PILOTIMUA̒TA 24:7 - KITABI HABARI MOPIOHE

⁷ Lapatao̒ hilamalio buku lodaantia utula-tuladee palenta lo Eeya, wau pilobacalio mao̒ wolo suala mooo̒huu̒ ode bangusa boito. Uali mongolio, “Ami mohuto modungohe to Eeya wau mohutu mao̒ totoonulalo palentaa-Lio.”

PILOTIMUA̒TA 24:7 Iomraidhean Croise

BOHULO MONGO OLONGIA 8:9

To delomo Bulua Daantia boito diaaluo penu boli u hitua-tuawua ngopohia botu mohelu duluo. Boboo-tuwaalo boito mapilopo tuwotio mao̒ teto lei Musa to Hui̒dee Sinai, tou̒ Eeya lohutu daantia wolo bangusa lo Isirai̒lu towakutu timongolio todelomo nonao̒ limongolio lonto Masiri ode lipu lo Kanaa̒n.

OLUO TAWARI 15:14

Wolo suala daa̒ timongolio helo tadia mola ode Eeya deu̒ timongolio mamodihu danti boito. Lapatao̒ timongolio helo ngibo-ngiibode mola lou̒ meengahe wau hemohiipa torompeti.

JABURU 50:5

Tahudaa-Lio, “Ambuwalo ngoilanggubu umati-U̒ tamalo ngawade daantia wola-U̒, wau lopoo̒ tohetao̒ wolo bake tilambalo.”

JABURU 78:36

Bo timongolio helo himbulo to Eeya, tataa-heyaalo limongolio wimbulo ngoa̒amilalo.

PILOTIMUA̒TA 19:8

Timongolio ngoa̒amila wolo pee̒entalo mao̒ lolameta, “Amiaatia mohuto mohutu mao̒ totoonulalo upilo tahuda mai lo Eeya,” wau totameta boito pilo tunggulao̒ lei Musa ode Eeya. Lapatao̒ tahuda lo Eeya odelei Musa, “Wau̒ mamei dungga mai ode olemu lilu-lilunga todelomo heengo u mohulodu; tau-tauwalo mamo dungohe ola-U̒ motahuda mai ode olemu, wau tumulalo mao̒ tou̒ boito timongolio malaito palacaya to olemu.

MALEAKHI 2:10

Ito ngoa̒amila oti Aba u tutuuwauwa diila odito? Ito ngoa̒amila pilopowali lo Allahu Taa̒ala u tutuuwauwa diila odito? Wonu odito, yilongola ito tinggai mopaapaahe danti wau lou̒ odito momaahe daantia u pilohutu lo Allahu Taa̒ala wolo loluuhurunto?

WUNGGULI LOMONGO RASULU 13:15

Lapatao̒ Buku lei Musa wau Buku lomongo nabi pilobacalio mao̒, mongo tau̒wa lobele potabiaalo boito lopoa̒hu taa lohintu olei Paulus wolo mongo sahabatilio, “Mongo wutato, wonu mongo wutato bolo o naseehati hitua-tuawua ode tau-tauwalo botie, yi toduwolo umopo tunggulao̒ naseehati boito.”

KOLOSE 4:16

Lapatao̒ tulade botie pobacalio mao̒ olimongoli, tolo paniyalo alihu uito pobacaalo olo tojamaa̒ u to Laodikia. Odito olo timongoli lohihilao musi mobaca mao̒ tulade umaa laololio mai monto Laodikia ode limongoli.

1 TESALONIKA 5:27

Tokawasa lo Eeya, pohile laatia lou̒ tio̒otutua alihu timongoli mopobaca mao̒ tulade botie ode ngoa̒amila wutato tango-iimani.

YOSUA 24:24

Lapatao̒ tau-tauwala boito loloi̒ya mao̒ odelei Yosua, “Amiaatia mamotiwato bo to Eeya, Allahu Taa̒alanto. Amiaatia mamo dungohe totoonulalo palentaa-Lio.”