PILOTIMUA̒TA 9:16 - KITABI HABARI MOPIOHE

¹⁶ Bo timongoli hiluliya-U̒ mao̒ tumu-tumulo, alihu Wau̒ mowali mopo bilohei okokawasaa-U̒ to olemu, tilinggula tanggulu-U̒ mowali polu-polutuo̒ to ngoilanggubu dunia.

PILOTIMUA̒TA 9:16 Iomraidhean Croise

OLUO LO SAMUEL 7:23

To ngoilanggubu dunia diaaluo bangusa debo odelo bangusa lo Isirai̒lu. Bangusa lo Isirai̒lu tuwa-tuwaulio bangusa tamaa yilopatai lo Eeya lonto polowato u lowali umati-Mu lohihilao. Ngoa̒amila huhutu leidaa̒ wau moo̒linggolabu u pilohutu mai lo Eeya odeli mongolio, helohutu mao̒ tanggulo Eeya masa-masaahuru to ngoilanggubu dunia. Babaa-ngusawalo wewo wolo dedee-waalo limongolio mapilo polahi lo Eeya tou̒ umati-Mu lomaju helopaatea.

OLUO MONGO OLONGIA 19:35

Tou̒ huilo boito Malai̒kati lo Eeya lonao̒ mai ode kema taulo Asyur, wau helomate yila yilateelo mao̒ ngohetuto walu lopulaa limo lolihu lota pajule. Loloombulio mola didimodupo mimii-lateyaalo limongolio bolo hipule-pulepeyalo mao̒.

BOHULO TAWARI 16:24

Wungguliyalo odudaa̒a-Lio ode babaa-ngusawalo, wau totoonulalo huhutuu-Lio umolotolo boli buheli daa̒ ode umati lomanusia.

NEHEMIA 9:10

Toli olongia lo Masiri hepilohutu mai lo Eeya susuu-aliyaalo upolu-polutuo̒, wau olo to pogawee wau ulipu lo lipulio, sababu otaawa lo Eeya woloolo mola umati lo Eeya hepiloo̒ ngongotio. Lapatao̒ lomasahuru lomola tanggulo Eeya tunggula to dulahe botie.

JABURU 106:8

Bo Eeya helo poa̒ahu olimongolio, domi batanga lo Eeya lohihilao, alihu olootolo boli obuheli daa̒ lo Eeya mowali moilaalo.

JABURU 64:9

Timongolio mabinasa sababu loi̒ya limongolio lohihilao; ngoa̒amila tamoo̒onto olimongolio motahalili lo lunggongo.

JABURU 76:10

Tou̒ Eeya tilumihula mamomutoo̒ u mopoa̒ahu taa hideehea to dunia.

PILOTIMUA̒TA 14:17

Taulo Masiri mapo waliyo-U̒ baa̒ndiyolo tilinggula timongolio mohilapita tulusi taulo Isirai̒lu, wau Wau̒ mamopo biloheo̒ okokawasaa-U̒ toli olongia lo Masiri, pasukanilio, kakaa-letaalo boli mongo jokilio.

PILOTIMUA̒TA 14:4

Wau̒ mamohutu mao̒ olio baa̒ngiyolo tilinggula tio mohilapita olimongoli. Bo Wau̒ mamopo biloheo̒ okokawasaa-U̒ toli olongia lo Masiri wau suludadulio, wau mao̒taawa mao̒ limongolio deu̒ Wau̒lo Eeya.” Lapatao̒ taulo Isirai̒lu helohutu mao̒ debo odelo upilo malentao̒ lo Eeya ode limongolio.

PILOTIMUA̒TA 18:11

Botia otaawa lowatia deu̒ Eeya lebe udaa̒ wolo ngoa̒amila ila, sababu ngoa̒amila boito pilohutu-Lio tou̒ taulo Masiri helo tihutu sombongi daa̒ to taulo Isirai̒lu.”

PILOTIMUA̒TA 9:15

Humayaalio Wau̒ mohuto mohukuumani olemu wau ulipumu wolo ngongoto, tantuulo mao̒ timongoli mabilinasa sama-samaata.

PILOTIMUA̒TA 9:17

Eleponu odito, yio̒ debo donggo ohilao molanggato olo wau diila mohuto mongohi umati-U̒ monao̒.

POHUMAYA 16:4

Totoonulalo hitua-tuawua u pohutuo mai lo Eeya opatujulio; wau patuju ode taa moleeto yito obobinasa.

YEREMIA 32:20

Muloololio mai daa̒ Eeya helohutu u moo̒linggolabu wau susuu-aliyaalo upolu-polutuo̒ to Masiri, wau demai botia olo Eeya debo donggo hemohutu mai, mopio towolota taulo Isirai̒lu boli towolota lo totoonulalo bangusa wewo. Sababu uito botia Eeya masa-masaahulu penu boli tou̒toonu.

YEHESKIEL 39:21

Eeya lotahuda mai, “Wau̒ mamo poo̒otuoto omumuliya-U̒ babaa-ngusawalo. Timongolio ngoa̒amila mamoo̒onto woloolo mola Wau̒ mopohuna kawasaa-U̒ u moponao̒ ngoa̒amila putuusani-U̒ u aadili.

MALEAKHI 1:11

Wau̒ hilulumati lo babaa-ngusawalo to ngoilanggubu dunia. To utoonulalo mao̒ totabu pilobulio u mohulumati tanggulu-U̒ wau pilodewolio babaa-keyaalo u paatuti, sababu ngoa̒amila bangusa mohulumati ola-U̒!

MALEAKHI 1:14

Malaa̒-laa̒natilo tamoo-himbuloa tamopodewo ola-U̒ binatangi udiila ohalaga, wonu towolota lo bibiahio woluo binatangi mopiohu u mapilo dantilio ola-U̒! Sababu Wau̒ulo Olongia Daa̒, wau hilulumati lo ngoa̒amila bangusa.”

YIA̒APO 14:21

Bo Wau̒ modanti mai domi batanga-U̒ wau domi Wau̒ tatumu-tumulo wau okawasa todunia botie,

ROMA 9:17

Sababu todelomo Kitabi tulatulade, “Allahu Taa̒ala lotahuda odeli olongia lo Masiri, Wau̒ mopowali olemu olongia wolo makusudu bo tuwau botie wambao̒, deu̒ito-yito alihu wolemu, Wau̒ mopo bilohei okokawasa-U̒ wau mohutu tanggulu-U̒ masa-masahulu to ngoilanggubu dunia.”

ROMA 9:22

Odito olo lou̒ wolo u pilohutu mai lo Allahu Taa̒ala. Tio oniyati u mopomukaa̒i oyiyingo-Lio wau mopo bilohei okokawasa-Lio. Bo Tio sabali olimongolio tamusi hukuu-maniyolo sababu heloo̒ muluka o-Lio.

YOSUA 4:24

alihu ngoa̒amila taa todunia motota deu̒ donggo boli udaa̒a-Lio kawasa lo Eeya. Wau lou̒ odito timongoli mamo hulumati to Eeya Allahu Taa̒ala limongoli u ohiheo-hiheolo mao̒.”

1 PETRUS 2:19

Allahu Taa̒ala mamo balakati mai olimongoli, wonu timongoli sababu mongalati tou̒ otohilaa lo Allahu Taa̒ala, sabali modutolo topolo huhutu udiila aadili.

1 PETRUS 2:8

wau “Uitolo botu umoo̒ teduo̒ totau, botu u moo̒odehu olimongolio.” Timongolio meiteduo̒ sababu timongolio diila palacaya totahuda lo Allahu Taa̒ala. Odieelo mola matilantu mai lo Allahu Taa̒ala tomimbihu olimongolio.

YUDAS 1:4

Sababu lou̒ diila otaawanto, woluo tau-tauwalo omakusudu utantu-tantu u tumuwotai ode huunginto. Timongolio yito tahi luusawa u hemo poboboolio̒ habari pasali odehu hilao lo Allahu Taa̒alanto, u moo̒tapu hiyango mopomukao̒ wuntulo hilao u moo̒ohuu̒ limongolio. Wau timongolio diila mololimo li Isa Almasi, tuwa-tuwaulo tao̒kawasa wau Eeyaanto. Anggadu muloololio mai hukuumani ode limongolio maa nilubuwati lo Kitabi.

BOHULO SEMUEL 4:8

Matopotala tutu! Tatoonu tamopoa̒ahu olanto monto dedeewaalo u molotola boito? Diila madedee-waalo boito olo tahe lomate yila-yilateelo mao̒ taulo Masiri to huta hungayo u luasi daa̒ muloololio mai?