FILIPI 1:7 - PERJANJIAN AMPAI KABAR BETIK

⁷ Sangun tepat di rangni nyak ngedok perasaan injuk reno tehadap keti, mani Puari sunyinni redik nihan di hatiku. Juga mani keti nutuk nerima jejama nyak, anugerah sai Allah keniko jama nyak; baik tano inji sementara nyak di delom bui ataupun waktu nyak wat di luah untuk ngebela rik mempertahanko Kabar Betik udi.

FILIPI 1:7 Iomraidhean Croise

KISAH RASUL-RASUL 20:23

Nyak angkah pandai bahwa di unggal-unggal kota, Ruh Allah radu tegas ngeni pandai jama nyak, bahwa nyak haga kuruk bui rik haga menderita.

KISAH RASUL-RASUL 21:33

Komandan udi mik jama Paulus raduni nangkokni, rik ngayun ulun ngikok ia. Kak raduni komandan udi betanya mengenai sapa Paulus udi rik api sai dilakukoni.

1 KORINTUS 13:7

Ia tahan ngehadapi sunyin hal rik haga percaya jama sai paling betik di unggal jelma; delom keadaan sai injuk repa pun juga jelma sai mengasihi udi mak pernah lebon harapanni rik sabar nunggu sunyin hal.

1 KORINTUS 9:23

Sunyinni ano kulakuko untuk Kabar Betik jak Allah udi, in nyak juga diberkati.

2 KORINTUS 3:2

Puari tenggalando surat pujian sekam, sai tetulis di delom hati sekam rik sai dapok dipandai rik dibaca ulih unggal jelma.

2 KORINTUS 7:3

Nyak ngucakko injuk reno, lain hak untuk nyalahko keti. Mani, injuk sai radu kucawako tumbai, sekam ngasihi keti nihan, rik ramdo kantik-kantik sehurik semati.

GALATIA 5:6

Mani kik ram radu besatu jama Isa Almasih, hal nutuk atau mak nutuk atoran sunat mak jadi soal lagi. Sai penting angkah percaya jama Almasih, rik udi nyata delom kasih ram jama ulun bareh.

EFESUS 3:1

Udi sebabni nyak, Paulus, kuruk bui mani Isa Almasih untuk kepentingan keti sai lain Yahudi.

EFESUS 4:1

Udi sebabni nyak – sai jelma tahanan, sai ditahan ulihni ngelayani Tuhan – ngilu nihan jama niku: hurikdo nutuk kedudukanmu sebagai ulun sai radu diurau ulih-Ni Allah.

EFESUS 6:20

Mani Kabar Betik udido, nyak jadi utusan, rik tano wat di delom bui. Beduado in nyak bani cawa tentang Kabar Betik udi, injuk repa nyak haga cawa.

FILIPI 1:12

Nyak haga keti pandai, bahwa hal-hal sai radu tejadi jama nyak justru nyebabko lebih lamon jelma ngedengi rik percaya jama Kabar Betik udi.

FILIPI 1:13

Akibatni, sunyin pengawal istana rik jelma-jelma barehni di kota inji pandai bahwa nyak kuruk bui mani nyak ngelayani Almasih.

FILIPI 1:14

Rik pengurunganku di bui radu nyebabko kelamonan ulun-ulun Kristen di kota inji jadi lebih yakin jama Tuhan, sehingga tian makin bani ngabarko luhot-Ni Allah jama mak rabai-rabai.

FILIPI 1:5

Nyak beterima kasih jama Allah mani radu jak mula-mula sampai tano, keti radu ngebantu nyak nyebarko Kabar Betik jak Allah.

FILIPI 2:22

Keti tenggalan radu ngeliak buktini bahwa Timotius beguna. Ia radu beguai keras jama-jama nyak untuk ngabarko Kabar Betik jak Allah. Sekam rua injuk anak jama bak gaoh.

FILIPI 4:14

Kidang keti radu nulung nyak di delom kesusahanku; rik api sai keti lakuko udi sangun betik.

FILIPI 4:15

Puari-puari jelma Filipi! Keti tenggalan pandai nihan bahwa waktu nyak ninggalko Makedonia tumbai, waktu Kabar Betik udi kusebarko untuk mula-mulani, ketido satu-satuni jemaah sai ngebantu nyak; keti satu-satuni sai nutuk ngerasako untung rugi jejama nyak.

FILIPI 4:3

Untuk kantikku sai setia, nyak ngilu juga in Puari ngebantu kerua bebai udi. Tian radu beguai keras jejama nyak untuk ngabarko Kabar Betik jak Allah; gegoh injuk Klemen rik sunyin jelma bareh sai beguai jejama nyak. Gelar-gelar tian wat delom Buku Ulun Hurik.

KOLOSE 4:18

Salam jak nyak, Paulus. Nyak tenggalan sai nulis bagian inji. Dang lupa bahwa nyak masih di delom bui! Semoga Tuhan ngeberkati keti. Hormat sekam, Paulus

KOLOSE 4:3

Bedua juga untuk sekam in Allah ngeniko jama sekam kesempatan sai helau untuk nyebarko kabar tentang rahasia-Ni Almasih. Mani hal udido maka nyak tano inji wat di delom bui.

1 TESALONIKA 5:5

Puari sunyinni iado jelma sai hurik delom terang; keti tegolong waktu di rani sai terang. Ram lain jelma sai hurik delom kekelaman, atau sai tegolong waktu di bingi sai kelam.

2 TIMOTIUS 1:8

Ulihni seno dang liam ngeniko kesaksian tentang Tuhan ram, rik dangdo juga liam tentang nyak, sai kuruk bui mani Ia. Sebalikni, hagani niku jama kekuatan jak Allah, nutuk menderita untuk Kabar Betik udi.

2 TIMOTIUS 2:9

Mani ngabarko Kabar Betik udido, nyak menderita; malah sampai dirantai injuk sai jelma penjahat. Kidang cawa-Ni Allah mak dapok dirantai.

FILEMON 1:13

Sebenorni nyak mirak nahan ia jejama nyak sebagai jelma sai ngegantiko niku, in ia dapok ngebantu nyak, selama nyak ditahan delom bui inji mani ngabarko Kabar Betik jak Allah.

IBRANI 3:1

Puari-puari peperda Kristen sai radu diurau juga ulih-Ni Allah! Cuba pikerko relam-relam tentang Isa inji! Allah ngutus Ia khusus untuk jadi Imam Agung delom agama sai ram anut.

1 PETRUS 4:13

Malah, hagani keti ngerasa senang mani nutuk menderita jejama jama Almasih. Kanah kik keagungan-Ni Almasih diliakko, keti haga besukacita.

1 PETRUS 5:1

Nyak ngilu perhatian jelma-jelma sai mimpin jemaahmu. Nyak nulis inji sebagai kantik jelma sai mimpin rik sebagai jelma sai radu nyaksiko tenggalan penderitaan Almasih, rik sai haga nutuk juga diagungko, kik keagungan-Ni Almasih diliakko jama manusia. Nyak ngilu nihan

2 PETRUS 1:13

Selama nyak masih hurik, nyak ngerasa wajib ngingokko keti tentang hal-hal seno.

1 YOHANES 3:14

Ram pandai bahwa ram radu luah jak kematian, rik malih mik hurik. Ram pandai ano, mani ram mengasihi peperda puari ram. Jelma sai mak mengasihi, retini masih dikuasai ulih kematian.