PILOTIMUA̒TA 34:10 - KITABI HABARI MOPIOHE

¹⁰ Tahuda lo Eeya odelei Musa, “Botia Wau̒ mohutu mai daantia wolo bangusa Isirai̒lu. Totalu lomato limongolio Wau̒ mamohutu totoonulalo moo̒linggolabu udiipo pee̒enta mao̒ pilohutu-U̒ penu boli tou̒toonu todunia botie. Ngoa̒amila bangusa mamoo̒onto totoonulalo moo̒linggolabe u pohutuwo-U̒ boito, sababu Wau̒, Eeya mamohutu hitua-tuawua upolu-polutuo̒ uilohi-U̒ ode limongoli.

PILOTIMUA̒TA 34:10 Iomraidhean Croise

OLUO LO SAMUEL 7:23

To ngoilanggubu dunia diaaluo bangusa debo odelo bangusa lo Isirai̒lu. Bangusa lo Isirai̒lu tuwa-tuwaulio bangusa tamaa yilopatai lo Eeya lonto polowato u lowali umati-Mu lohihilao. Ngoa̒amila huhutu leidaa̒ wau moo̒linggolabu u pilohutu mai lo Eeya odeli mongolio, helohutu mao̒ tanggulo Eeya masa-masaahuru to ngoilanggubu dunia. Babaa-ngusawalo wewo wolo dedee-waalo limongolio mapilo polahi lo Eeya tou̒ umati-Mu lomaju helopaatea.

JABURU 106:22

Otutu moo̒tihela hapato totoonulalo huhutu lo Eeya tolipu boito, moo̒linggolabu huhutu lo Eeya to Deheto Gelaga.

JABURU 136:4

Bo Eeya tamohutu mai totoonulalo moo̒linggolabe udaa̒; ponu lo Eeya ohiheo-hiheolo mao̒ diila opulitio.

JABURU 145:6

Timongolio mopohabari huhuu-hutuwaalo Eeya u moo̒tihela hapato, odudaa̒ lo Eeya mapo malalumu mola lowatotia.

JABURU 147:20

Eeya diila helohutu odito to babaa-ngusawalo wewo, timongolio diila motota bubuu-too̒waalo Eeya. Pujiaalo mola Eeya!

JABURU 65:5

Potisanangilo tutu taa u tilulaoto Eeya, wau tiliango Eeya u motibiluloa̒ to Bele lo Eeya. Amiaatia mapoluli tohilao wolo tilolahepaalo u mopiohu to Bele lo Eeya, piloti biluloa̒ lo Eeya u mantali.

JABURU 66:3

Poleleaalo ode Allahu Taa̒ala, “Otutu moo̒linggolabu huhutu lo Eeya! Musu taa̒luku to Eeya polupolu lo owowohe, sababu laba-labaalo udaa̒ kawasa lo Eeya.

JABURU 66:5

Ponao̒olo mai wau bilohilo huhutu lo Allahu Taa̒ala, otutu moo̒linggolabu totoonulalo huhutu lo Eeya towolota lomanusia!

JABURU 68:35

Pasisiyalo kawasa lo Allahu Taa̒ala u okawasa laba-labaalo molanggato to Isirai̒lu, kawasaa-Lio demola hulungo.

JABURU 72:18

Ilopujiaalo mola Eeya, Allahu Taa̒ala lo Isirai̒lu! Bo Eeya tahemohutu mai susuu-aliyaalo u moo̒linggolabu.

JABURU 76:12

Eelailo mola dantimu to Eeya Allahu Taa̒alamu. Patutilio ngoa̒amila bangusa tahi biluloa̒wa totili modelo dewo ode Allahu Taa̒ala u tao̒ohelo.

JABURU 77:14

Yaa Allahu Taa̒ala, totoonulalo huhutu lo Eeya mantali, tatoonu tadebo odelo udaa̒ lo Allahu Taa̒ala lowatia?

JABURU 78:12

To talu loluuhuru limongolio, Allahu Taa̒ala helohutu moo̒linggolabu tolipu lo Masiri, todatahu lo Joan.

PILOTIMUA̒TA 34:27

Tahuda mao̒ lo Eeya odelei Musa, “Tuladee mao̒ tataa-heyaalo boito, sababu patopatoa̒ toloi̒ya boito Wau̒ mohutu mai daantia wolemu wau wolo bangusa lo Isirai̒lu.”

PILOTIMUA̒TA 34:28

Wopato puluhui wau dulahu tei Musa lotitolaa teto pee̒-pee̒enta wolo Eeya, wau ngotilonggadu uito tio diila lolamela wau diila longilu. Tataa-heyaalo daantia boito, deu̒yito-yito Mopulu Palenta Allahu Taa̒ala, tiluladio mao̒ topitango botu.

YESAYA 64:3

Pee̒enta Eeya lohutu mai huhutu u moo̒tihela hapato, u diila helantobu lamiaatia. Eeya lotuhutai, wau totalu lo Eeya huhuu-ideyaalo lolotau̒lo.

YEREMIA 32:21

Wolo kawasa wau olootolo Eeya uleidaa̒ Eeya lodelo umati lo Isirai̒lu yilumualai lonto Masiri. Eeya helohutu totoonulalo moo̒oherani, wau totoonulalo moo̒linggolabu boli totoonulalo polou̒tia umoporame daa̒ tomuusu.

MIKHA 7:15

Pohutuwalo mai u moo̒linggolabu duo̒lo mongowatotia, yaa Eeya, debo odelo u piohutu lo Eeya muloololio mai tou̒ Eeya lodelo mongowatotia yilumualao̒ lonto Masiri.

TINGULI 10:21

Pujiaalo mola Tio sababu Tio Allahu Taa̒ala limongoli. Wolo mato limongoli lohihilao timongoli maloo̒onto huhuu-hutuwaalo upolu-polutuo̒ wau u moo̒tihela u pilohutu-Lio ode limongoli.

TINGULI 32:30

Woloolo mola ngotaalio mowali mohilapita tangolihu lota, wau duulota mohilapita tamopulu lihu lota? Eeya, Allahu Taa̒ala limongolio, malo potali olimongolio; timongolio matolaa lo Allahu Taa̒ala tamolotolo boli buheli.

TINGULI 4:13

Mola teto Tio lopo malalumu mai olemu wolo umusi pohutuo limongoli u moe̒elao̒ daantia u pilohutu-Lio mai woli mongoli. Mopuulo Palenta u matilula-Dio tobotu dulo pita boito musi pohutuo mao̒ limongoli.

TINGULI 9:19

Watia moohe to omuluka lo Eeya uwali-walihuhu to olimongoli tunggula ohilaa pobinasaa-Lio mai, bo pee̒enta boite olo Eeya lodungohei olaatia.

YOSUA 6:20

Lapatao̒ mongo iimamu lohiipao̒ torompetilio. Wau odito tau-tauwalo Isirai̒lu loo̒dungohe tingohu torompeti boito, timongolio malo ngiibode loo̒huu̒-huu̒ulo mao̒, lapatao̒ dingingo meeseli lokota Yerikho loloohubu. Ngoilanggubu suludadu lo Isirai̒lu lato lobotulaa mola, wau tilumuwotao̒ ode kota boito, tulusi lohama mao̒.