PILOTIMUA̒TA 8:6 - KITABI HABARI MOPIOHE

⁶ Yi tei Haruna malo powudu mola tunggudio odeitaato lo ngoa̒amila taluhu, tulusi tutuu-mbiheyalo yilumenetai lopoo̒polu lomola ngoilanggubu lipu.

PILOTIMUA̒TA 8:6 Iomraidhean Croise

OLUO LO SAMUEL 7:22

Eeya otutu udaa̒, yaa Eeya Allahu Taa̒ala! Bo Eeyaalo Allahu Taa̒ala, diaaluo tamo tutuuwauwa wolo Eeya. Aambunguolo otaawa lo mongowatotia sua̒li boito sababu mapiloo̒taa mai lo Eeya anggadu muloololio mai.

OLUO TAWARI 6:14

“Eeya, Allahu Taa̒ala lo Isirai̒lu! To hulungo boli todunia diaaluo tadebo odelo Eeya! Eeya malo eelai danti lo Eeya wau lopoi̒laalo mai ponu lo Eeya to umati lo Eeya tau̒ tatapu wau molotolo hilao wau modungohe lealeaatu lohilao to Eeya.

JABURU 105:30

Tumbihe bolo hilanti-lantia̒alo mao̒ tolipu limongolio, tumbao̒ tilumuwota ode delomo bele biluloa̒ saaha li olongia.

JABURU 78:45

Eeya helo posikisa olimongolio wolo lango u dadaata, wau lopoluli mao̒ huta limongolio pilopo binasa lotumbihe.

JABURU 86:8

Yaa Eeya, diaaluo pujaaa̒ni debo odelo Eeya, diaaluo tamohutu wolo u pilohutu mai lo Eeya.

JABURU 90:2

Tou̒ huhuu-ideyaalo diipo pilopowali mai, tou̒ huta wau dunia diipo pilohutu lo Eeya, Eeyaalo Allahu Taa̒ala tadebo ohiheo-hiheolo mao̒, diila o bohulio wau diila opulitio.

PILOTIMUA̒TA 10:2

wau alihu yio̒ moo̒ wungguli mao̒ towalao̒ wau wombumu woloolo mola Wau̒ mopoitohe bangusa lo Masiri wolo u moo̒linggolabe boito. Yi timongoli mamotota mao̒ deu̒ Wau̒lo Eeya.”

PILOTIMUA̒TA 15:11

Allahu Taa̒ala toonu tamowali mongilabotao̒ ole-Mu, yaa Eeya Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo Eeya?

PILOTIMUA̒TA 7:19

Eeya lotahuda odelei Musa, “Ahulilo mao̒ tei Haruna mohama tunggudio wau momintaa̒a mola odeitaato lo ngoa̒amila dutulaa, wau u polibaya lo taluhu, kukuu-lamuwalo to Masiri. Taluhio mamowali duhu, wau to ngoilanggubu lipu mawoluo mai duhu, tumbao̒ todelomo dodoo-lomuwaalo ayu wau totoo-mbeyaalo botu.”

PILOTIMUA̒TA 9:14

Pee̒enta botie Wau̒ mamopo dungga mai baala diila bo to tahidihuma pantungo lipu wau ulipu wambao̒, boto olemu olo alihu otaawamu mao̒ deu̒ diaaluo tamo ngilabotao̒ ola-U̒ to ngoilanggubu dunia.

PILOTIMUA̒TA 9:29

Ualei Musa odeli olongia, “Molamemeto lapatio mao̒ watia meidungga mota ode bulemengo kota, watia mamo mintaa̒ao̒ uluu̒ u modua̒ mola ode Eeya. Bulonggodu mamohuheli wau didi esi mamoole, alihu otaawa mao̒ li Tuani lowatotia deu̒ dunia botie miliki lo Eeya.

YESAYA 43:10

Wuu umati-U̒, timongolilo sakusii-U̒, timongoli tilulaotu-U̒ mowali mongo wato-U̒, alihu motota ola-U̒ wau yakini ola-U̒, wau mongalati deu̒ Wau̒ulo Allahu Taa̒ala. Wau̒ Allahu Taa̒ala Taa Laba-labaalo tuwau, diaaluo wewolio tou̒ dipo-dipoolulio mai wau lapatio mao̒ Wau̒.

TINGULI 32:31

Musu lo Isirai̒lu motota deu̒ tamoo-duo̒lawa olimongolio diila debo odelo Allahu Taa̒ala tamoo-duo̒lawa Isirai̒lu.

TINGULI 33:26

“Wuu Isirai̒lu! Diaaluo ila debo odelo Allahu Taa̒ala limongoli; Tio molibaya hulungo wolo ohohaama wau molapata toheengo u motulungi olimongoli.

TINGULI 4:35

Ngoa̒amila boito pilobilohei lo Eeya ode limongoli u mopobukuti mao̒ deu̒ bo Eeya boito Allahu Taa̒ala, wau diaaluo taweewo.

WAHI 16:13

Lapatao̒ watia loo̒onto totolu rohu hileeta ulakulio debo odelo tumbihe. Motii̒du tumbehe boito yilumualai lonto ngango lonaha, lonto ngango lo binatangi, wau lonto ngango lonabi paluti.