PILOTIMUA̒TA 30:10 - KITABI HABARI MOPIOHE

¹⁰ Poe̒enta ngotaunu tei Haruna musi mohutu mao̒ upacala pomantaliyalo mesba wolo pohuli mopo molotio̒ ode opato tungeelio duhu lobibiahu u pobakeolo huna pongambungualo dusa. Sua̒li boito musi pohutuwola timii̒du taunu ngotupa lo jamani. Mesba boito musi mantali ngoa̒amilalo wau pohetuwola ola-U̒.”

PILOTIMUA̒TA 30:10 Iomraidhean Croise

BOHULO MONGO OLONGIA 1:50

Yi mailoohe daa̒ tei Adonia olei Salomo, tilinggula tio tilumetea̒ mota ode Kema lo Eeya wau helodihu huhuu-duwaalo mesba teto.

BOHULO TAWARI 6:49

Tei Haruna wau waliilio mai hio̒ tuugasia momobu dupa, mopodewo bake yilalango toitaato mesba, mohutu mao̒ totoonulalo upacala hidala-dalaala to Huwali Leidaa̒ Laba-labaalo mantali, wau mopodewo bake polulutalo dusa umati lo Isirai̒lu. Ngoa̒amilalo boito hepohutuo limongolio lotuuu̒de wolo toonula potuhata uilohi mao̒ lei Musa wato lo Allahu Taa̒ala.

PILOTIMUA̒TA 30:11

Eeya lotahuda odelei Musa,

PILOTIMUA̒TA 30:9

Diila mao̒ podewowa toitaato mesba boito dupa udini-dini, bake lo binatangi, meaalo bake pohinta; diila mao̒ poluata olo bake taluhu lo angguru toitaatio.

IMAAMATI 16:16

Wolo dudelo boito tio mopomantali mao̒ Huwali Leidaa̒ Laba-labaalo mantali monto najisi bangusa lo Isirai̒lu wau monto totoonulalo dusa limongolio. Kema lo Eeya musi pomantaliyolo sababu woluo tohuungo Kema bangusa lo Isirai̒lu wau ilotuhata onajisi limongolio.

IMAAMATI 16:18

tei Haruna musi lumualao̒ wau monao̒ mota ode mesba lobake yilalango mopo mantali mao̒ mesba boito. Tio musi mohama mao̒ duhu losapi ngoi̒di wau duhu lobatade, wau mopo maideo̒ to tutuu-ngeyaalo wau totimii̒du tutulo mesba.

IMAAMATI 16:2

tahudaa-Lio, “Potunggula mao̒ odelei Haruna wutatumu, deu̒ bo tou̒ wakutu utantu-tantu tio mowali tumuwotao̒ ode Huwali Leidaa̒ Laba Mantali ubilua̒ lopodehu, sababu teteetolo Wau̒ mamopo bilohei batanga-U̒ todelomo heengo toitaato tau̒bu lo Bulua Daantia. Wonu tei Haruna molambanga palenta boito, yi tio maamate.

IMAAMATI 4:18

Ngotayadio poli musi pomaide mao̒ to tutuu-ngeyaalo totimii̒du tutulo mesba lodupa todelomo Kema, wau lebelio musi pomuhuta mao̒ to wumbato mesba tambati lobake yilalango u woluo totalu huhebu lo Kema.

IMAAMATI 4:7

Ngotayadu monto duhu boito musi pomaideo̒ to tutuu-ngeyaalo totimii̒du tutulo mesba lodupa umoonu todelomo Kema, wau lebelio musi pomuhuta mao̒ towumbato mesba lobake yilalango uwoluo totalu huhebu lo Kema.

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

IBRANI 9:25

Ti iimamu daa̒ lo Yahudi timii̒du taunu tumuwoto ode Huwali Leidaa̒ Laba-labaalo mantali todelomo Bele lo Eeya wolo modelo duhu lo binatangi tuwau. Boti Almasi diila tilumuwoto u lopodewo batanga-Lio wuwuulia.

IBRANI 9:7

U tumuwotao̒ ode ambahu delomio daa̒ lokema boito boti iimamu molamahu wambao̒. Tio mohutu uito bo pee̒enta ngotaunu. Uito pohutuolio lou̒ modelo duhu u podewolo ode Allahu Taa̒ala sababu batangalio lohihilao wau sababu duduu-sawaalo u pilohutu lou̒ diila mongalati lo umati-Lio.

WAHI 9:13

Lapatao̒ malai̒kati tao̒lomio lohiipo torompetilio. Yi watia loo̒dungohe suala lonto opato tutulo mesba hulawa u totalu lo Allahu Taa̒ala.