PILOTIMUA̒TA 3:4 - KITABI HABARI MOPIOHE

⁴ Eeya loo̒onto olei Musa lohimbideo̒ ode tambati boito, yi Tio longiibodei lonto huungo diu̒to boito, “Musa! Musa!” “Watotia mai teea,” tuaheo̒ lei Musa.

PILOTIMUA̒TA 3:4 Iomraidhean Croise

ILOOWALI 22:1

Dengolo wakutu mola lapatio mao̒ Allahu Taa̒ala lotesi otatapu wau olotolo hilao lei Abraham. Allahu Taa̒ala longiibode: “Abraham!” Tulusi tei Abraham lolametao̒, “Yaa Eeya.”

ILOOWALI 22:11

Bo malai̒kati lo Eeya longiibodei olio lonto hulungo, “Abraham, Abraham!” Tametao̒ lei Abraham, “Ambunguolo, yaa Eeyaa!”

ILOOWALI 28:16

Lapatao̒ tei Yako lobongu mai lonto otuluhio wau loloi̒ya, “Eeya woluo tewe, totambati botie, boheli botia ilotaawau̒ mao̒!”

ILOOWALI 46:2

To delomo bibilohe tuwau tou̒ hui, Allahu Taa̒ala lotahuda mai ode olio, “Yako, Yako!” “Yaa Eeya, ” tuahio mao̒.

JABURU 62:11

Diila mao̒ pohalaapu to tilapulo u lotapu mai wolo untungi dadaata daa̒, wau diila mao̒ pongakua balangi u yilambato. Tumbao̒ wonu okokayaamu oduhenga mola, diila mao̒ podembinga hilaamu to okokaya boito.

PILOTIMUA̒TA 19:3

wau tei Musa lotao̒de mola ode hui̒dee boito u lodunggaya wolo Allahu Taa̒ala. Eeya lotahuda mai odelei Musa lonto hui̒dee boito wau lopoa̒hu olio mopo malalumu mao̒ ode taulo Isirai̒lu, wali mai lei Yako,

PILOTIMUA̒TA 3:2

Mota teto malai̒kati lo Eeya lopo bilohei batanga to olio todelomo lei̒to tulu u yimualai lonto huungo diu̒to. Tei Musa lomilohe mota diu̒to boito lei̒-lei̒ito, bo diila lopobu.

PILOTIMUA̒TA 33:12

Todulahee tuwau tei Musa loloi̒ya ode Eeya, “Eeya, Eeya lomalenta olaatia modelo mota bangusa botia ode lipu u pilodanti mai lo Eeya. Bo Eeya diila lotahuda mai tatoonu tamaa laolo lo Eeya u motulungi olaatia. Eeya, Eeya lotahuda mai deu̒ Eeya motota olaatia, wau lotuhatawa wolaatia.

PILOTIMUA̒TA 4:5

Tahuda mao̒ lo Eeya, “Pohutua mao̒ odito alihu tau-tauwalo Isirai̒lu palacaya deu̒ Wau̒, Eeya, Allahu Taa̒ala nenemoya limongolio. Allahu Taa̒ala lei Abraham, Isihaka wolei Yako, malo pobilohei lobatanga to olemu.”

IMAAMATI 1:1

Lonto Kema-Lio, Eeya lotianga olei Musa wau longohi olio wuwuu uduwaalo

WUNGGULI LOMONGO RASULU 10:13

Lapatao̒ woluo suala lotahuda mai olio, “Petrus, bongulo! Olotaalo wau polamelolo!”

WUNGGULI LOMONGO RASULU 10:3

Tou̒ dulahee tuwau tanu jamu tiga lolaango tio loo̒onto wolo mopatatao tuwaulio lo bibilohu, ngotaatio lo malai̒kati lo Allahu Taa̒ala dungga-dungga mai wau lotianga olio, “Kornelius!”

WUNGGULI LOMONGO RASULU 9:4

Tio lodehu lewumbade tohuta tulusi loo̒dungohe suala tuwau lotahuda mai olio, “Saulus, Saulus! Wolo sababuulio yio̒ mongalinaya ola-U̒?”

TINGULI 33:16

Pohileaala dua̒ hutalio poo̒daatalio tutu wolo totoonulalo ulaba-labaalo mopiohu, wau balakatia lo opopiohu Eeya tahelo tahuda mai todiu̒to u hinta-hintalabu. Pohileaala dua̒ balakati boito motuhutai ode yitaato wali mai lei Yusu, sababu tiolo tau̒wa towolota lomongo wutatio.

BOHULO SEMUEL 3:10

Lapatao̒ malonao̒ mai Eeya, wau tilimihulao̒ to tambati boito wau luli lotianga, “Semuel, Semuel!” Wau tei Semuel lolametao̒, “Ambunguolo potahudalo mai, Eeya, wato-Mu mamo dungoheo̒.”

BOHULO SEMUEL 3:4

Eeya lotianga olei Semuel, lapatao̒ tei Semuel lolametao̒, “Yaa, Paaa̒!”

BOHULO SEMUEL 3:6

Lapatao̒ Eeya luli lotianga olei Semuel, bo diila otaawa lei Semuel deu̒ tahemo tianga olio boito Eeya, sababu diipo pee̒enta mao̒ helo bisala wolio. Sababu uito tio malobongu, tulusi mota lodunggaya wolei Eli wau lohintu mao̒, “O wolo Paaa̒? Yilongola ti Paaa̒ hemotianga olaatia?” Tei Eli lolametao̒, “Wau̒ diila lotianga olemu walau̒uu̒; muli potuluhulo.”

BOHULO SEMUEL 3:8

U otolulio Eeya lotianga olei Semuel; tulusi lobongulo mola tei Semuel wau mota lodunggaya wolei Eli wau loloi̒ya, “O wolo Paaa̒? Yilongola ti Paaa̒ lotianga olaatia?” Tou̒ boitolo mola tei Eli malo ngalati deu̒ Eeyaalo tahemo tianga towalao̒ boito.