PILOTIMUA̒TA 7:10 - KITABI HABARI MOPIOHE

¹⁰ Yi malonao̒lo tei Musa wolei Haruna mola lotaalua woli olongia wau timongolio helohutu mao̒ wolo upilo malenta lo Allahu Taa̒ala. Tei Haruna lopo mahula mola tunggudio ode huta totalu li olongia wau mongo poweelio, lapatao̒ tunggudu boito lobolio̒ lowali tulidu.

PILOTIMUA̒TA 7:10 Iomraidhean Croise

JABURU 135:9

Mola teeto Eeya helohutu dadaata moo̒linggolabu wau tuoto u mohukuumani mao̒ olongia wau ngoa̒amila pogaweelio.

PILOTIMUA̒TA 12:28

Lapatao̒ timongolio malonao̒ wau helohutu mao̒ wolo u pilo malentai lo Eeya odelei Musa wolei Haruna.

PILOTIMUA̒TA 4:3

Tahuda mao̒ lo Eeya, “Pomahula mola uito ode huta.” Tei Musa malo pomahula mola, tulusi tunggudu boito lobolio̒ lowali tulidu wau tei Musa tilumetea̒ lopoo̒ lamingao̒.

PILOTIMUA̒TA 7:15

Sababu uito ponao̒lo mola modunggaya wolio didimodupo, tou̒ tio mamolaahe ode Dutulaa Nil. Deloa mao̒ tunggudu u mowali mobolio̒ mowali tulidu boito wau yimai mao̒ dudunggaalio mai tobiihu dutulaa.

PILOTIMUA̒TA 7:20

Tei Musa wolei Haruna helohutu mao̒ wolo u pilomalenta lo Eeya. Totalu li olongia wau mongo pogaweelio, tei Haruna lomintaa̒a mola tunggudio wau lohumbadeo̒ taluhu lo Dutulaa Nil, yi taluhio lobolia̒i lowali duhu.

PILOTIMUA̒TA 7:6

Tei Musa wolei Haruna helohutu mao̒ wolo u pilomalenta lo Eeya.

PILOTIMUA̒TA 7:9

“Wonu ti olongia mei̒ pohutu mao̒ olimongoli u moo̒linggolabe odelo bukuti, ahuli mao̒ tei Haruna mohama mai tunggudio wau pomahula mola ode huta totalu li olongia. Tunggudu boito mamobolio̒ mowali tulidu.”

AMOS 9:3

Wonu timongolio motituuo̒ to bolitutuo̒ lo Hui̒dee Karmel, Wau̒ mamo lolohe wau moheu̒upa olimongolio. Wonu timongolio motituuo̒ towamoo̒ deheto, Wau̒ mamo malentaao̒ naha lodeheto u molopanga olimongolio.

MARKUSI 16:18

Wonu timongolio modihu tulidu meaalo mongilu peedi, timongolio diila tatopotala. Wonu timongolio mopodutu lo uluu̒ toitaato tau-tauwalo tahi ngongota, tau-tauwalo boito mamoluli.”

LUKASI 10:19

Ototai mao̒! Timongoli mailohiya-U̒ kawasa alihu timongoli mowali modutaa̒a tulidu wau bambau wau mongantulu ngoa̒amila lotolo musu, wau diaaluo penu boli tuwau mao̒ u mowali mopoo̒ topotala olimongoli.