PILOTIMUA̒TA 9:6 - KITABI HABARI MOPIOHE

⁶ Loloombulio mola Eeya helohutu mai debo odelo umaa tilahuda-Lio. Ngoa̒amila bibiahu bangusa lo Masiri yilate, bo monto bibiahu bangusa lo Isirai̒lu penu boli tuwau mao̒ diaaluo u yilate.

PILOTIMUA̒TA 9:6 Iomraidhean Croise

JABURU 78:48

Eeya lopoluli didi esi lolemba to bibiahi mongolio, wau ilato helo dehito bibii-natangiyalo limongolio.

JABURU 78:50

Eeya diila longotongo omuluka lo Eeya meaambo momonu to tutumuli mongolio, bo helo pobinasa olimongolio wolo ngongoto moo̒ombito.

PILOTIMUA̒TA 12:12

Tou̒ hui boito Wau̒ mamo lontale mota ngoilanggubu huta lo Masiri, wau momate mateelo mao̒ walao̒ talolai̒ mohuhula daa, mopio manusia, meaalo binatangi. Wau̒ mamo hukuumani mao̒ ngoa̒amila dewa to Masiri, sababu Wau̒lo Eeya.

PILOTIMUA̒TA 12:29

Tomutaa̒ lou̒ hui boito Eeya helomate yila-yilateelo mao̒ ngoa̒amila walao̒ talolai̒ mohuhula daa̒ bangusa lo Masiri, tumulalo mai walai̒ olongia tunggula walao̒ tau-tauwalo tahi tahangia totutupa. Ngoa̒amila bibiahu ubohulo pilotutu mai olo pilatelio yilate-yilateelo mao̒.

PILOTIMUA̒TA 8:22

Bo Wau̒ mamohutu mai ngopohia mao̒ lipu lo Gosyen, tambati upilo tibiluloa̒ lo umati-U̒. Mola teto diila tao̒lango, alihu otaawa mao̒ limongoli deu̒ Wau̒, Eeya, talohutu mai uito.

PILOTIMUA̒TA 9:25

To ngoilanggubu lipu didi esi boito helopo binasa mao̒ totoonulalo u hitua-tuawua to halabolu, leituwoto manusia wau bibiahu. Ngoa̒amila pilomulo to halabolu heloruusa wau bubuu-ngowaalo ayu yilombaahu.

PILOTIMUA̒TA 9:26

Bo madala lo Gosyen, tambati u piloti biluloa̒ tau-tauwalo Isirai̒lu, diila ilodungga lodidi esi.

PILOTIMUA̒TA 9:4

Wau̒ mamopo hiheede bibiahu taulo Isirai̒lu wau bibiahu taulo Masiri. Monto bibiahu taulo Isirai̒lu diaaluo penu boli tuwau mao̒ u mate.

PILOTIMUA̒TA 9:5

Wau̒, Eeya, mamolantu mao̒ loombu u mohutu mai sua̒li boito.’ ”