PILOTIMUA̒TA 9:12 - KITABI HABARI MOPIOHE

¹² Bo Eeya helohutu mao̒ oli olongia baa̒ngiyolo, wau debo odelo u matilahuda lo Eeya, ti olongia diila mohuto momandungi loi̒ya lei Musa wolei Haruna.

PILOTIMUA̒TA 9:12 Iomraidhean Croise

PILOTIMUA̒TA 10:1

Eeya lotahuda odelei Musa, “Ponao̒lo mola motaalua woli olongia. Wau̒ malo powali mao̒ olio wau tahidihuma pantungo lipulio baa̒ngiyolo alihu Wau̒ mowali mohutu u moo̒linggolabe tohuungi mongolio,

PILOTIMUA̒TA 10:20

Bo Eeya malo powali mao̒ oli olongia baa̒ngiyolo, wau tio debo diila lopoluli taulo Isirai̒lu lonao̒.

PILOTIMUA̒TA 11:10

Tei Musa wolei Haruna helohutu mao̒ ngoa̒amila u moo̒linggolabe boito totalu li olongia, bo Eeya helohutu olio baa̒ngiyolo, tilinggula tio diila mohuto mongohi taulo Isirai̒lu mololaa mao̒ lipulio.

PILOTIMUA̒TA 14:8

Memangi Eeya malo powali oli olongia baa̒ngiyolo, tilinggula tio helo hilapita taulo Isirai̒lu tadonggo todelomo nonao̒ limongolio tou̒ lololaa mao̒ lipu boito towunelo Eeya.

PILOTIMUA̒TA 4:21

Eeya lotahuda mai odelei Musa, “Wau̒ malongohi mai kawasa to olemu u mohutu totoonulalo moo̒linggolabe. Oditolio de wonu yio̒ malo hualinga mola ode Masiri, pohutua mao̒ totoonulalo u moo̒linggolabe boito totalu li olongia lo Masiri. Bo Wau̒ mamohutu olio baa̒ngiyolo, tilinggula tio diila mohuto mongohi bangusa boito monao̒.

PILOTIMUA̒TA 7:4

Sababu uito Wau̒ mamo hukuumani mai Masiri wolo hukuumani u mobuheeto, lapatao̒ deloo-U̒ ngoa̒amila bangusa lo Isirai̒lu, umati-U̒, lumualao̒ monto lipu boito.

PILOTIMUA̒TA 9:7

Ti olongio helohintu mao̒ umalo toduo mai boito, lapatao̒ sililitaalio mao̒ olio deu̒ lonto bibiahu taulo Isirai̒lu diaaluo penu boli tuwau mao̒ u yilate. Bo ti olongia debo baa̒ngiyolo wau diila mohuto mopoluli mao̒ bangusa boito monao̒.

YAHYA 12:40

‘Wau̒ mopopitoo̒ mato limongolio, mohutu hilaa limongolio diila mowali bolio̒olo; alihu mato limongolio diila mao̒ moo̒onto, pikiilangi limongolio diila mao̒ mongalati. Alihu timongolio diila mao̒ mohualingai ode ola-U̒, lapatao̒ Wau̒ mamo poo̒luli olimongolio.’ ”

ROMA 9:18

Oditolio, Allahu Taa̒ala modehu hilao ode tahingota-ngotaawa, wonu Allahu Taa̒ala mokahandaki odito. Wau Allahu Taa̒ala olo moo̒sababu ode tahingota-ngotaawa mowali baa̒ngiyolo, wonu Allahu Taa̒ala mokahandaki odito.

YOSUA 11:20

Eeya helohutu olimongolio baa̒ngiyolo lohilao u mopaatea wolo taulo Isirai̒lu, alilhu timongolio pobinasaalo, wau pateelio mate-mateelo mao̒ ngoa̒amila lou̒ diila o ambungu lotuuu̒de wolo palenta lo Eeya odelei Musa.