PILOTIMUA̒TA 3:10 - KITABI HABARI MOPIOHE

¹⁰ Botia yio̒ laolo-U̒ mola motaalua woli olongia lo Masiri alihu yio̒ mowali modelo bangusaa-U̒ lumualao̒ monto lipu boito.”

PILOTIMUA̒TA 3:10 Iomraidhean Croise

ILOOWALI 15:13

Eeya lotahuda mai ode olio, “Eelailo mao̒, waliimu mai mamowali tau deli tolipu wewo; timongolio mamowali wato mola teto wau madeehelio ngotilonggadu wopato hetuto lotaunu mola hiheolio.

ILOOWALI 15:14

Bo bangusa tamopowato waliimu boito mahukuu-maniyo-U̒ wau towakutu waliimu mololaa mao̒ lipu boito, timongolio mamodelo halata upango dadaata.

JABURU 105:26

Lapatao̒ Eeya lolao olei Musa wato-Lio wolei Haruna tatilulao-Tio.

JABURU 77:20

Eeya monao̒ molibaya buo̒olo, monao̒ mobalango auhu, bo baa̒to Eeya diila oontonga.

PILOTIMUA̒TA 12:40

Bangusa lo Isirai̒lu malo tibiluloa̒ to Masiri wopato hetuto tolo pulu lotaunu hiheolio.

PILOTIMUA̒TA 12:41

Todulahee pulitio totaunu opaato hetotu tolo pulu boito, ngoa̒amila baliisani umati lo Eeya helo lolaa mao̒ huta lo Masiri.

PILOTIMUA̒TA 33:12

Todulahee tuwau tei Musa loloi̒ya ode Eeya, “Eeya, Eeya lomalenta olaatia modelo mota bangusa botia ode lipu u pilodanti mai lo Eeya. Bo Eeya diila lotahuda mai tatoonu tamaa laolo lo Eeya u motulungi olaatia. Eeya, Eeya lotahuda mai deu̒ Eeya motota olaatia, wau lotuhatawa wolaatia.

PILOTIMUA̒TA 33:13

Wonu odito, ambunguolo Eeya mopoo̒taa mai wolo lanjana lo Eeya, Eeya, alihu watia mowali momaya to Eeya wau debo moo̒sanangi hilaa lo Eeya. Eelailo mao̒ olo deu̒ bangusa botie matilulaoto lo Eeya lowali haku lo Eeya.”

PILOTIMUA̒TA 6:26

Timongolio duulota mola lotaalua woli olongia lo Masiri alihu tio molopata taulo Isirai̒lu.

HOSEA 12:13

Tei Yako loluuhurunto lolahi ode Mesopotamia, lapatao̒ u moo̒toduo mai dile, tio lotitiwato to taa u mola teeto wau lohimbala mao̒ hihiimbawaala lo tau boito.

MIKHA 6:4

Timongoli madilelo-U̒ yilumualao̒ lonto Masiri, wau yilopato-U̒ monto polowato; Wau̒ malolao olei Musa, Haruuna, wau Miriyama u modelo olimongoli.

WUNGGULI LOMONGO RASULU 7:34

Wau̒ maloo̒onto wau lopoo̒ tuotai paa̒tio u hedilutola lo umati-U̒ to Masiri. Wau̒ malo dungohe poloi̒laalo suusa limongolio wau Wau̒ lotuhutai u molopata olimongolio. Botia, dulo! Wau̒ mamolao olemu muli mohualinga mola ode Masiri.’

WUNGGULI LOMONGO RASULU 7:36

Tei Musa boitolo talodelo bangusa lo Isirai̒lu yilumualai lonto Masiri wolo helohutu u moo̒linggolabe wau susuu-aliyaalo upolu-polutuo̒ to Masiri, to Deheto Meela, wau tohuta datahu u luasi daa̒ wau delita wopato pulu lotaunu mola.

WUNGGULI LOMONGO RASULU 7:6

Bo uti-utieelo u pilotahuda lo Allahu Taa̒ala olio, ‘Waliimu mola mamoti biluloa̒ debo odelo tau deli tolipu lo taawewo. Tau-tauwala tolipu boito mamopowato olimongolio wau mohutu mao̒ wolo diila omanusia olimongolio wopato hetuto lotaunu mola hiheolio.

WUNGGULI LOMONGO RASULU 7:7

Bo Wau̒ mamo hukuumani mai bangusa tahemo powato olimongolio, wau timongolio malumualo monto lipu boito wau mamolubo ola-U̒ totambati botie.’

MONGO HAKIMU 6:14

Lapatao̒ Eeya longohi mao̒ palenta botie odelei Gideon, “Wolo ngoilanggubu olootolumu ponao̒lo mota molopata taulo Isirai̒lu monto taulo Midian. Wau̒lo talolao mai olemu.”

BOHULO SEMUEL 12:6

Lapatao̒ luli loloi̒ya mao̒ tei Semuel, “Eeyaalo talo lulaotai olei Musa wolei Haruna wau talodelo loluuhuru limongoli yilumualao̒ lonto Masiri.

BOHULO SEMUEL 12:8

Tou̒ tei Yako wau ngaalaa̒lio leidungga ode Masiri, wau taulo Masiri helodeehe olimongolio, loluuhuru limongoli malo molohone ode Eeya lei̒ tulungi, lapatao̒ Eeya lolao mai olei Musa wolei Haruna. Taduulota boito malodelo loluuhuru limongoli yilumualai lonto Masiri wau lotulungi olimongolio helo titatapu tolipu botie.