PILOTIMUA̒TA 24:8 - KITABI HABARI MOPIOHE

⁸ Lapatao̒ tei Musa lohama mao̒ duhu uwoluo todelomo babaa-siyaala boito wau lopo muhutao̒ odeitaato ulipu. Ualio mao̒, “Duhu botie mopoo̒o toheto daantia u tilihuto Eeya woli mongoli dadaasari to papaa-rentaa-Lio.”

PILOTIMUA̒TA 24:8 Iomraidhean Croise

BOHULO MONGO OLONGIA 8:21

To delomo Bele lo Eeya boito mapilo dapatou̒ tambati ode Bulua Daantia u tuatuanga botu daantia towolota lo Eeya wolo loluuhurunto tou̒ Eeya lodelo olimongolio yilumualao̒ lonto Masiri.”

BOHULO MONGO OLONGIA 8:9

To delomo Bulua Daantia boito diaaluo penu boli u hitua-tuawua ngopohia botu mohelu duluo. Boboo-tuwaalo boito mapilopo tuwotio mao̒ teto lei Musa to Hui̒dee Sinai, tou̒ Eeya lohutu daantia wolo bangusa lo Isirai̒lu towakutu timongolio todelomo nonao̒ limongolio lonto Masiri ode lipu lo Kanaa̒n.

JABURU 78:36

Bo timongolio helo himbulo to Eeya, tataa-heyaalo limongolio wimbulo ngoa̒amilalo.

PILOTIMUA̒TA 24:6

Ngotayadu monto duhu losapi boito hilama lei Musa wau tiluwatio mola ode delomo babaa-siyaalo toitaato mesba.

YESAYA 52:15

Bo botia dadaata bangusa pilohutulio hileerani, mongo olongia motipoo̒yo sababu molinggolabu. Timongolio mamoo̒onto wau mongalati, u tou̒ dipolulio mai diila otaawa limongolio.”

YEREMIA 31:32

Bo daantia boito diila debo odelo daantia u pilohutu-U̒ wolo loluuhuru limongolio tou̒ lodepita olimongolio yulumualai lonto Masiri. Eleponu boli Wau̒ debo odelo ngotaali lodile talolao̒ ode limongolio, bo timongolio lomaahe daantiaa-U̒ woli mongolio.

YEHESKIEL 36:25

Lapatao̒ uito timongoli maputata-U̒ lo taluhee moolango, alihu timongoli belesi monto totoonulalo balaahalamu wau monto totoonulalo hitua-tuawua umalo pokootolo olimongoli.

IMAAMATI 8:30

Lapatao̒ uito tei Musa lohama ngotayadu lonto winulo upacala wau ngotayadu lo duhu uwoluo toitaato mesba, tulusi pilo mutatio mao̒ odelei Haruna wau mongo walai̒o wau to pakeyangi limongolio. Wolo dudelo boito tei Musa lopoheetu olimongolio wau pakeyangi limongolio ode Eeya.

HAGAI 2:5

Tou̒ timongoli yilumualai lonto Masiri, Wau̒ malo danti malaito moduo̒la olimongoli. Wau botia olo Wau̒ debo donggo moduo̒la olimongoli. Oditolio, diila palalu timongoli molawalo.

JAKARIA 9:11

Eeya lotahuda ode umati-Lio, “Domi daantia u pilohutu-U̒ wolimongoli, daantia u silaaha wolo duhu bake lodewo, malopato-U̒ ulipumu tahi dutolaa todelomo polayahu debo odelo taa u leiu̒lungo todelomo ali mohengu.

MATIUSI 26:28

Sababu uti-utieelo duhu-U̒ u moposaaha daantia lo Allahu Taa̒ala – duhu u hiluwato duo̒lo taa dadaata u pongambungualo dusa limongolio.

MARKUSI 14:24

Lapatao̒ uito ti Isa lotahuda mao̒, “Uti-utieelo duhu-U̒ u moposaaha daantia lo Allahu Taa̒ala, duhu u tiluwato ode taa dadaata.

LUKASI 22:20

Odito olo lapatao̒ lolamelo, Tio longohi mao̒ olimongolio hakati lo angguru boito wau lotahuda, “Hakati botie tutuulio tutu daantia lo Allahu Taa̒ala u bohu, u piloposaaha wolo duhu-U̒ – duhu u bilangguatai ode limongoli.”]

1 KORINTUS 11:25

Odito olo lapatao̒ lolamela, Tio lohama mao̒ hakati lo angguru tulusi lotahuda, “Angguru botie yito daantia bohu lo Allahu Taa̒ala, u silaaha wolo duhu-U̒. Timii̒du timongoli mongilu utie, pohutua mao̒ utie u mopoe̒ela ola-U̒.”

EPESUS 1:7

Sababu, lo opopate li Almasi, ito yilopatio lo Allahu Taa̒ala, bolilio mao̒ Tio malo ngambungu olanto lonto duduu-saanto.

TINGULI 5:2

To Hui̒dee Sinai Eeya Allahu Taa̒alanto lohutu mai daantia tuwau,

IBRANI 10:29

Malo lebe mobuuhetao̒ hukuumani u musi podehuwolo totaa u hemo dutadutaa̒ Walao̒ Allahu Taa̒ala. Tau boito hemo nganggapu hina duhu daantia lo Allahu Taa̒ala, deu̒ito-yito opopate li Almasi tamo poo̒belesi monto dusa. Tio mohina Rohu tamoongohia odehu hilao̒.

IBRANI 13:20

Allahu Taa̒ala malo potumulai li Isa Eeyanto lonto opopate. Sababu opopate-Lio boito Tio masaatia lowali Diti Daa̒ de olanto, deu̒ito-yito hihii-mbaa-Lio. Opopate-Lio boito olo loposaaha mai daantia ohiheo-hiheolo mao̒ u pilohutu lo Allahu Taa̒ala wolanto.

YOSUA 24:25

Yi todulahee boito tei Yosua to Sikhem lohutu daantia wolo umati lo Isirai̒lu; wau mota teto tio helongohi bubuu-too̒waalo wau u musi dungohe limongolio.