PILOTIMUA̒TA 8:8 - KITABI HABARI MOPIOHE

⁸ Ti olongia lei̒ tiangai olei Musa wolei Haruna, wau loloi̒ya mao̒, “Podua̒alo mola ode Eeya alihu Tio mopodiaa̒a mao̒ tutuu-mbiheyalo botie, yi wau̒ mamongohi mai bangusaamu monao̒ u mopodewo bake ode Eeya.”

PILOTIMUA̒TA 8:8 Iomraidhean Croise

BOHULO MONGO OLONGIA 13:6

Lapatao̒ malo loi̒ya ti Olongia Yerobeam odeli nabi boito, “Tulungia mao̒ modua̒ mola ode Eeya Allahu Taa̒alaamu ode olau̒. Pohilea mola ponu-Lio u mopoo̒luli mai polotodu lo uluu̒uu̒!” Ti Nabi boito olo lodua̒ mola ode Eeya, lapatao̒ maloluli polotodu lo uluu̒ li olongia.

JABURU 66:3

Poleleaalo ode Allahu Taa̒ala, “Otutu moo̒linggolabu huhutu lo Eeya! Musu taa̒luku to Eeya polupolu lo owowohe, sababu laba-labaalo udaa̒ kawasa lo Eeya.

PILOTIMUA̒TA 10:16

Ti olongia hua̒a lei̒ tiangai olei Musa wolei Haruna lapatao̒ loloi̒ya mao̒, “Wau̒ mai̒lodusa to Eeya Allahu Taa̒alamu wau to olimongoli.

PILOTIMUA̒TA 10:17

Ambungua mai dusaau̒ u pee̒enta botie, wau podua̒alo mola ode Eeya Allahu Taa̒ala limongoli, alihu Tio momintaa̒ao̒ monto olau̒ hukuumani umoo̒pate botie.”

PILOTIMUA̒TA 10:18

Tei Musa malo lolaa mao̒ oli olongia wau mota lodua̒ ode Eeya.

PILOTIMUA̒TA 14:5

Tou̒ ti olongia lo Masiri, loo̒dungohe deu̒ bangusa lo Isirai̒lu malolahi, tio wau tahidihima pantungo lipulio loleee̒ wau helo loi̒ya, “Wolo umapo hutuwonto? Yilongola hepilo lulinto tau-tauwalo Isirai̒lu boito lonao̒ tilinggula ito iloolio lomongo wato?”

PILOTIMUA̒TA 32:11

Tei Musa malo molohone ode Eeya Allahu Taa̒alaalio, ualio mao̒, “Eeya, ambunguolo yilongola Eeya musi mohutu mao̒ odito ode limongolio? Diila maa Eeya tamalo poa̒ahu olimongolio lonto Masiri wolo okokawasa wau olootolo daa̒?

PILOTIMUA̒TA 5:2

“Tatoonu Eeya boito?” yilintu mao̒ li olongia. “Yilongola wau̒ musi momandungi Olio wau mopoluasi mao̒ bangusa lo Isirai̒lu monao̒? Diila otaawau̒ Eeya boito, wau taulo Isirai̒lu diila wohiu̒ monao̒.”

PILOTIMUA̒TA 8:15

Tou̒ ti olongia loo̒onto mao̒ deu̒ tutuu-mbiheyalo boito mailate, tio debo baa̒ngiyolo. Wau debo odelo u matilahuda lo Eeya, ti olongia diila mohuto momaduli loi̒ya lei Musa wolei Haruna.

PILOTIMUA̒TA 8:29

Tametao̒ lei Musa, “Lapatio mao̒ watia monao̒, watia hua̒a modua̒ mola ode Eeya alihu loombu lalaa-muo̒waalo boito mololaa mao̒ oli Tuani lo watotia, tahidihuma pantungo lipu wau ulipu. Bo diila mao̒ pohimbulo olamiaatia poli, wau diila mao̒ pomubula to bangusa lo Isirai̒lu monao̒ u mopodewo bake ode Eeya.”

PILOTIMUA̒TA 8:32

Bo pee̒enta botie olo ti olongia debo baa̒ngiyolo wau diila lopoluasi bangusa boito lonao̒.

PILOTIMUA̒TA 8:9

Tei Musa lolametao̒, “Wolo sanangi lohilao watotia mamodua̒ mola odeli Tuani lo watotia. Tantuwalo mao̒ wakutuulio, yi watotia mamodua̒ mola odeli Tuani lo watotia, tahi dihuma pantungo lipu wau ulipu. Yi ti Tuani lo watotia malopato-Lio monto tutuu-mbiheyalo boito wau madidu olabita, ngopohia to Dutulaa Nil.”

PILOTIMUA̒TA 9:27

Lapatao̒ ti olongia malei̒ tiangai olei Musa wolei Haruna, wau loloi̒ya mao̒, “Wau̒ mai̒lodusa. Eeyaalo tao̒tutu, wau̒ wau ulipuu̒ malohutu totala.

PILOTIMUA̒TA 9:28

Podua̒alo mola ode Eeya; malo eenggade dudutolo lami kalana bulonggodu wau didi esi botie. Wau̒ mamo poluli mao̒ olimongoli monao̒. Timongoli diilalo potibiluloa̒ tewe.”

PILOTIMUA̒TA 9:33

Lapatao̒ tei Musa lololaa mao̒ oli olongia wau lonao̒ ode bulemengo kota; mola teto tio lomintaaa̒ mola uluu̒lio u lodua̒ ode Eeya. Tou̒ boitolo mola malo huheli bulonggodu, didi esi wau didi.

YIA̒APO 21:7

Lapatao̒ bangusa boito malo dudulao̒ odelei Musa wau loloi̒ya, “Amiaatia mailodusa sababu helobiihu to Eeya wau olemu. Podua̒alo mola ode Eeya alihu tutuu-liduwaalo botie mohalaheo̒ monto olami.” Yi tei Musa malodua̒ mao̒ tobangusa boito.

WUNGGULI LOMONGO RASULU 8:24

Lapatao̒ tei Simon loloi̒ya mao̒ odelei Petrus wolei Yahya, “Tulungia mai u mohile mola ode Eeya alihu diaaluo penu boli tuwau mao̒ u heloi̒ya lomongo wutato boito motoduo mai olaatia.”

BOHULO SEMUEL 12:19

Lapatao̒ malo loi̒ya timongolio odelei Semuel, “Tulungia mai, Paaa̒, podua̒alo mola duo̒lo olamiaatia botie ode Eeya Allahu Taa̒ala li Paaa̒, alihu amiaatia diila tamate. Botia amiaatia malongalati deu̒ ngopohia dusa lamiaatia omoo̒omolu, amiaatia maluli ilodusa sababu helohile olongia ngota.”