PILOTIMUA̒TA 8:11 - KITABI HABARI MOPIOHE

¹¹ Tio mamopo lopatai mai oli Tuani lo watotia, tahidihuma pantungo lipu wau ulipu monto tutuu-mbiheyalo boito. Madiduu̒ poli tumbihe to bebee-leyaala, ngopohia to Dutulaa Nil.”

PILOTIMUA̒TA 8:11 Iomraidhean Croise

PILOTIMUA̒TA 4:21

Eeya lotahuda mai odelei Musa, “Wau̒ malongohi mai kawasa to olemu u mohutu totoonulalo moo̒linggolabe. Oditolio de wonu yio̒ malo hualinga mola ode Masiri, pohutua mao̒ totoonulalo u moo̒linggolabe boito totalu li olongia lo Masiri. Bo Wau̒ mamohutu olio baa̒ngiyolo, tilinggula tio diila mohuto mongohi bangusa boito monao̒.

PILOTIMUA̒TA 7:13

Eleponu odito ti olongia debo baa̒ngiyolo wau diila mohuto momandungi loi̒ya lei Musa wolei Haruna, debo odelo u matilahuda lo Eeya.

PILOTIMUA̒TA 7:14

Lapatao̒ Eeya lotahuda odelei Musa, “Olongia boito baa̒ngiyolo daa̒; tio debo diila mohuto mongohi bangusa lo Isirai̒lu monao̒.

PILOTIMUA̒TA 8:12

Lapatao̒ tei Musa wolei Haruna malo lolaa mao̒ oli olongia. Lapatao̒ tei Musa lodua̒ mola ode Eeya alihu mopodiaa̒a tutuu-mbiheyalo u pilopo dunggaa-Lio mai odeli olongia.

PILOTIMUA̒TA 8:13

Eeya malo dungohe hihiile lei Musa, wau tutuu-mbiheyalo uwoluo to bebeeleaalo, to papaa-ngowalo wau to hahaa-laboluwalo yilate ngoa̒amila.

PILOTIMUA̒TA 8:3

Dutulaa Nil mamopolu mai wolo tumbihe, tilinggula bibii-natangiyala boito lumualai monto taluhu wau tumuwotai ode bele biluloa̒ saaha li olongiaamu, ode delomo huwali potuluhelo wau tambati potuluhemu, ode delomo bebee-leyaalo lo tahidihuma pantungo lipu wau ulipu, tumbao̒ ode delomo tambati pomanggangiyalo roti wau papaa-njiyaalo.

PILOTIMUA̒TA 8:9

Tei Musa lolametao̒, “Wolo sanangi lohilao watotia mamodua̒ mola odeli Tuani lo watotia. Tantuwalo mao̒ wakutuulio, yi watotia mamodua̒ mola odeli Tuani lo watotia, tahi dihuma pantungo lipu wau ulipu. Yi ti Tuani lo watotia malopato-Lio monto tutuu-mbiheyalo boito wau madidu olabita, ngopohia to Dutulaa Nil.”