PILOTIMUA̒TA 28:8 - KITABI HABARI MOPIOHE

⁸ Tuwau bintolo wohuta u kilalawo moa̒aluti monto baahani u tutuuwauwa musi detumolo to boo̒ li iimamu boito alihu mowali ngotayadu.

PILOTIMUA̒TA 28:8 Iomraidhean Croise

IMAAMATI 8:7

Lapatao̒ uito tio lopopake mao̒ pakeyangi li iimamu to olei Haruna: kameja, bintolo wohuta wau jumba. Wau olo boo̒ li iimamu u bilintolao̒ to wohutalio wolo bintolo monto kaingi moa̒aluti.

PILOTIMUA̒TA 29:5

Popohulia mao̒ pakeyangi li iimamu to olei Haruna: kameja, boo̒ li iimamu, jumba u molau̒be boo̒ li iimamu, tau̒bu duhelo wau bintolo wohuta.

WAHI 1:13

Tohuungo oa̒ato totoo-heyaalo boito tihutihulo ngotaalio tao̒ontonga debo odelo manusia. Tio pakepake jumba u hayai̒o demola oa̒ato. Toduhe-Lio Tio pakepake tau̒bu duhelo hulawa.

1 PETRUS 1:13

Sababu uito, mamusi timongoli dapadapato. Poo̒dahai mao̒ wau poti wunelolo lealeaatulo mao̒ to balakati u mawohi-Lio mai olemu tou̒ ti Isa Almasi de meidungga mai.

YESAYA 11:5

Tio mohutu mao̒ wolo aadili wau tatapu boli molotolo hilao todelomo totoonulalo u hitua-tuawua.

PILOTIMUA̒TA 28:7

Duluo tali lo binggungo polihuto boo̒ li iimamu musi detumolo tobiihio.

PILOTIMUA̒TA 28:9

Hamawa mao̒ dulobotu dalima. Lolohe mao̒ ngotaalio pani lohulawa taa ahali u monguukiri tobotu boito totaa-nggulaalo opulaa duulota mongo walae̒e Yako moduduo̒ toyunuto umululio, wolomo tanggulo totimii̒du botu. Lapatao̒ oluo lobotu polioto boito musi pohuliyola todelomo lesi hulawa wau dutuwola totali lobingungo loboo̒ li iimamu odelo tuoto poe̒ela mao̒ to mopulaa duluo suku lo Isirai̒lu. Wolo pohuli boito tei Haruna modelo tangguli mongolio to binggungio, tilinggula Wau̒, Eeya, laito moe̒ela olimongolio.

PILOTIMUA̒TA 39:5

Biintolo wohuta hiliyolo moa̒aluti pilohutu lonto baahani u tuutuuwauwa wau podetumolo to boo̒ li iimamu boito tunggula mowali ngotayadu debo odelo upilo malenta lo Eeya odelei Musa.