PILOTIMUA̒TA 3:11 - KITABI HABARI MOPIOHE

¹¹ Bo tei Musa loloi̒ya ode Allahu Taa̒ala, “Tatoonu watotia botie, tilinggula mambo mola motaalua woli olongia wau modelo bangusa lo Isirai̒lu lumualao̒ monto Masiri?”

PILOTIMUA̒TA 3:11 Iomraidhean Croise

OLUO LO SAMUEL 7:18

Lapatao̒ tilumuwotao̒ ti Olongia Dauda ode delomo Kema lo Eeya. Tio lotihuloo̒ wau malodua̒, “Yaa Eeya Taa Laba-labaalo molanggato, watotia wau ngaalaa̒ lowatotia diila patuti mololimo totoonulalo u opopiohu u pilopo bilohei lo Eeya to watotia ngotilonggadu botie.

BOHULO MONGO OLONGIA 3:7

Yaa Eeya, Allahu Taa̒ala lo watotia, Eeya lomudua̒a olo watotia lowali olongia lobuulota woliyamo lo watotia, eleponu watotia donggo muda daa̒ wau diila motota woloolo mola dudelolio momalenta.

BOHULO MONGO OLONGIA 3:9

Sababu uito, yaa Eeya, potala wohia mai watotia tinepo upalaluo lo watotia u momalenta umati lo Eeya botie wolo aadili wau u mowali mopo hiheede toonu umopiohe wau toonu u moleeto. Wonu diila odito, diila pongalo aakali watotia mowali momalenta umati lo Eeya u udaa̒ botie?”

BOHULO TAWARI 29:14

Watotia wau ulipu lowatotia botie tutuulio tutu diila moo̒wohi wolo-wolo ode Eeya, sababu tilolahepaalo mao̒ deu̒yito-yito wowohi mai lo Eeya wau wolo u wohi lo mongowatia botie deu̒yito-yito haku lo Eeya olo.

PILOTIMUA̒TA 6:12

Odi-odieelo mola Eeya helolao olei Musa wolei Haruna ode bangusa lo Isirai̒lu wau odeli olongia lo Masiri deu̒ timongolio tilugasia lo Eeya u modelo bangusa lo Isirai̒lu lumualao̒ monto Masiri.

YEREMIA 1:6

Watia lolametao̒, “Yaa Eeya Taa Laba-labaalo molanggato, watotia diila motota mobisala sababu watotia donggo humula daa̒.”

2 KORINTUS 3:5

Amiaatia diila o alasani boli bo tuwau mao̒ u mopobilohe deu̒ amiaatia mambo mohutu kalaja botie, bo Allahu Taa̒ala talo pomambo olamiaatia.

MONGO HAKIMU 6:15

Tei Gideon lolametao̒, “Yilongola watotia, yaa Eeya? Diila pongalo aakali watotia tamolopata umati lo Isirai̒lu monto okokawasa taulo Midian. Todelomo suku Manasye, kaumu lo watotiaalo talaba-labaalo molulupuhu. Wau todelomo ngaalaa̒ lo watotia olo watotiaalo talaba-labaalo diila oboliilio sama-samaata.”

BOHULO SEMUEL 18:18

Tei Dauda lolametao̒, “Tatoonu watotia botie, wau wolo boliilio ngaalaa̒ liyamo lo watotia to Isirai̒lu, tilinggula watotia mowali moluhengi Olongia?”