PILOTIMUA̒TA 32:1 - KITABI HABARI MOPIOHE

¹ Tou̒ bangusa lo Isirai̒lu loo̒onto deu̒ Tei Musa lohiheo daa̒ diila lotuhutai lonto hui̒du, bo debo donggo teto mola olo, timongolio helo tia̒mbu mai odelei Haruna wau malo loi̒ya olio, “Diila otaawanto wolo ulowali to olei Musa, taa u malodelo mai olanto yilumualai lonto Masiri; oditolio pohutua mai olami ila umodelo olami.”

PILOTIMUA̒TA 32:1 Iomraidhean Croise

ILOOWALI 19:14

Lapatao̒ malonao̒ tei Lot mota lodunggaya wolo tilantahu lo walai̒o duulota, wau loloi̒ya mao̒, “Hua̒a lualao̒ monto tambati botie, sababu Eeya mamo pomaahu mai tambati botie.” Bo timongoli hemo lantobu tei Lot bo hemoitohe wambao̒.

ILOOWALI 21:26

Tei Abimelekh loloi̒ya mao̒, “Diila otaawau̒ tatoonu tamalohutu uito. Diipo pee̒enta mao̒ yio̒ helo loi̒ya mai olau̒, wau uti-utieelo bohulo wau̒ loo̒ dungohe pasali losua̒li boito.”

ILOOWALI 39:8

Tei Yusu diila lohutu wau loloi̒ya mao̒ olio, “Maa̒apu, Nyonya, tituani Potipar malo popalacaya mai to olaatia totoonulalo milikiilio. Tio diilalo palalu momikilangi wolo-wolo tobele botie.

ILOOWALI 44:15

Yi malo loi̒ya tei Yusu, “Wolo u pilohutu limongolio boito? Wolo diila otaawa limongoli deu̒ taa u debo odelo wau̒ botie mowali motota mao̒ huhutumu u moleeto wolo ilimi mongisimu?”

ILOOWALI 44:4

Timongolio diipo lolamingao̒ lonto kota boito, tou̒ tei Yusu loloi̒ya mao̒ ode tau̒wa lo tamoo-ngulusia ngaalaa̒lio “Aliheo̒ yilapita mota tau-tauwalo boito, wonu maa ilolapita, polelea mao̒ olimongolio, ‘Yilongola timongoli malo lontuli umopiohe wolo u moleeto?

JABURU 106:19

To Hui̒dee Sinai timongolio helohutu walao̒ sapi hulawa, wau helolubo bui̒ dilupa boito.

PILOTIMUA̒TA 13:21

Tou̒ dulahu Eeya lonao̒ totalu limongolio todelomo wolihi heengo wau tou̒ hui Tio mulomulo woli mongolio todelomo wolihi tulu u mopotunu mao̒ dalalo. Lou̒ odito timongolio mowali monao̒ hui wau dulahu.

PILOTIMUA̒TA 14:11

Uali mongolio odelei Musa, “Wolo to Masiri diaaluo kuubulu, tilinggula yio̒ malodelo mai olami alihu ami mate totambati botie? Bilohilo mao̒ akibati lo huhutuumu boito!

PILOTIMUA̒TA 16:3

Uali mongolio, “Lebe mopioheo̒ wonu humayaalio ami mailate pilate lo Eeya yila-yilateelo mao̒ to Masiri. Mola teto ngoi̒diilio ami mowali motihuloa̒ molamela tapu wau roti tunggula mobutuhu. Bo timongoli malodelo olami odia mai alihu ami ngoa̒amila mate lopolaango.”

PILOTIMUA̒TA 20:23

Diila mao̒ pohutua duo̒lo batangamu bubuu-iyaalo talaa̒ meaalo hulawa u tuboo limongoli ngopohia Wau̒.

PILOTIMUA̒TA 24:12

Lapatao̒ Eeya lotahuda odelei Musa, “Potao̒dulo mai ode ola-U̒ toitaato hui̒dee. Teto mawohi-U̒ mai olemu botu mohelu duluo u tiluladu-U̒ wolo ngoa̒amila butoo̒o-U̒. Ngoa̒amila butoo̒ boito wohi-U̒ mai odelo pongaajali ode bangusa boito.”

PILOTIMUA̒TA 24:18

Lapatao̒ tei Musa tulusi lotao̒dee mola dilumutu tio tilumuotao̒ ode delomo heenga boito. Wopato pulu hui wau dulahu tei Musa helo tibiluloa̒ teto.

PILOTIMUA̒TA 32:11

Tei Musa malo molohone ode Eeya Allahu Taa̒alaalio, ualio mao̒, “Eeya, ambunguolo yilongola Eeya musi mohutu mao̒ odito ode limongolio? Diila maa Eeya tamalo poa̒ahu olimongolio lonto Masiri wolo okokawasa wau olootolo daa̒?

PILOTIMUA̒TA 32:22

Totametao̒ lei Haruna, “Diila oingoi wau̒; otawamu lohihilao woloolo mola neekatilio tau-tauwala botie mohutu u moleeto.

PILOTIMUA̒TA 32:23

Timongolio loloi̒ya olau̒, ‘Diila otaawanto wolo ulowali wolei Musa, taa u malodelo mai olanto yilumualao̒ lonto Masiri; oditolio pohutua mai olami ila tamowali modelo olami.’

PILOTIMUA̒TA 32:7

Yi Eeya lotahuda odelei Musa, “Hua̒a potuhutolo mola, sababu bangusaamu tadilelomu mai yilumualao̒ lonto Masiri malohutu u moleeto.

PILOTIMUA̒TA 33:3

Timongoli motidulungo ode huta ukaya wau molomiyodu. Bo Wau̒ lohihilao diila moduduo̒ wolimongoli, alihu timongoli diila mao̒ pobinasa-U̒ tohungo dalaalo, sababu timongoli yito bangusa tabaa̒ngiyolo.”

YEHESKIEL 20:8

Bo timongolio loluwali ola-U̒ wau diila lohuto lodungohe ola-U̒. Timongolio diila lohuto lolapi bubuu-iyaalo u moo̒olonuo̒ boito wau olo diila lohuto lohuheli hipoluboa babaa-laahalaalo lo Masiri. Tou̒ timongolio donggo mola teto, Wau̒ malo podapato ohilaa mopomukaa̒i omulukaa-U̒ ode limongolio.

HOSEA 12:13

Tei Yako loluuhurunto lolahi ode Mesopotamia, lapatao̒ u moo̒toduo mai dile, tio lotitiwato to taa u mola teeto wau lohimbala mao̒ hihiimbawaala lo tau boito.

MIKHA 6:4

Timongoli madilelo-U̒ yilumualao̒ lonto Masiri, wau yilopato-U̒ monto polowato; Wau̒ malolao olei Musa, Haruuna, wau Miriyama u modelo olimongoli.

YIA̒APO 14:22

deu̒ monto tau-tauwala botie diaaluo penu boli ngotaa mao̒ tadonggo tumu-tumulo u tumuwota ode lipu umapilo danti-U̒ odeli nenemoya limongolio. Sababu timongolio diila mohuto modungohe ola-U̒, wau mololaalaaita hemo himontala ola-U̒. Lebe-lebe pomao̒ timongolio maloo̒onto tinelu-U̒ u ilumilato, wau momoo̒o-linggolabeyalo u pilohutu-U̒ to Masiri wau tohuta datahu wau luasi udelita.

MATIUSI 24:43

Poo̒toloma mao̒ utie! Humayaalio otaawa lotaa ohuu̒wo lo Bele jamu ngoolo tou̒ hui tamo tao̒wa mamei dungga mai, tio diila tamotuluhu, alihu tamotao̒wa boito diila tumuwoto ode delomo belelio.

MATIUSI 24:48

Bo wonu tamoomayawa boito moleeto, tio mamoloi̒ya todelomo hilaalio,

WUNGGULI LOMONGO RASULU 17:29

Naa, sababu ito yito mongo walao̒ Allahu Taa̒ala, diila mowali ito monganggapu Allahu Taa̒ala yito tutuuwauwa debo odelo bui̒ upilohutu monto hulawa meaalo talaa̒ meaalo botu upilohutu modudua̒ pongotota lomanusia.

WUNGGULI LOMONGO RASULU 19:26

Botia maa iloontonga lo Wutato wau lodungohe lohihilao wolo u hepilohutu lei Paulus boito. Tio loloi̒ya deu̒ dedeewaalo u pilohutu lomanusia sama-samaata diila dewa. Wau tio maloo̒hutu totaa dadaata palacaya to pongaajalilio, wau diila bo wambao̒ tewe to Epesus, bo ngopee̒ to ngoilanggubu madala lo Asia olo.

WUNGGULI LOMONGO RASULU 7:40

Timongolio loloi̒ya odelei Haruna, ‘Pohutua mai dedee-waalo olami, alihu dedee-waalo boito modelo olami. Sababu madidu otaawa lami wolo u malotoduo tolei Musa talopo lualai olami lonto Masiri boito!’

TINGULI 31:8

Eeya lohihilao tamodelo wau motulungi mai olemu. Tio diila tamopo kikiio̒ hilao meaalo mololaa mao̒ olemu. Sababu uito diila mao̒ oohe meaalo molawalo.”

TINGULI 9:1

“Dungohiilo mongo wutato! Todulahee botie timongoli mamo balango Dutulaa Yordan u motibiluloa̒ tomadala lo babaa-ngusawalo talebe udaa̒ wau lebe molotolao̒ woli mongoli. Kokoo-tawaalo limongolio duduulaa̒ wolo didii-ngingaalo meeselio u panto-pantonga debo odelo langgato hulungo.

TINGULI 9:9

Watia lotao̒de hui̒dee boito mola lololimo mai botu lodaantia u pilohutu lo Eeya woli mongoli. Wopato pulu hui wau dulahu hiheolio watia lotibiluloa̒ toitaato hui̒dee boito lou̒ diila lolamelo wau longilu.

YOSUA 7:13

Botia pobongulo mola, Yosua! Pomantaliyalo umati lo Isirai̒lu wau ahuliilo timongolio motidapato mai motaalua wola-U̒. Palentawa mao̒ timongolio motidapa-dapato loombu, sababu Wau̒ Eeya Allahu Taa̒ala lo Isirai̒lu mamotahuda mai utie ode limongolio: ‘Wuu tau-tauwalo Isirai̒lu! Babaa-langiyalo u mapilo malenta-U̒ mai u pobinasaalo, ngotayadio woluo to olemu. Tou̒ timongoli diipo molapi mao̒ babaa-langiyalo boito, timongoli diila tamoo̒ taahangi moluwali musu!’

2 PETRUS 3:4

lou̒ moloi̒ya odie, “Ualio Eeya lodanti mamei dungga mai! Botia toonu Tio? Mongo tiyamo loluhurunto mailate, bo totoonulalo u hitua-tuawua donggo tutuuwauwa wambao̒ debo odelo anggadu ilowalia mai lo aalamu!”