FILEMON 1:1 - PERJANJIAN AMPAI KABAR BETIK

¹ Puari Filemon, kantik sekam! Nyak, Paulus, sai jelma tahanan mani Isa Almasih, jejama jama puari ram Timotius, nulis surat inji jama niku

FILEMON 1:1 Iomraidhean Croise

KISAH RASUL-RASUL 16:1

Paulus nerusko lapahni mik Derbe, kak raduni mik Listra. Di dudi wat sai jelma sai nutuk Isa gelarni Timotius. Emakni ulun Yahudi, sai radu percaya jama Isa; kidang bakni ulun Yunani.

1 KORINTUS 3:9

Sekam iado jelma sai jejama beguai untuk Allah; rik keti iado injuk kebun Allah. Puari-puari iado injuk gedung Allah juga.

2 KORINTUS 1:1

Puari-puari! Jemaah-Ni Allah di Korintus rik sunyin umat-Ni Allah di seluruh Akhaya. Nyak, Paulus, rasul Isa Almasih, sai diangkat atas kehaga-Ni Allah, jejama jama Puari ram Timotius,

GALATIA 3:26

Mani keti percaya jama Isa Almasih, maka keti besatu jama Ia; rik ulihni udi keti jadi anak-anak-Ni Allah.

EFESUS 3:1

Udi sebabni nyak, Paulus, kuruk bui mani Isa Almasih untuk kepentingan keti sai lain Yahudi.

EFESUS 4:1

Udi sebabni nyak – sai jelma tahanan, sai ditahan ulihni ngelayani Tuhan – ngilu nihan jama niku: hurikdo nutuk kedudukanmu sebagai ulun sai radu diurau ulih-Ni Allah.

EFESUS 6:20

Mani Kabar Betik udido, nyak jadi utusan, rik tano wat di delom bui. Beduado in nyak bani cawa tentang Kabar Betik udi, injuk repa nyak haga cawa.

FILIPI 1:1

Puari-puari umat-Ni Allah sunyinni sai tinggal di Filipi, rik sai radu besatu jama Isa Almasih. Juga Puari-puari sai mimpin rik sai ngebantu jemaah! Nyak, Paulus, jejama Timotius, jelma-jelma sai ngebantu Isa Almasih,

FILIPI 2:25

Tentang puari ram Epafroditus sai keti utus untuk ngebantu nyak, nyak ngerasa perlu untuk ngayun ia muloh jama niku. Ia radu ngedampingi nyak delom guai rik perjuanganku.

FILIPI 4:3

Untuk kantikku sai setia, nyak ngilu juga in Puari ngebantu kerua bebai udi. Tian radu beguai keras jejama nyak untuk ngabarko Kabar Betik jak Allah; gegoh injuk Klemen rik sunyin jelma bareh sai beguai jejama nyak. Gelar-gelar tian wat delom Buku Ulun Hurik.

KOLOSE 1:1

Puari-puari umat-Ni Allah di Kolose sai setia besatu jama Almasih! Sebagai rasul-Ni Isa Almasih, – atas pengangkatan Allah – nyak, Paulus, jejama jama puari ram Timotius, ngeharap semoga Allah Bapa ram ngeni berkat rik sejahtera jama keti.

KOLOSE 4:11

Salam muneh jak Isa sai gelarni Yustus juga. Jak jelma-jelma Yahudi sai radu percaya jama Tuhan Isa, angkah tian telu gaoh sai tano beguai jejama jama nyak untuk ngejalanko tugas jak Allah. Tian temon-temon nulung nyak.

1 TESALONIKA 3:2

sementara sekam ngutus puari ram Timotius. Ia jelma sai ngebantu Allah sai beguai jejama sekam untuk ngabarko Kabar Betik tentang Almasih. Sekam ngutus Timotius jama niku in ia nguatko keti rik ngedurong keti untuk lebih percaya lagi jama Almasih.

2 TESALONIKA 1:1

Puari-puari jemaah di Tesalonika, sai jadi umat-Ni Allah Bapa ram rik Tuhan Isa Almasih! Sekam, yakdo Paulus, Silas rik Timotius

2 TIMOTIUS 1:8

Ulihni seno dang liam ngeniko kesaksian tentang Tuhan ram, rik dangdo juga liam tentang nyak, sai kuruk bui mani Ia. Sebalikni, hagani niku jama kekuatan jak Allah, nutuk menderita untuk Kabar Betik udi.

FILEMON 1:23

Epafras, sai wat jejama nyak delom bui mani Isa Almasih, ngirim salam jama niku.

FILEMON 1:24

Terimado juga salam kantik-kantikku: Markus, Aristarkhus, Demas rik Lukas.

FILEMON 1:9

Kidang mani nyak mengasihi Puari, nyak angkah ngilu gaoh. Nyak inji sai jelma tuha rik tano sedang ditahan di delom bui mani Isa Almasih.