PILOTIMUA̒TA 4:13 - KITABI HABARI MOPIOHE

¹³ Bo tei Musa loloi̒ya, “Watotia momolohone, diila mao̒ polao olo watotia, yaa Eeya, ahuliilo mao̒ taa wewo.”

PILOTIMUA̒TA 4:13 Iomraidhean Croise

ILOOWALI 24:7

Eeya, Allahu Taa̒ala tamotolo kawasa hulungo, malodelo mai olau̒ lonto bele liyamau̒ wau lonto lipu lomongo ilaatau̒, wau Tio malotadia to olau̒ deu̒ Tio mamongohi mai lipu botie ode waliu̒ mai. Tio olo mamolao mai malai̒kati-Lio u motulungi olemu, alihu yio̒ moo̒tapu mao̒ dile ngota mola monteto mai ode walau̒uu̒.

ILOOWALI 48:16

Tiolo malai̒kati tamalo lopata olau̒ lonto totoonulalo baala. Hinta Allahu Taa̒ala boito mobalakati mai mongo walao̒ botie. Hinta tumumulo tulusi tangguluu̒ wau tanggulei Abraham wolei Isihaka masababu mongo walao̒ botie! Hinta owalaa̒a wombu mola, u dadaata todunia.”

BOHULO MONGO OLONGIA 19:4

lapatao̒ to limbuta ode huta datahu wau luasi udelita ngotilonggadu ilo-ilolaanga wau lohuheli to walungo bungo lo ayu tuwau u mohimbungo. Teto tio malo tihuloo̒ wau ohilaa mateelo mao̒. “Watotia diilalo moo̒ tahangi, yaa Eeya,” ualio ode Eeya. Hamaalo nyawa lowatotia. “Watotia diila lebe mopiohe wolo loluuhuru lowatotia!”

PILOTIMUA̒TA 23:20

“Wau̒ mamolao mai malai̒kati-U̒ meimulo limongoli u moduo̒la olimongoli todelomo nonao̒ wau modelo olimongoli ode tambati u podapato-U̒.

PILOTIMUA̒TA 4:1

Lapatao̒ tei Musa lolametao̒ ode Eeya, “Bo woloolo mola wonu humaya tau-tauwalo Isirai̒lu diila mohuto palacaya wau diila mohuto momandungi loi̒ya lo watotia? Wolo u musi pohutuo lo watotia wonu humaya timongolio moloi̒ya mai deu̒ Eeya diila lopo bilohei lobatanga ode watotia?”

PILOTIMUA̒TA 4:12

Botia, ponao̒lo, Wau̒ mamo tulungi mai olemu mobisala wau mongaajali wolo umusi bisalamu.”

PILOTIMUA̒TA 4:14

Lapatao̒ Eeya malo muluka odelei Musa wau lotahuda mao̒, “Diila mayio̒ tao̒ wutata tai̒lunte Haruna? Otaawa-U̒ tio motota mobisala. Tutuulio mao̒ tutu, tio donggo tononao̒lio mai odia, wau tio masanangi modunggaya wolemu.

YEREMIA 1:6

Watia lolametao̒, “Yaa Eeya Taa Laba-labaalo molanggato, watotia diila motota mobisala sababu watotia donggo humula daa̒.”

YEREMIA 20:9

Bo wonu todelomo hilaa lowatotia, watotia moloi̒ya, “Huliaalo mao̒ Eeya lipato lowatotia wambai̒o, diilalo mohuto watotia mobisala to tanggu-Lio,” yi tahuli lo Eeya debo odelo tulu u wali-walihuhu todelomo putu lohilao. Watotia malo himontala lowatotia longotongao̒, bo loi̒laalo watotia diila okawaasa.

YUNU 1:3

Bo tei Yunu tumbao̒ malo monggata ode dulungo wewo u lopolahi batanga lonto Eeya. Tio lonao̒ ode Yopa, wau leitaahua loo̒dungga mota kaapali u mamobite ode Spanyol. Lapatao̒ tio lomaayali mao̒ oonggosi lo naonao̒olio tio lobotula mola ode kaapali, tulusi tio lobite pee̒-pee̒enta wolo tahi pokalajawa to kaapali ode Spanyol, u mopolahi batanga monto Eeya.

YUNU 1:6

Tou̒ nakoda lokaapali boito lolaahe mola ode walungo, ilodunggalio tei Yunu mota teto donggo tuutuluhu. Lapatao̒ tio loloi̒ya mao̒, “Diila pongalo aakali yio̒ mowali motuluhe todelomo owowoluwoa odie botie! Ntali, pobungulo! Podua̒alo mao̒ ode dewaamu u mei̒ tulungi mai. Potaala tio mamodehu hilao to olanto tilinggula ito diila binaasa.”

MATIUSI 13:41

Walao̒ Manusia mamopoa̒hu mai mamaa-lai̒kati-Lio mongambu mao̒ monto wolota umati-Lio ngoa̒amila tamoo̒ sababu tau mohutu dusa, wau ngoa̒amila taa wewolio tahelohutu u moleeto.

YAHYA 6:29

Ti Isa lolametao̒, “Utieelo u otohilaa lo Allahu Taa̒ala monto olimongoli: pomalacayalo o-Lio tailao mai lo Allahu Taa̒ala.”

MONGO HAKIMU 2:1

Malai̒kati lo Eeya lonao̒ lonto Gilgal ode Bokhimi wau lotahuda mao̒ ode tau-tauwalo Isirai̒lu, “Wau̒ malo polualai olimongoli lonto Masiri, wau lodelo olimongoli ode lipu u mapilo danti-U̒ odeli nenemoya limongoli. Matilahuda-U̒ mai olo, ‘Buuhuta danti towolota-U̒ woli mongoli diila tabuntoo-U̒.