurik di delom kerabaian. Sebalikni Ruh-Ni Allah udi ngejadiko keti anak-anak-Ni Allah. Rik jama kuasa Ruh Allah udi ram ngurau Allah udi, “Bapa, ya Bapaku!”

ROMA 8:39

baik hal-hal sai di langit, maupun hal-hal sai di delom bumi atau api gaoh sai bareh, sunyinni mak dapok nyegah Allah mengasihi ram, injuk sai radu ditunjukko-Ni liwat Isa Almasih, Tuhan ram.

ROMA 9:6

Nyak mak bemaksud ngucakko bahwa janji-Ni Allah radu mak belaku lagi; kidang lain hak sunyin ulun Israel iado umat sai dipilih ulih-Ni Allah.

2 KORINTUS 11:18

Sangun wat lamon jelma sai ngerasa bangga atas hal-hal dunia, jadi nyak haga ngerasa bangga juga.

GALATIA 5:25

Ruh-Ni Allah radu ngeniko jama ram hurik sai ampai; ulihni seno Ia jugado harus nguasai hurik ram.

GALATIA 6:16

Bagi ulun-ulun sai hurik jama pendirian ano, rik reno juga bagi sunyin umat-Ni Allah, nyak ngeharap Allah haga ngeniko sejahtera rik rahmat-Ni.

EFESUS 6:18

Lakukodo sunyinni udi sambil bedua untuk ngilu tulung jak Allah. Di unggal kesempatan, beduado injuk repa Ruh-Ni Allah mimpin keti. Hagani keti selalu siap rik dang nyerah. Beduado selalu untuk sunyin umat-Ni Allah.

FILIPI 1:1

Puari-puari umat-Ni Allah sunyinni sai tinggal di Filipi, rik sai radu besatu jama Isa Almasih. Juga Puari-puari sai mimpin rik sai ngebantu jemaah! Nyak, Paulus, jejama Timotius, jelma-jelma sai ngebantu Isa Almasih,

FILIPI 3:12

Nyak mak cawa bahwa nyak radu behasil, atau radu jadi sempurna. Kidang nyak terus gaoh berusaha ngerebut hadiah sai disediako ulih-Ni Isa Almasih. Untuk anodo Ia radu ngerebut nyak rik ngejadiko nyak kedau-Ni.

FILIPI 3:14

Udi sebabni nyak tegar terus nuju tujuan akher untuk mansa kemenangan, yakdo hurik di surga; untuk senodo Allah ngurau ram liwat Isa Almasih.

KOLOSE 2:11

Mani besatu jama Almasih, keti radu disunat, lain jama sunat sai disani ulihni manusia, melainko jama sunat sai disani ulih-Ni Almasih, sai ngebebasko keti jak kuasa tabiat sai bedusa.

YUDAS 1:20

Kidang keti, Puari-puariku, usahakodo terus hurikmu bedasarko percayamu jama Isa Almasih. Imanmu ano suci nihan. Sementara ano beduado jama kuasa Ruh-Ni Allah,