FILIPI 3:2 - PERJANJIAN AMPAI KABAR BETIK

² Hati-hatido tehadap jelma-jelma sai ngelakuko hal-hal sai jahat, jelma-jelma sai pantas diucakko ‘kaci’. Tian ngedesak in jelma-jelma disunat.

FILIPI 3:2 Iomraidhean Croise

MATIUS 24:10

Pada waktu seno lamon jelma haga murtad, rik ngekhianati rik senyuohan peperda tian.

MATIUS 7:15

“Hati-hatido tehadap nabi-nabi palsu. Tian ratong jama keti bekedok biri-biri, kidang tian sebenorni injuk serigala sai buas.

MATIUS 7:6

Dang keniko barang sai suci jama kaci, in kaci udi dang bebalik rik nyerang niku. Rik dang keniko mutiara jama babui, in babui udi dang ngilik-ngilik mutiara udi.”

ROMA 2:28

Mani jelma Yahudi sai sejati lain hak jelma sai angkah gelarni gaoh jelma Yahudi; rik jelma sai temon-temon disunat lain hak jelma sai disunat secara laher gaoh.

2 KORINTUS 11:13

Jelma-jelma injuk seno iado rasul-rasul palsu. Tian jelma-jelma sai ngebuhungi ulun jama menyamar sebagai rasul-rasul-Ni Almasih.

GALATIA 5:13

Puari radu diurau untuk jadi jelma sai bebas. Kidang dangdo makai kebebasanmu ano untuk terus-menerus ngelakuko api gaoh sai keti mirak lakuko. Sebalikni, keti harus saling mengasihi rik saling ngelayani.

GALATIA 5:15

Kidang kik keti rigu terus, awas, kanah keti jama-jama hancor.

GALATIA 5:6

Mani kik ram radu besatu jama Isa Almasih, hal nutuk atau mak nutuk atoran sunat mak jadi soal lagi. Sai penting angkah percaya jama Almasih, rik udi nyata delom kasih ram jama ulun bareh.

FILIPI 3:19

Hurik jelma-jelma injuk reno haga berakher jama kehancoran, mani diwa tian yakdo kehagani badan tian tenggalan. Hal-hal sai ngeliamko, justru senodo sai tian banggako; mani tian mikerko angkah hal-hal sai bekenan jama dunia inji gaoh.

FILIPI 3:3

Padahal ramdo jelma-jelma sai radu nerima sunat sai sejati, lain tian. Ram nyumbah jama Allah jama bimbingan Ruh-Ni Allah tenggalan, rik ram besyukor mani ram hurik besatu jama Isa Almasih. Ram mak begantung jama upacara-upacara sai besifat laher.

1 TIMOTIUS 1:19

Bejuangdo jama nyating kepercayaan sai benor rik jama hati sai suci. Wat jelma-jelma sai mak peduli jama suara hatini, sehingga hancordo kepercayaan tian.

TITUS 1:16

Tian cawa bahwa tian kenal jama Allah, padahal perbuatan tian nyangkal-Ni. Tian menjijikko, rik tian mak haga taat; tiando jelma-jelma sai mak mampu ngelakuko sai hal sai betik.

2 PETRUS 2:22

Api sai tian lakuko ngebuktiko benorni peribahasa inji, “Kaci haga nganik luot api sai radu ia mutahko,” rik “Babui sai radu dimandiko haga muloh beguling-guling di delom litak.”

YUDAS 1:4

Mani tanpa ram sadar, wat kelompok-kelompok sai tantu kuruk mik tengah-tengah ram. Tian jelma-jelma bejat sai memutarbalikko kabar tentang rahmat-Ni Allah ram, untuk masa kesempatan ngelampiasko hawa nafsu tian. Rik tian nulak Isa Almasih, satu-satuni Sai Bekuasa rik Tuhan ram. Radu jak tumbai hukuman untuk tian radu dinubuatko delom Alkitab.

WAHYU 2:9

Nyak pandai kesusahan-kesusahan keti; Nyak pandai keti mejerih – kidang sebenorni keti mebatin! Nyak pandai fitnahan-fitnahan sai ditujuko tehadapmu ulih jelma-jelma sai ngaku dirini Yahudi, padahal lain; tiando umatni iblis!

WAHYU 21:8

Kidang jelma perabai, pengkhianat, jelma bejat, jelma sai ngebunuh, jelma hajor, jelma sai memakai ilmu-ilmu gaib, penyumbah berhala, rik sunyin pembuhung, haga ditokko mik delom laok apui rik belerang sai menyala-nyala, yakdo kematian tahap kerua.”

WAHYU 22:15

Kidang jelma-jelma sai ngelakuko hal-hal sai keji, sai memakai ilmu-ilmu gaib, jelma-jelma sai ngelakuko perbuatan-perbuatan sai hajor, sai ngebunuh, sai nyumbah berhala rik jelma-jelma sai bebuhung, baik jama cawa-cawa ataupun jama perbuatan, sunyin jelma udi rangni di luah kota udi.

WAHYU 3:9

Ingokdo inji: Jelma-jelma sai jadi umatni iblis udi, jelma-jelma sai ngebuhung sai ngaku dirini Yahudi padahal lain, haga Kusani sehingga tian ratong sujud di hadapmu. Rik tian haga pandai bahwa Nyak mengasihimu.