FILEMON 1:23 - PERJANJIAN AMPAI KABAR BETIK

²³ Epafras, sai wat jejama nyak delom bui mani Isa Almasih, ngirim salam jama niku.

FILEMON 1:23 Iomraidhean Croise

ROMA 16:7

Sampaiko juga salamku jama Andronikus rik Yunias. Tian sesuku bangsa jama nyak rik pernah kuruk bui jama-jama nyak. Semakkung nyak percaya jama Almasih, tian radu lebih mena percaya. Tian tekenal di hantara para rasul.

KOLOSE 1:7

Hal ano disampaiko jama Puari ulih Epafras, kantik sai sekam kasihi. Ia sai ngebantu Almasih sai setia beguai untuk kepentingan ram.

KOLOSE 4:10

Aristarkhus, sai wat delom bui jejama nyak, ngirim salam jama keti. Reno juga Markus, puari sepupu Barnabas. (Keti radu dikirimi kabar untuk nyambut ia kik ia ratong jama niku.)

KOLOSE 4:12

Salam jak Epafras. Ia juga jak kalanganmu. Ia jelma sai ngebantu Isa Almasih, sai selalu bedua tekun untuk keti. Ia ngilu nihan jama Allah in keyakinanmu jadi kuat rik temon-temon dewasa, in keti sempurna taat jama kehaga-Ni Allah.

FILEMON 1:1

Puari Filemon, kantik sekam! Nyak, Paulus, sai jelma tahanan mani Isa Almasih, jejama jama puari ram Timotius, nulis surat inji jama niku

FILEMON 1:9

Kidang mani nyak mengasihi Puari, nyak angkah ngilu gaoh. Nyak inji sai jelma tuha rik tano sedang ditahan di delom bui mani Isa Almasih.