PILOTIMUA̒TA 6:7 - KITABI HABARI MOPIOHE

⁷ Timongoli madeloo-U̒ ode lipu udilanti-U̒ wolo tadia odelei Abraham, Isihaka wolei Yako; huta boito wohi-U̒ olimongoli mowali milikiimu lohihilao. Wau̒lo Eeya.”

PILOTIMUA̒TA 6:7 Iomraidhean Croise

ILOOWALI 26:3

Wau̒ mamoduo̒lo wau mobalakati mai olemu. Ngoilanggubu lipu botie mawohi-U̒ mai olemu wau ode waliimu. Wau̒ mamoe̒ela mola danti u mailohi-U̒ odelei Abraham tiyamamu.

ILOOWALI 28:13

Wau totililio tihu-tihulo Eeya wau helo tahuda mai, “Wau̒-wau̒lo Eeya, Allahu Taa̒ala tahepujaa lei Abraham wau lei Isihaka. Wau̒ mamongohi mai olemu wau ode waliimu mola huta tambati upiloti balatamu botie.

BOHULO MONGO OLONGIA 20:28

Lapatao̒ malonao̒ ngotaalio lonabi odeli Olongia Ahab wau loloi̒ya mao̒, “Uti-utieelo u pilotahuda mai lo Eeya: ‘Sababu tau-tauwalo Siria boito helo lantobu deu̒ Wau̒ bo okawasa to hihui̒-hui̒dea wau diila todatahu moopa, yi Wau̒ mamongohi olemu u moo̒hama olemu to suludadu limongolio talaba-labaalo daatalio boito. Yio̒ wau ulipumu mamotota mao̒ deu̒ Wau̒lo Eeya.’ ”

BOHULO MONGO OLONGIA 8:60

Lou̒ odito ngoa̒amila bangusa to dunia mamotota deu̒ bo Eeya lohihilaolo Allahu Taa̒ala, diaaluo tawewo.

NEHEMIA 1:10

Yaa Eeya, mongowatotia botie mongo wato lo Eeya umati lo Eeya lohihilao taa maa piloa̒ahu lo Eeya wolo kawasa wau olootolo Eeya upolu-polutuo̒.

JABURU 100:3

Eelailo deu̒ Eeya boito Allahu Taa̒ala. Eeya lopowali mai olanto wau ito miliki lo Eeya; ito umati-Lio bangusa tatilulao-Tio.

JABURU 81:6

Eeya lopowali mao̒ putuusani tuwau ode bangusa lo Isirai̒lu, tou̒ Eeya lomaju loluwali Masiri. Ilodungohe-U̒ bahasa udiila otaawamu,

PILOTIMUA̒TA 13:14

Wonu todulahee momooli walau̒mu mohintu mao̒ wolo boliilio ngoa̒amilalo boito, timongoli musi molametao̒ odie, ‘Wolo kawasa uleidaa̒. Eeya helodelo olanto yilumualao̒ lonto lipu lo Masiri, tambatinto pilowatolio.

PILOTIMUA̒TA 13:3

Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi.

PILOTIMUA̒TA 14:18

Yi taulo Masiri mamotota mao̒ deu̒ Wau̒lo Eeya.”

PILOTIMUA̒TA 14:4

Wau̒ mamohutu mao̒ olio baa̒ngiyolo tilinggula tio mohilapita olimongoli. Bo Wau̒ mamopo biloheo̒ okokawasaa-U̒ toli olongia lo Masiri wau suludadulio, wau mao̒taawa mao̒ limongolio deu̒ Wau̒lo Eeya.” Lapatao̒ taulo Isirai̒lu helohutu mao̒ debo odelo upilo malentao̒ lo Eeya ode limongolio.

PILOTIMUA̒TA 15:16

Timongolio laba-labaalo moohe mosakusi olootolo Eeya. Tou̒ umati lo Eeya lumaode, musu diila okawasa molaahangi; malo aahulo bangusa tamaa yilopatu-Mu.

PILOTIMUA̒TA 15:2

Eeya tamoodulua olau̒ tamolotolo; Tiolo talo poa̒ahu olau̒. Tio Allahu Taa̒alau̒, wau̒ ohilaa momuji mola o-Lio, Allahu Taa̒ala tahe pujaa linene moyaau̒, pou̒daa̒au̒ Tio.

PILOTIMUA̒TA 16:12

“Wau̒ maloo̒ dungohe huhuungoto taulo Isirai̒lu. Polelea mao̒ olimongolio deu̒ tou̒ lolaango timongolio mowali molamela tapu, wau tou̒ dumodupo timongolio mowali molamela roti tunggula mobutuhu. Yi timongolio mamotota mao̒ deu̒ Wau̒lo Eeya, Allahu Taa̒ala limongolio.”

PILOTIMUA̒TA 16:6

Yi malo loi̒ya tei Musa wolei Haruna ode ngoa̒amila taulo Isirai̒lu, “Lolaanga botie timongoli mamotota mao̒ deu̒ Eeyaalo talodelo mai olimongoli yilumualao̒ lonto Masiri.

PILOTIMUA̒TA 2:11

Tou̒ tei Musa maleidaa̒, tio lonao̒ mola lodunggaya wolo tau-tauwalo ngobangusa wolio. Tio heloo̒onto mao̒ woloolo mola timongolio pilakusaalio helohutu kalaja u wambao̒ hibuuheta. Iloontongalio olo ngotaalio lo Masiri helomate ngotaalio lo Ibrani yila-yilateelo mao̒.

PILOTIMUA̒TA 6:6

Timongoli mapo waliyo-U̒ umati-U̒, wau Wau̒ mowali Allahu Taa̒ala limongoli. Yi timongoli mamotota mao̒ deu̒ Wau̒ botie Eeya, Allahu Taa̒ala limongoli, tamolopato olimongoli monto polowato to Masiri.

PILOTIMUA̒TA 7:17

Sababu uito, Eeya lotahuda mai odie, ‘Monto wolo u de pohutuwo-U̒ mai, yio̒ mamotota mao̒ deu̒ Wau̒lo Eeya. Wolo tunggudu botie wau̒ mamo humbadeo̒ tudu lotaluhu dutulaa, wau taluhio mamobolio̒ mowali duhu.

YESAYA 41:20

Yi ngoa̒amila tau mamotota wau moo̒onto mao̒ deu̒ Wau̒, Eeya, tamoponao̒ mai. Timongolio mamo poo̒tuoto wau mongalati, Allahu Taa̒ala mantali lo Isirai̒lu mohutu uito motoduo mai.”

YESAYA 49:23

Mongo olongia madebo odelo tiyamo de olemu, wau mongo olongia taabua odelo tiilo. Timongolio mamosujudu mohulumati olemu wau motidupapa batanga to talumu. Yi mao̒taawamu deu̒ Wau̒ulo Eeya; taa u motiwunela to Olau̒ diila pokikio̒lio to hilao.”

YESAYA 49:26

Wau̒ mamohutu mai musuumu huwoa̒alo duhu, tilinggula timongolio tinggai mopaatea mate-mateelo mao̒. Yi ngoilanggubu umati lomanusia mamotota mao̒, deu̒ Wau̒, Eeya, Tamoo-poa̒ahua olemu; Taa Laba-labaalo lotolo, Allahu Taa̒ala lei Yako, Tamoo-tololotawa olemu.”

YESAYA 51:15

Sababu Wau̒ulo Eeya Allahu Taa̒alamu, tamopo buo̒olai daa̒ deheto tilinggula buo̒olio hula-hulaubio. Taa Laba-labaalo kawasa yito tanggulu-U̒.

YESAYA 60:16

Yio̒ maataala lo babaa-ngusawalo wau mongo olongia, debo odelo tiilo ngota molaala walai̒o. Yi otaawamulo deu̒ Wau̒ Eeya, Tamoo-poa̒ahua olemu, wau deu̒ Allahu Taa̒ala lo Isirai̒lu tamolotolo Tamopo lopato olemu.

YESAYA 63:8

Eeya lotahuda mai, “Otutu, timongolio yito umati-U̒, mongo walao̒ tadiila moo̒kikiio̒ hilao.” Yi Eeya mowali Tamoo-poa̒ahua olimongolio,

YEREMIA 31:33

Uti-utieelo daantia bohu u mapohutuwo-U̒ wolo umati lo Isirai̒lu: ngoa̒amila butoo̒o-U̒ madutuwo-U̒ todelomo hilaa limongolio, wau tuladu-U̒ mao̒ todelomo hilaa limongolio. Wau̒ mamowali Allahu Taa̒ala limongolio, wau timongolio mamowali umati-U̒.

YEHESKIEL 20:19

Wau̒ulo Eeya Allahu Taa̒ala limongoli. Dungohiilo bubuu-too̒owaalo wau papaa-lentaa-U̒.

HOSEA 1:10

Bangusa lo Isirai̒lu mamowali mola dadaata wau daatalio debo odelo hungayo to deheto, tilinggula diilalo otonggade meaalo oyia̒apo. Botia Allahu Taa̒ala lotahuda ode limongolio, “Timongoli diila umati-U̒,” bo mamei dungga wakutuulio Tio mamotahuda mai ode limongolio, “Wau̒lo Allahu Taa̒ala tatumu-tumulo wau timongoli mongo walau̒u-U̒!”

IMAAMATI 11:44

Wau̒lo Eeya Allahu Taa̒ala limongoli, sababu uito dahai mao̒ alihu timongoli debo mantali, sababu Wau̒ mantali.

IMAAMATI 11:45

Wau̒lo Eeya talodelo olimongoli yilumualai lonto Masiri, alihu Wau̒ mowali Allahu Taa̒ala limongoli. Mamusi timongoli mantali, sababu Wau̒ mantali.

JAKARIA 13:9

Bo ngotayadio totolu mamoa̒ahu. Wau timongolio boito mapo mantaliyo-U̒ debo odelo talaa̒ u pilobelesi lotulu. Timongolio matesiyo-U̒ debo odelo tamotesi hulawa. Lapatao̒ timongolio mamodua̒ mai ode Olau̒, wau Wau̒ mamolametai olimongolio. Wau̒ mamotahuda ode limongolio deu̒ timongolio yito umati-U̒, wau timongolio olo mamongaku deu̒ Wau̒ulo Eeya Allahu Taa̒ala limongolio.”

YIA̒APO 15:41

Wau̒lo Eeya Allahu Taa̒ala limongoli; Wau̒ malodelo mai olimongoli yilumualao̒ lonto Masiri alihu Wau̒ mowali Allahu Taa̒ala limongoli, Wau̒lo Eeya.”

MATIUSI 22:32

‘Wau̒lo Allahu Taa̒ala lei Abraham, Allahu Taa̒ala lei Isihaka wau Allahu Taa̒ala lei Yako.’ Allahu Taa̒ala boito diila Allahu Taa̒ala lotaa mate. Tio Allahu Taa̒ala lotaa tumutumulo!”

ROMA 8:31

Wolo umowali loi̒yanto botia pasali lou̒ ngoa̒amilalo boito? Wonu Allahu Taa̒ala motiwambao̒ ode olanto, tatoonu tamowali moluwali olanto?

TINGULI 14:2

Timongoli yito miliki lo Eeya Allahu Taa̒ala limongoli; monto totoonulalo bangusa totudu lodunia, timongolilo tatilulaoto Allahu Taa̒ala u mowali umati-Lio.”

TINGULI 26:18

Todulahee botie Eeya mololimo olimongoli odelo umati-Lio lohihilao, debo odelo upilo danti-Lio mai ode limongoli, wau Tio momalentao̒ olimongoli u mohutu totoonulalo palentaa-Lio.

TINGULI 29:12

Eeya Allahu Taa̒ala limongoli mohutu mai daantia woli mongoli, wau timongoli ngoa̒amila tahi ambuwa tewe u molihutao̒ daantia boito wau mololimo upilopo wajibulio todelomo daantia boito.

TINGULI 29:13

Wolo daantia boito Eeya todulahee botie mopoo̒tohetai olimongoli mowali bangusaa-Lio, wau Tio mowali Allahu Taa̒ala limongoli debo odelo u pilodanti-Lio odeli nenemoya limongoli Abraham, Isihaka wolei Yako.

TINGULI 29:5

Wopato pulu lotaunu mola hiheolio Eeya lodelo olimongoli lolibaya tohuta luasi udelita, boli odito pakeyangi wau sandale limongoli diila lowali yiloodu.

TINGULI 4:20

Bo timongoli yito bangusa tapilo aahu-Lio lonto Masiri, tambati limongoli helo dutolaa ulaba-labaalo. Timongoli dilelo-Lio mai yilumualao̒ lonto lipu boito, alihu mowali bangusaa-Lio masaatia botie.

TINGULI 7:6

Pohutuwalo mao̒ ngoa̒amilalo boito sababu timongoli miliki lo Eeya Allahu Taa̒ala limongoli. Monto totoonulalu bangusa totudu lodunia, timongolilo tatilulaoto Eeya Allahu Taa̒ala limongoli.

IBRANI 11:16

Bo malo ilaalo, timongolio mooloolo lipu tuwau ulebe mopioheo̒, deu̒ito-yito lipu u tosologa. Uitolo sababuulio Allahu Taa̒ala diila moolito wonu timongolio mongunte o-Lio Allahu Taa̒ala limongolio, sababu Allahu Taa̒ala malo podapato kota tuwau olimongolio.

1 PETRUS 2:10

Omoo̒omolu timongoli diila umati lo Allahu Taa̒ala, bo botia timongoli yito umati lo Allahu Taa̒ala. Omoo̒omolu timongoli diila pilonu lo Allahu Taa̒ala bo botia timongoli mololimo odehu hilaa-Lio.

WAHI 21:3

Lapatao̒ watia loo̒dungohe suala lonto tambati huhuloa̒ li olongia boito longiibode wolo loo̒ohuu̒, “Botia tambati biluloa̒ lo Allahu Taa̒ala yito pee̒-pee̒enta wolo manusia! Tio matumumulo woli mongolio wau timongolio mamowali umati-Lio. Allahu Taa̒ala lohihilao mawoluo mai woli mongolio wau mowali Allahu Taa̒ala limongolio.

WAHI 21:7

Tau-tauwalo taloo̒haama mamololimo susuu-aliyaalo boito monto ola-U̒. Wau̒ mamowali Allahu Taa̒alaalio, wau tio mowali walau̒u-U̒.