PILOTIMUA̒TA 24:6 - KITABI HABARI MOPIOHE

⁶ Ngotayadu monto duhu losapi boito hilama lei Musa wau tiluwatio mola ode delomo babaa-siyaalo toitaato mesba.

PILOTIMUA̒TA 24:6 Iomraidhean Croise

OLUO MONGO OLONGIA 17:15

Isirai̒lu wau Yehuda diila lohutu lodungohu papaa-lentawalo Eeya wau diila tatapu wau molotolo hilao to daantia umaa pilohutu-Lio wolo loluuhuru limongolio. Timongolio diila helo mandungi totoonulalo didinii-Lio, bo helo ibaadati ode babaa-laahalaalo udiila ohunalio. Timongolio heloo̒ baaya to babaa-ngusawalo topalito limongolio, eleponu Eeya malodini mai.

JABURU 99:6

Tei Musa wolei Haruna tuwotuwoto mongo iimamu lo Eeya, tei Semuel tala ngota lo tahelodua̒ mola to Eeya. Timongolio hipongiibode meengahu to Eeya, wau Eeya helo lametai.

PILOTIMUA̒TA 12:22

Hamaalo mao̒ ngobuhu hisopi, polomoa mola ode delomo basi utua-tuanga duhu lohimba boito, lapatao̒ pomaide too̒luo wolihi lohuhebu wau tobalaki ubula-bulawahu toitaato huhebu lobelemu. Tunggula dumodupo diaaluo penu boli ngota towolota limongoli tamololaa mao̒ bele.

PILOTIMUA̒TA 12:7

Ngoi̒di duhulio musi pomahita mao̒ too̒luo wolihi lohuhebu wau tobalaki ubala-bulawahu toitaato huhebu lobele tambati limongolio molamelao̒.

PILOTIMUA̒TA 24:8

Lapatao̒ tei Musa lohama mao̒ duhu uwoluo todelomo babaa-siyaala boito wau lopo muhutao̒ odeitaato ulipu. Ualio mao̒, “Duhu botie mopoo̒o toheto daantia u tilihuto Eeya woli mongoli dadaasari to papaa-rentaa-Lio.”

PILOTIMUA̒TA 29:16

Lapatao̒ olota mao̒ binatangi boito, hamawa duhulio wau pomuhuta mao̒ to opato biihio lo mesba.

PILOTIMUA̒TA 29:20

Lapatao̒ olota mao̒ himba ulai̒ boito, hamawa mao̒ ngoi̒di duhulio wau pomaide mao̒ tobulongo olowala lei Haruna wau mongo walai̒o, totiilo tingongoa lo uluu̒ olowala wau tiilo tingongoa lo oa̒ato olowala limongolio. Labito duhu boito musi pomuhutumu mao̒ to opato biihio lo mesba.

YEREMIA 31:32

Bo daantia boito diila debo odelo daantia u pilohutu-U̒ wolo loluuhuru limongolio tou̒ lodepita olimongolio yulumualai lonto Masiri. Eleponu boli Wau̒ debo odelo ngotaali lodile talolao̒ ode limongolio, bo timongolio lomaahe daantiaa-U̒ woli mongolio.

IMAAMATI 1:11

Tau boito musi mongolotao̒ binatangi boito to ambahu tilayo lo mesba, lapatao̒ mongo iimamu musi molooheo̒ duhulio to opato biihu mesba.

IMAAMATI 1:5

Lapatao̒ sapi boito musi olotolo totalu huhebu lo Kema. Duhulio musi podewo lomongo iimamu wali mai lei Haruna ode Eeya, lapatao̒ potoohulo to opato biihu mesba totalu huhebu lo Kema.

IMAAMATI 3:2

Taa u mopodewo mao̒ musi mopodutu lo uluu̒lio toitaato lunggongo binatangi boito lapatao̒ mongolotao̒ totalu huhebu Kema lo Eeya. Mongo iimamu wali lei Haruna musi mopo muhutao̒ duhu losapi boito to opato biihu mesba.

IMAAMATI 3:8

Mota teto tio musi mopodutu uluu̒lio toitaato lunggongo himba boito lapatao̒ mongolotao̒ totalu lo Kema. Lapatao̒ ti iimamu musi mopo muhutao̒ duhu lohimba boito to opato biihu mesba.

IMAAMATI 4:6

Lapatao̒ tio musi mopolomo mao̒ tingongoa lo uluu̒lio ode delomo duhu boito wau mopo molotia̒ao̒ poo̒opitu totalu lopodehu ulopo walahe Huwali Leidaa̒ Mantali.

1 KORINTUS 11:25

Odito olo lapatao̒ lolamela, Tio lohama mao̒ hakati lo angguru tulusi lotahuda, “Angguru botie yito daantia bohu lo Allahu Taa̒ala, u silaaha wolo duhu-U̒. Timii̒du timongoli mongilu utie, pohutua mao̒ utie u mopoe̒ela ola-U̒.”

KOLOSE 1:20

Wau lotimbulude to Walao̒ boito olo Allahu Taa̒ala lolantu mai u lohutu totoonulalo u hitua-tuawua muli mopiiohe wo-Lio – mopio totoonulalo hitua-tuawua u todunia, boli u tosologa. Allahu Taa̒ala lohutu mai uito lotimbulude to opopate lo Wala-I̒o to ayu salipu.

IBRANI 12:24

Timongoli monao̒ mai motaalua li Isa, Potimbuludelo ode daantia u bohu boito; timongoli motaalua lo putato duhu u pongaku to susuu-aliyaalo ulebe mopiohe daa̒ lou̒ pilongakua loduhu lei Habel.

IBRANI 8:9

Diila debo odelo daantia u pilohutu-U̒ wolo loluhuru limongolio tou̒ lodelo olimongolio yilumualo lonto lipu lo Masiri. Timongolio diila tatapu wau molotolo hilao to daantia u pilohutu-U̒ woli mongolio; uitolo sababuulio Wau̒ diila momandungi olimongolio.

IBRANI 9:18

Sababu uito daantia ubohulio olo musi saahaalo wolo duhu.

IBRANI 9:19

Bohu-bohulio tei Musa lopo tunggulai ngoa̒amila palenta lobutoo̒ Allahu Taa̒ala tobangusa lo Isirai̒lu. Lapatao̒ uito tei Musa lohama mao̒ duhu lowalao̒ sapi wau walao̒ batade ulai̒, tulusi ilulaulio wolo taluhu, lapatao̒ pilomutatio mao̒ to Kitabi lo Bubuu-too̒waalo lonto Allahu Taa̒ala wau to ngoilanggubu bangusa lo Isirai̒lu wolo lomake huo̒yoto u hidala-dalala lohisopi wau lambuto himba lakulio meela molonihe.

IBRANI 9:21

Lapatao̒ wolo dudelo u tutuuwauwa, tei Musa lopomutato duhu boito olo ode Kema lo Eeya wau to ngoa̒amila pakaakasi u potabiaalo.

1 PETRUS 1:19

bo hitua-tuawua u ohalaga daa̒; deu̒ito-yito batanga li Almasi lohihilao, ulowali odelo himba u pilobake ode Allahu Taa̒ala lou̒ diila o aibu wau henteo̒.