PILOTIMUA̒TA 4:21 - KITABI HABARI MOPIOHE

²¹ Eeya lotahuda mai odelei Musa, “Wau̒ malongohi mai kawasa to olemu u mohutu totoonulalo moo̒linggolabe. Oditolio de wonu yio̒ malo hualinga mola ode Masiri, pohutua mao̒ totoonulalo u moo̒linggolabe boito totalu li olongia lo Masiri. Bo Wau̒ mamohutu olio baa̒ngiyolo, tilinggula tio diila mohuto mongohi bangusa boito monao̒.

PILOTIMUA̒TA 4:21 Iomraidhean Croise

ILOOWALI 6:3

Yi malo tahuda mai Eeya, “Wau̒ diila mopoluasi manusia tumumulo ohiheo-hiheolo mao̒; timongolio mahaluku panaa, tamusi mate. Tumulalo mai botia umulu limongolio diila talebe tou̒ ngohetuto dulo pulu lotaunu.”

BOHULO MONGO OLONGIA 22:22

‘Woloolo mola dudelolio?’ tahuda mao̒ lo Eeya. Rohu boito lolametao̒, ‘Wau̒ mamonao̒ mota wau mohutu mao̒ ngoa̒amila nabi lei Ahab mohimbulo.’ Eeya lotahuda mao̒, ‘Ooo̒, pohutuwalo uito, yio̒ mamoo̒ paluutao̒ olio.’ ”

JABURU 105:25

Eeya lolomelo hilaa taulo Masiri tilinggula helo lonuo̒ umati-Lio wau helo pohutu mao̒ mongo wato-Lio lou̒ diila juujulu.

JABURU 78:43

tou̒ Eeya helohutu totoonulalo moo̒linggolabu to Masiri, wau totoonulalo muu̒jijati tohuta datahu wau luasi udelita lo Joan.

PILOTIMUA̒TA 10:1

Eeya lotahuda odelei Musa, “Ponao̒lo mola motaalua woli olongia. Wau̒ malo powali mao̒ olio wau tahidihuma pantungo lipulio baa̒ngiyolo alihu Wau̒ mowali mohutu u moo̒linggolabe tohuungi mongolio,

PILOTIMUA̒TA 10:20

Bo Eeya malo powali mao̒ oli olongia baa̒ngiyolo, wau tio debo diila lopoluli taulo Isirai̒lu lonao̒.

PILOTIMUA̒TA 10:27

Eeya helo powali mao̒ oli olongia baa̒ngiyolo tilinggula tio debo diila mohuto mongohi bangusa lo Isirai̒lu monao̒.

PILOTIMUA̒TA 11:10

Tei Musa wolei Haruna helohutu mao̒ ngoa̒amila u moo̒linggolabe boito totalu li olongia, bo Eeya helohutu olio baa̒ngiyolo, tilinggula tio diila mohuto mongohi taulo Isirai̒lu mololaa mao̒ lipulio.

PILOTIMUA̒TA 11:9

Eeya lotahuda odelei Musa, “Ti olongia diila tamo mandungi loi̒yamu, alihu Wau̒ mowali mohutu lebe dadaata mao̒ u moo̒linggolabe to ngoilanggubu lo Masiri.”

PILOTIMUA̒TA 14:17

Taulo Masiri mapo waliyo-U̒ baa̒ndiyolo tilinggula timongolio mohilapita tulusi taulo Isirai̒lu, wau Wau̒ mamopo biloheo̒ okokawasaa-U̒ toli olongia lo Masiri, pasukanilio, kakaa-letaalo boli mongo jokilio.

PILOTIMUA̒TA 14:4

Wau̒ mamohutu mao̒ olio baa̒ngiyolo tilinggula tio mohilapita olimongoli. Bo Wau̒ mamopo biloheo̒ okokawasaa-U̒ toli olongia lo Masiri wau suludadulio, wau mao̒taawa mao̒ limongolio deu̒ Wau̒lo Eeya.” Lapatao̒ taulo Isirai̒lu helohutu mao̒ debo odelo upilo malentao̒ lo Eeya ode limongolio.

PILOTIMUA̒TA 14:8

Memangi Eeya malo powali oli olongia baa̒ngiyolo, tilinggula tio helo hilapita taulo Isirai̒lu tadonggo todelomo nonao̒ limongolio tou̒ lololaa mao̒ lipu boito towunelo Eeya.

PILOTIMUA̒TA 3:19

Lapatao̒ Allahu Taa̒ala luli lotahuda mai, “Otaawa-U̒ olongia lo Masiri diila tamopoluli olimongoli monao̒, ngopohia wonu tio pakusaalo.

PILOTIMUA̒TA 3:20

Bo Wau̒ mamomake okokawasaa-U̒, wau mohukuumani Masiri wolo baala ulaba-labaalo, u podunggaa-U̒ mola teto. Lapatao̒ uito, tio mamo poluasi mao̒ olimongoli monao̒.

PILOTIMUA̒TA 7:13

Eleponu odito ti olongia debo baa̒ngiyolo wau diila mohuto momandungi loi̒ya lei Musa wolei Haruna, debo odelo u matilahuda lo Eeya.

PILOTIMUA̒TA 7:3

Bo Wau̒ mamo powali hilaa li olongia baa̒ngiyolo. Tio diila tamo mandungi olemu, eleponu Wau̒ mopowoluo mai baala dadaata to Masiri.

PILOTIMUA̒TA 8:11

Tio mamopo lopatai mai oli Tuani lo watotia, tahidihuma pantungo lipu wau ulipu monto tutuu-mbiheyalo boito. Madiduu̒ poli tumbihe to bebee-leyaala, ngopohia to Dutulaa Nil.”

PILOTIMUA̒TA 8:15

Tou̒ ti olongia loo̒onto mao̒ deu̒ tutuu-mbiheyalo boito mailate, tio debo baa̒ngiyolo. Wau debo odelo u matilahuda lo Eeya, ti olongia diila mohuto momaduli loi̒ya lei Musa wolei Haruna.

PILOTIMUA̒TA 8:32

Bo pee̒enta botie olo ti olongia debo baa̒ngiyolo wau diila lopoluasi bangusa boito lonao̒.

PILOTIMUA̒TA 9:12

Bo Eeya helohutu mao̒ oli olongia baa̒ngiyolo, wau debo odelo u matilahuda lo Eeya, ti olongia diila mohuto momandungi loi̒ya lei Musa wolei Haruna.

PILOTIMUA̒TA 9:35

Debo odelo umaa tilahuda lo Eeya lotimbulude olei Musa, ti olongia diila lohuto lopoluli mao̒ taulo Isirai̒lu lonao̒.

YESAYA 6:10

Lapatao̒ malo tahuda Eeya ode laatia, “Popuntuhe mao̒ pikiilangi lotau-tauwala boito, pobungola mao̒ bulongalio, wau popitoa̒ mao̒ matolio, alihu timongolio diila moo̒onto, moo̒dungohu meaambo mongalati, lapatao̒ mohualingai ode ola-U̒ wau mowali moluli.”

YESAYA 63:17

Yaa Eeya, yilongola piloluli mai lo Eeya amiaatia yilapalo? Yilongola Eeya lohutu mai hilaa lamiaatia diila mowali bolio̒olo tilinggula amiaatia diila moohe to Eeya? Pohualingo lo mai domi mongowato lo Eeya, domi umati lo Eeya, miliki pusaka lo Eeya.

YAHYA 12:40

‘Wau̒ mopopitoo̒ mato limongolio, mohutu hilaa limongolio diila mowali bolio̒olo; alihu mato limongolio diila mao̒ moo̒onto, pikiilangi limongolio diila mao̒ mongalati. Alihu timongolio diila mao̒ mohualingai ode ola-U̒, lapatao̒ Wau̒ mamo poo̒luli olimongolio.’ ”

ROMA 1:28

Masababu manusia diila molaasa palalu moo̒onuhe to Allahu Taa̒ala, yi hiluliaalo mao̒ lo Allahu Taa̒ala pikiilangi limongolio lowali lolusa, tilinggula timongolio helohutu susuu-aliyaalo udiila opohutuo limongolio.

ROMA 9:18

Oditolio, Allahu Taa̒ala modehu hilao ode tahingota-ngotaawa, wonu Allahu Taa̒ala mokahandaki odito. Wau Allahu Taa̒ala olo moo̒sababu ode tahingota-ngotaawa mowali baa̒ngiyolo, wonu Allahu Taa̒ala mokahandaki odito.

TINGULI 2:36

Wolo polo tulungi lo Eeya Allahu Taa̒alanto, ito lowali lohama mao̒ ngoa̒amila kota boito, tumulalo mao̒ lonto Aroer, to huudu Lumbaya Arnon, wau kota tohuungo lumbaya boito, demola madala lo Gilead. Diaaluo kota u dingingo meeseliilio ulaba-labaalo motoheeto to olanto.

YOSUA 11:20

Eeya helohutu olimongolio baa̒ngiyolo lohilao u mopaatea wolo taulo Isirai̒lu, alilhu timongolio pobinasaalo, wau pateelio mate-mateelo mao̒ ngoa̒amila lou̒ diila o ambungu lotuuu̒de wolo palenta lo Eeya odelei Musa.

1 PETRUS 2:8

wau “Uitolo botu umoo̒ teduo̒ totau, botu u moo̒odehu olimongolio.” Timongolio meiteduo̒ sababu timongolio diila palacaya totahuda lo Allahu Taa̒ala. Odieelo mola matilantu mai lo Allahu Taa̒ala tomimbihu olimongolio.