PILOTIMUA̒TA 6:6 - KITABI HABARI MOPIOHE

⁶ Timongoli mapo waliyo-U̒ umati-U̒, wau Wau̒ mowali Allahu Taa̒ala limongoli. Yi timongoli mamotota mao̒ deu̒ Wau̒ botie Eeya, Allahu Taa̒ala limongoli, tamolopato olimongoli monto polowato to Masiri.

PILOTIMUA̒TA 6:6 Iomraidhean Croise

OLUO MONGO OLONGIA 17:36

Pohurumatilo ola-U̒, Eeya, tamalodelo wau lopolualai olimongoli lonto Masiri wolo kawasa; poluboolo ola-U̒ wau podewowalo bake ode Olau̒.

BOHULO TAWARI 17:21

To ngoilanggubu dunia diaaluo bangusa debo odelo bangusa lo Isirai̒lu. Isirai̒lu yito tuwa-tuwaulo bangusa tailopato lo Eeya lonto polowato u lowali umati lo Eeya lohihilao. Totoonulalo huhutu leidaa̒ wau moo̒linggolabe u hepilohutu mai lo Eeya ode limongolio helohutu tanggulo Eeya masa-masaahuru to ngoilanggubu dunia. Eeya lolopatai umati lo Eeya lonto Masiri, wau helo polahi babaa-ngusawalo wewo tou̒ umati lo Eeya lomaju helo paatea.

NEHEMIA 1:10

Yaa Eeya, mongowatotia botie mongo wato lo Eeya umati lo Eeya lohihilao taa maa piloa̒ahu lo Eeya wolo kawasa wau olootolo Eeya upolu-polutuo̒.

JABURU 77:16

Wolo olootolo Eeya yilopato Eeya umati lo Eeya, wali mai lei Yako wolei Yusu.

JABURU 81:11

Wau̒lo Eeya Allahu Taa̒ala limongoli, tahe lodelo olimongoli yulumualai lonto Masiri. Tou̒ timongoli hipolaanga timongolio yilohiya-U̒ ua̒alo.

JABURU 81:6

Eeya lopowali mao̒ putuusani tuwau ode bangusa lo Isirai̒lu, tou̒ Eeya lomaju loluwali Masiri. Ilodungohe-U̒ bahasa udiila otaawamu,

JABURU 81:7

“Wau̒ malo mintaa̒a banta lonto binggungumu, wau lolopata kalanji podetoheela lonto uluu̒mu.

PILOTIMUA̒TA 1:11

Yi tau-tauwalo Masiri malo mintaa̒ tamoo-ngimatoa duo̒lo bangusa lo Isirai̒lu u mopoo̒ totolo tutumuli mongolio wolo kalaja pakusa. Timongolio pilakusaalio helomongu odeli olongia lo Masiri kokoo-tawaalo Pitom wau Raamses u lowali wibuo̒ polahuwalo balangi.

PILOTIMUA̒TA 12:41

Todulahee pulitio totaunu opaato hetotu tolo pulu boito, ngoa̒amila baliisani umati lo Eeya helo lolaa mao̒ huta lo Masiri.

PILOTIMUA̒TA 12:51

Todulahee boito Eeya lodelo ngoilanggubu umati lo Isirai̒lu yilumualao̒ lonto Masiri.

PILOTIMUA̒TA 13:14

Wonu todulahee momooli walau̒mu mohintu mao̒ wolo boliilio ngoa̒amilalo boito, timongoli musi molametao̒ odie, ‘Wolo kawasa uleidaa̒. Eeya helodelo olanto yilumualao̒ lonto lipu lo Masiri, tambatinto pilowatolio.

PILOTIMUA̒TA 13:16

Uu̒udu boito mowali poe̒ela ode olanto debo odelo tuoto u tilihuto to uluu̒ meaalo to bayanto. Lou̒ odito ito madebo poe̒elalio deu̒ Eeya malo polualao̒ olanto lonto Masiri wolo kawasa uleidaa̒.”

PILOTIMUA̒TA 13:3

Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi.

PILOTIMUA̒TA 15:13

Dilelo-Mu bangusa tamaa piloa̒ahu-Mu botie, sababu Yio̒ tatapu wau molotolo hilao todanti-Mu. Wolo olootolo leidaa̒ timongolio diluo̒lo-Mu, wau dilelo-Mu ode huta-Mu u mantali.

PILOTIMUA̒TA 16:6

Yi malo loi̒ya tei Musa wolei Haruna ode ngoa̒amila taulo Isirai̒lu, “Lolaanga botie timongoli mamotota mao̒ deu̒ Eeyaalo talodelo mai olimongoli yilumualao̒ lonto Masiri.

PILOTIMUA̒TA 18:1

Tei Yitro moluhengo lei Musa, iimamu to Midian, loo̒dungohu pasali lo totoonulalo u hekilalaja lo Allahu Taa̒ala odelei Musa wau bangusa lo Isirai̒lu, tou̒ tio lodelo olimongolio yilumualao̒ lonto Masiri.

PILOTIMUA̒TA 2:11

Tou̒ tei Musa maleidaa̒, tio lonao̒ mola lodunggaya wolo tau-tauwalo ngobangusa wolio. Tio heloo̒onto mao̒ woloolo mola timongolio pilakusaalio helohutu kalaja u wambao̒ hibuuheta. Iloontongalio olo ngotaalio lo Masiri helomate ngotaalio lo Ibrani yila-yilateelo mao̒.

PILOTIMUA̒TA 3:17

Wau Wau̒ malolantu mai u modelo olimongolio lumualo lonto Masiri, tambati u hepilo deehelio olimongolio, wau modepito olimongolio ode lipu tuwau u kaya wau molomiodu, lipu lobangusa Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 3:8

Sababu uito Wau̒ lolaahei mai molopata olimongolio lonto uluu̒ taulo Masiri wau mamodelo olimongolio lumualao̒ monto lipu boito motidulungo ode lipu tuwau u luasi. Hutalio kaya wau molomiodu, wau botia hiluloa̒a lobangusa lo Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 32:11

Tei Musa malo molohone ode Eeya Allahu Taa̒alaalio, ualio mao̒, “Eeya, ambunguolo yilongola Eeya musi mohutu mao̒ odito ode limongolio? Diila maa Eeya tamalo poa̒ahu olimongolio lonto Masiri wolo okokawasa wau olootolo daa̒?

PILOTIMUA̒TA 6:2

Wau̒ helo pobiloheo̒ batanga odelei Abraham, Isihaka wolei Yako odelo Allahu Taa̒ala Taa Laba-labaalo kawasa, bo Wau̒ diila lopoo̒taa mao̒ batanga ode limongolio wolo tanggulo ‘Eeya’.

PILOTIMUA̒TA 6:29

Bo tei Musa lolameto, “Yaa Eeya, otaawa lo Eeya deu̒ watotia diila motota mobisala. Diila pongalo aakali ti olongia mohuto modungohe olo watotia?”

PILOTIMUA̒TA 6:8

Ngoa̒amila tahuli lo Eeya boito pilopo tunggulao̒ lei Musa ode bangusa lo Isirai̒lu, bo timongolio diila mohuto momandungi olei Musa, sababu polowato udiila omanusia boito malohutu olimongolio heilooli halapani.

PILOTIMUA̒TA 7:4

Sababu uito Wau̒ mamo hukuumani mai Masiri wolo hukuumani u mobuheeto, lapatao̒ deloo-U̒ ngoa̒amila bangusa lo Isirai̒lu, umati-U̒, lumualao̒ monto lipu boito.

PILOTIMUA̒TA 7:5

Yi taulo Masiri mamotota mao̒ deu̒ Wau̒ botie Eeya, tou̒ Wau̒ mohukuumani mai olimongolio wau modelo Isirai̒lu lumualao̒ monto lipu limongolio.”

YESAYA 9:12

Bangusa lo Isirai̒lu debo diipo lolee̒e penu boli maa hilukuumani lo Eeya Taa Laba-labaalo kawasa; timongolio debo diipo lolilihu to Eeya.

YESAYA 9:17

Ololeeto Bangusa boito momobu debo odelo tulu u mopomaaheo̒ diu̒to oduhi. Lei̒itio debo odelo oa̒ayua tilumbila u hiwoobula lo poloo̒.

YEREMIA 21:5

Wau̒ lohihilao mamoluhu olimongoli wolo lealeaatu lotolo wau wolo omuluka u wali-walihuhu.

YEREMIA 27:5

“Wolo kawasaa-U̒ uleidaa̒ wau wolo olootolu-U̒ Wau̒ malo powali mai dunia wau manusia boli totoonulalo binatangi, wau Wau̒ mowali mongohi mai penu olita wambai̒o takahaa-ndakiyo-U̒.

YEREMIA 32:21

Wolo kawasa wau olootolo Eeya uleidaa̒ Eeya lodelo umati lo Isirai̒lu yilumualai lonto Masiri. Eeya helohutu totoonulalo moo̒oherani, wau totoonulalo moo̒linggolabu boli totoonulalo polou̒tia umoporame daa̒ tomuusu.

YEHESKIEL 20:33

“Domi Wau̒, Allahu Taa̒ala tatumu-tumulo, Eeya Taa Laba-labaalo molanggato, timongoli poe̒ela-U̒ mai deu̒ sababu omulukaa-U̒, timongoli mapalentaa-U̒ wolo palangi wau pintalo tilinggula molaasa mao̒ kawasaa-U̒. Timongoli maa̒ambuwo-U̒ wau muli deloo-U̒ monto totoonulalo lipu tambati limongoli mapilo bubuua̒yawa.

WUNGGULI LOMONGO RASULU 13:17

Allahu Taa̒ala lobangusa Isirai̒lu malo lulaoto linene moyaanto, wau lohutu mai bangusa botie bangusa udaa̒ tou̒ timongolio hibiluloa̒wa to Masiri debo odelo tau deli. Lapatao̒ wolo kawasa uleidaa̒ lo Allahu Taa̒ala lodelo olimongolio yilumualo lonto Masiri.

TINGULI 11:2

Eelai mao̒ botia wolo u otaawa limongoli pasali lo Eeya monto u ilolaasawa mai limongoli. Mongo walau̒mu diila loo̒laasa mai u odito. Timongoliilo tamalo sakusi odudaa̒ lo Eeya Allahu Taa̒ala limongoli, olooto-Lio, okokawasaa-Lio

TINGULI 15:15

Eelai mao̒ deu̒ timongoli muloololio mai wato to Masiri lapatao̒ yilopato lo Eeya Allahu Taa̒ala limongoli; uitolo sababuulio watia mongohi mai palenta botie ode limongoli.

TINGULI 26:8

Wolo kawasa wau olootolo uleidaa̒ Eeya lopo lopato olo mongowatotia lonto Masiri. Eeya helohutu mumuu̒u-jijatiyalo wau totoonulalo momoo̒o-linggobeyalo boli helo potoodeo̒ popoo-lou̒tiyalo uloo̒ geegeri tomusu.

TINGULI 4:23

Eelai mao̒ tio̒otutua! Diila mao̒ lipata daantia u pilohutu lo EEYA Allahu Taa̒alamu wolimongoli. Dungohi mao̒ palentaa-Lio; sama-samaata diila mao̒ pohutua duo̒lo batangamu bui̒ todelomo modeli penuboli woloolo mola wambai̒o, u tuboolo,

TINGULI 4:34

Wolo tingga woluo ila tuwau u buheli mohama mao̒ bangusa tuwau monto babaa-ngusawalo tawoluo tulusi mopowali mao̒ olimongolio umatilio lohihilao, debo odelo u pilohutu lo Eeya Allahu Taa̒ala limongoli ode limongoli to Masiri? Timongoli loo̒onto lohihilao woloolo mola Allahu Taa̒ala wolo olootolo uleidaa̒ lopodungga mai baala wau popaatea, helo kalaja totoonulalo moo̒linggolabe wau helohutu susuu-aliyaalo moo̒tihela hapato.

TINGULI 5:15

Eelai mola deu̒ timongoli muloololio mai pilowatolio to Masiri, lapatao̒ bilebasia lo Eeya Allahu Taa̒ala limongoli wolo olootolo uleidaa̒. Sababu uito timongoli palentaa-U̒ mai u mopolame mao̒ dulahu Saabati.

TINGULI 6:12

yi poo̒dahai mao̒ tio̒otutua alihu timongoli diila mao̒ molipata to Eeya tamalo lopata olimongoli lonto Masiri, tambati limongoli pilowato.

TINGULI 7:19

Eelai mola babaa-lawaalo ulaba-labaalo u silakusia limongoli lohihilao, totoonulalo moo̒linggolabu, wau olootolo daa̒ u pilomake lo Eeya Allahu Taa̒ala limongoli u lolopato olimongoli. Odito olo Eeya Allahu Taa̒ala limongoli mamo pohutu mao̒ to ngoa̒amila bangusa tao̒ohe limongoli.

TINGULI 7:8

Bo Eeya molulaotao̒ olimongoli sababu Tio momonu olimongoli wau ohilaa moe̒elai danti u pilohutu-Lio woli nenemoya limongoli. Uitolo sababuulio Tio malo poa̒ahu mai olimongoli wolo kawasa udaa̒ wau lolopato olimongoli lonto sua̒li lowali wato toli olongia lo Masiri.

TINGULI 9:29

Bo ambunguolo eelailo mai, yaa Eeya, deu̒ timongolio botie bangusa tatilulaoto Eeya lowali umati-Mu, wau dilelo-Mu mai lonto Masiri wolo olootolo wau okokawasaa-Mu uleidaa̒.”