PILOTIMUA̒TA 34:11 - KITABI HABARI MOPIOHE

¹¹ Dungohilo bubuu-too̒o-U̒ olimongoli todulahee botie. Wau̒ mopolahi mao̒ bangusa lo Amori, Kanaa̒n, Het, Peris, Hewi wau Yebus tou̒ timongoli momaju mota.

PILOTIMUA̒TA 34:11 Iomraidhean Croise

BOHULO TAWARI 1:14

Tei Kanaa̒n yito olo loluuhuru taulo Yebus, Amori, Girgasi,

NEHEMIA 13:23

To maasa boito iloontongau̒ olo deu̒ dadaata taulo Yahudi malonika wolo mongobua lonto bangusa lo Asdod, Amon wau Moab.

PILOTIMUA̒TA 23:28

Mumuu-suumu mapopoo-puyooto-U̒, wau babaa-ngusawalo Hewi, Kanaa̒n wau Het polontulo-U̒ monto talumu alihu timongoli mowali momaju.

PILOTIMUA̒TA 3:17

Wau Wau̒ malolantu mai u modelo olimongolio lumualo lonto Masiri, tambati u hepilo deehelio olimongolio, wau modepito olimongolio ode lipu tuwau u kaya wau molomiodu, lipu lobangusa Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 3:8

Sababu uito Wau̒ lolaahei mai molopata olimongolio lonto uluu̒ taulo Masiri wau mamodelo olimongolio lumualao̒ monto lipu boito motidulungo ode lipu tuwau u luasi. Hutalio kaya wau molomiodu, wau botia hiluloa̒a lobangusa lo Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 33:2

Wau̒ mamolao mai malai̒kati ngota u modelo olimongoli. Wau̒ mamopolahi bangusa lo Kanaa̒n, Amori, Het, Peris, Hewi wau Yebus.

PILOTIMUA̒TA 8:27

Amiaatia musi monao̒ ode huta udatahu wau luasi udelita ngoilaminga lononao̒ tolo hui mola u mopodewo bake ode Eeya Allahu Taa̒ala lamiaatia, debo odelo upilo malentaa-Lio mai to olamiaatia.”

MATIUSI 28:20

Ajaalia mao̒ timongolio modungohe ngoa̒amila u mapilo malenta-U̒ mai olimongoli. Wau eelai mao̒ Wau̒ malaito pee̒-pee̒enta woli mongoli demola pulito lojamani.” 116

YAHYA 14:21

Taa mololimo totoonulalo palentaa-U̒ wau pohutuolio, tio-tiolo tamo tolia̒ngu-U̒. Ti Paapa-U̒ mamomonu mai taa motolia̒ngo ola-U̒. Wau̒ olo mamo tolia̒ngo tau boito wau mopo bilohei batanga-U̒ olio.”

TINGULI 12:28

Poo̒tuota mao̒ lou̒ mopiohu ngoa̒amila u mapilo malentai laatia ode limongoli, yi timongoli mohutu mao̒ u mopiohe wau motuhatawa ode Eeya Allahu Taa̒ala limongoli, tilinggula timongoli wau wali mola limongoli moa̒ahu wau aamani sontosa boli maa̒amulu u ohiheo-hiheolo mao̒.”

TINGULI 12:32

Pohutua mao̒ ngoa̒amila upiloa̒hu mai laatia ode limongoli; diila mao̒ duhengi meaalo ilangiyalo.

TINGULI 28:1

“Wonu timongoli modungohe to Eeya Allahu Taa̒ala limongoli wau debo molotolo hilao mohutu mao̒ ngoa̒amila palenta uwohi mai lowatia todulahee botie, yi Tio mamopowali olimongoli bangusa talaba-labaalo masaahuru todunia.

TINGULI 33:27

Allahu Taa̒ala ohiheolo mao̒ mowali potiduo̒la limongoli, polooto-Dio u ohiheo-hiheolo mao̒ molumude olimongoli. Tio lopolahi musu lonto talumu, wau lopoa̒hu olimongoli mopobinasa mao̒ olimongolio.

TINGULI 4:40

Dungohi mao̒ ngoa̒amila butoo̒ uwohi mai lowatia todulahee botie, yi timongoli wau wali mola limongoli maa aamani sontosa wau maa̒amulu wau tulusi mola tumumulo tolipu uwohi mai lo Eeya Allahu Taa̒ala limongoli mowali miliki limongoli u ohiheo-hiheolo mao̒.”

TINGULI 5:32

Mongo wutato, dungohi mao̒ wolo tatapu wau molotolo hilao totoonulalo upilo malentai lo Eeya Allahu Taa̒ala limongoli ode limongoli. Diila mao̒ lambanga penu boli tuwau mao̒ monto papaa-lentawalo boito.

TINGULI 6:25

Wonu ito wolo tatapu wau molotolo hilao modungoheo̒ totoonulalo upilo malentai lo Eeya Allahu Taa̒alanto ode olanto, yi Tio mamo tuhatawa wolanto.’ ”

TINGULI 6:3

Sababu uito dungohilo mongo wutato, pohutua mao̒ uito wolo tatapu wau molotolo hilao, alihu timongoli moa̒ahu wau mowali bangusa uleidaa̒ tolipu ukaya wau molomiodu, debo odelo dilanti mai lo Eeya Allahu Taa̒ala loluuhurunto.

TINGULI 7:19

Eelai mola babaa-lawaalo ulaba-labaalo u silakusia limongoli lohihilao, totoonulalo moo̒linggolabu, wau olootolo daa̒ u pilomake lo Eeya Allahu Taa̒ala limongoli u lolopato olimongoli. Odito olo Eeya Allahu Taa̒ala limongoli mamo pohutu mao̒ to ngoa̒amila bangusa tao̒ohe limongoli.

YOSUA 23:5

Eeya Allahu Taa̒ala limongoli mamohutu mai babaa-ngusawalo boito matumouli, wau molahi monto olimongoli wonu timongoli mota moluhu olimongolio. Timongoli mamotolo miliki mao̒ lipu limongolio, debo odelo u madilanti mai lo Eeya Allahu Taa̒ala limongoli ode limongoli.