FILIPI 2:3 - PERJANJIAN AMPAI KABAR BETIK

³ Dangdo ngelakuko sai hal mani didurong kepentingan diri tenggalan, atau untuk ngepungahko diri. Sebalikni hagani keti masing-masing jama rendah hati nganggap ulun bareh lebih baik jak diri tenggalan.

FILIPI 2:3 Iomraidhean Croise

LUKAS 18:14

“Percayado,” cawa Isa, “waktu mulang mik lamban, penagih pajak anodo sai diterima Allah lain hak jelma Farisi ano. Mani unggal jelma sai ngelanggarko dirini haga direbahko; rik tiap-tiap jelma sai ngerendahko dirini haga dilanggarkoni.”

ROMA 12:10

Hagani Puari-puari saling mesra mengasihi peperda keti injuk ulun-ulun sai muari delom sai keluarga, rik hagani keti saling ngehena ngeni hormat.

ROMA 13:13

Ram harus ngelakuko hal-hal tehormat injuk sai biasani dilakuko ulun waktu dawah; dang bepesta pora melampaui batas, atau mabuk. Dang hajor atau bekelakuan mak sopan. Dang rigu, atau sesera.

ROMA 2:8

Kidang ulun-ulun sai mentingko diri tenggalan rik mak haga taat jama Allah, melainko nutuk sai jahat, ulun-ulun udi dibutong ulih-Ni Allah.

1 KORINTUS 15:9

Nyak iado rasul Tuhan sai paling rendah. Nyak mak patut disebut rasul, mani nyak radu nganiaya jemaah-Ni Allah.

1 KORINTUS 3:3

mani keti masih hurik nutuk tabiatmu secara manusia. Mani kik keti masih sesera rik rigu peperda keti, bukankah udi nunjukko bahwa keti masih hurik nutuk tabiat manusia, injuk jelma-jelma sai mak kenal jama Allah?

2 KORINTUS 12:20

Nyak khuater bahwa pada waktu nyak napol keti kanah, nyak ngehalu keti mak injuk api sai nyak harapko, rik keti pun haga ngehalu nyak mak injuk keti harapko. Dang-dang kanah wat sai rigu, sesera, panas hati, mentingko diri tenggalan, fitnah-memfitnah, hasut-ngehasut, mepungah, rik ngacau.

GALATIA 5:15

Kidang kik keti rigu terus, awas, kanah keti jama-jama hancor.

GALATIA 5:26

Ram mak ngasi jadi mepungah, rik saling nyakikko hati, rik sesera peperda sai bareh.

EFESUS 4:2

Hagani keti selalu rendah hati, lemoh lembut rik sabar. Tunjukkodo kasihmu jama nulung peperda keti.

EFESUS 5:21

Untuk ngehormati Almasih, hagani keti tunduk peperda keti.

FILIPI 2:14

Guaikodo sunyin hal jama mak besungut-sungut dang betangkar.

KOLOSE 3:12

Puari anodo umat-Ni Allah. Allah mengasihi keti rik milih keti untuk jadi kedau-Ni sai khusus. Udido sebabni keti harus nunjukko rasa kesian, keti harus betik hati, rendah hati, lemoh lembut, rik tahan menderita.

KOLOSE 3:8

Kidang tano hagani keti ngetokko hal-hal sai jahat jak dirimu: dang lagi butong, atau ngamuk atau ngedok perasaan menyuoh tehadap ulun bareh. Dang sekali-kali luah jak bangukmu cawa-cawa caci maki atau cawa kamak.

1 TIMOTIUS 6:4

iado jelma sai mepungah rik mak pandai api-api! Penyakikni iado gering bedebat rik betangkar tentang istilah-istilah sehingga nimbulko sesera, perpecohan, fitnahan, curiga sai mak betik,

1 PETRUS 3:8

Kesimpulan iado: hagani Puari-puari seia sekata rik seperasaan. Hagani keti saling sayang-menyayangi injuk jelma-jelma sai muari. Rik hagani keti saling ngerasa kesian rik besikap rendah hati.

1 PETRUS 5:5

Reno muneh Puari, jelma-jelma ngura. Tundukdo jama jelma-jelma sai tuha. Puari sunyinni harus ngerendahko diri rik saling ngelayani jama rendah hati. Mani delom Alkitab tetulis injuk reji, “Allah nantang jelma sai mepungah, kidang mengasihi jelma sai rendah hati.”