PILOTIMUA̒TA 24:3 - KITABI HABARI MOPIOHE

³ Lapatao̒ tei Musa malonao̒ wau lopo malalumu mola ode bangusa boito ngoa̒amila palenta wau wuu̒du lo Eeya. Timongolio ngoa̒amila pee̒-pee̒entalo mao̒ helo lametao̒, “Ami mohuto mohutu mao̒ ngoa̒amila upilo tahuda mai lo Eeya.”

PILOTIMUA̒TA 24:3 Iomraidhean Croise

OLUO TAWARI 15:14

Wolo suala daa̒ timongolio helo tadia mola ode Eeya deu̒ timongolio mamodihu danti boito. Lapatao̒ timongolio helo ngibo-ngiibode mola lou̒ meengahe wau hemohiipa torompeti.

OLUO TAWARI 15:15

Ngoilanggubu ulipu lo Yehuda hiweengahe sababu timongolio malohutu tadia boito wolo lealeaatu lohilao. Timongolio sanangi helo ibaadati to Eeya, wau Eeya olo lotuhatawa lololimo olimongolio. Eeya longohi mai olimongolio owowoluwoa u aamani tomadala limongolio.

JABURU 50:5

Tahudaa-Lio, “Ambuwalo ngoilanggubu umati-U̒ tamalo ngawade daantia wola-U̒, wau lopoo̒ tohetao̒ wolo bake tilambalo.”

PILOTIMUA̒TA 19:8

Timongolio ngoa̒amila wolo pee̒entalo mao̒ lolameta, “Amiaatia mohuto mohutu mao̒ totoonulalo upilo tahuda mai lo Eeya,” wau totameta boito pilo tunggulao̒ lei Musa ode Eeya. Lapatao̒ tahuda lo Eeya odelei Musa, “Wau̒ mamei dungga mai ode olemu lilu-lilunga todelomo heengo u mohulodu; tau-tauwalo mamo dungohe ola-U̒ motahuda mai ode olemu, wau tumulalo mao̒ tou̒ boito timongolio malaito palacaya to olemu.

PILOTIMUA̒TA 24:2

Bo yio̒ lohihilao tamowali mohimbidei ola-U̒. Tawewo diila mowali mohimbidei, wau ulipu tumbao̒ diila mowali motao̒dei hui̒dee botie.”

PILOTIMUA̒TA 24:7

Lapatao̒ hilamalio buku lodaantia utula-tuladee palenta lo Eeya, wau pilobacalio mao̒ wolo suala mooo̒huu̒ ode bangusa boito. Uali mongolio, “Ami mohuto modungohe to Eeya wau mohutu mao̒ totoonulalo palentaa-Lio.”

YEREMIA 11:4

Daantia boito mapilohutu-U̒ mai wolo loluuhuru limongolio tou̒ timongolio dilelo-U̒ yilumualai lonto Masiri, lipu debo odelo nalaka ode limongolio. Wau̒ lopoa̒hu olimongolio modungohe to Olau̒ wau moponao̒ totoonulalo u mapiloa̒hu-U̒ mai. Botia mapilo tahudaa-U̒ olo ode taulo Yehuda wau ulipu lo Yerusalemu deu̒ wonu timongolio modungohe to Olau̒, yi timongolio mamowali umati-U̒ wau Wau̒ Allahu Taa̒ala limongolio.

HAGAI 2:5

Tou̒ timongoli yilumualai lonto Masiri, Wau̒ malo danti malaito moduo̒la olimongoli. Wau botia olo Wau̒ debo donggo moduo̒la olimongoli. Oditolio, diila palalu timongoli molawalo.

MALEAKHI 2:10

Ito ngoa̒amila oti Aba u tutuuwauwa diila odito? Ito ngoa̒amila pilopowali lo Allahu Taa̒ala u tutuuwauwa diila odito? Wonu odito, yilongola ito tinggai mopaapaahe danti wau lou̒ odito momaahe daantia u pilohutu lo Allahu Taa̒ala wolo loluuhurunto?

TINGULI 11:1

“Tolia̒ngi mao̒ Eeya Allahu Taa̒ala limongoli wau dungohilo laito totoonulalo palentaa-Lio.

TINGULI 4:1

Lapatao̒ tei Musa loloi̒ya mao̒ ode bangusa boito, “Dungohe mao̒ ngoa̒amila butoo̒ upilo ngaajali mai lowatia ode limongoli, alihu timongoli mowali tumumulo tunggula motibiluloo̒ tohuta u mawohi mai lo Eeya, Allahu Taa̒ala loluuhuru limongoli ode limongoli.

TINGULI 4:45

Sua̒li boito pilohutulio lapatao̒ timongolio yilumualai lonto Masiri wau woluo to lumbaya ambahu tiimuru lo Dutulaa Yordan, tataalua wolo kota Bet-Peor. Madala boito bakasi madala lei Sihon, olongia taulo Amori, tamuloololio mai pare-pareenta to kota Hesybon. Tei Musa wau bangusa lo Isirai̒lu lopoo̒laaheo̒ olio tou̒ timongolio yilumualai lonto Masiri.

TINGULI 4:5

Ngoa̒amila butoo̒ boito pongaajali mai lowatia ode limongoli debo odelo upilo malentai lo Eeya Allahu Taa̒ala laatia. Dungohe mao̒ ngoa̒amilalo boito tolipu u matuwoto wau potibiluloa̒ limongoli boito.

TINGULI 5:1

Tei Musa longambu mai ngoilanggubu bangusa lo Isirai̒lu, lapatao̒ loloi̒ya mao̒ olimongolio, “Mongo wutato, dungohi mao̒ bubuu-too̒waalo uwohi mai lowatia todulahee botie olemu. Pobalaajalia mao̒ bubuu-too̒waalo boito, wau dungohi mao̒ wolo tatapu wau molotolo hilao.

TINGULI 5:31

Bo yio̒, Musa, muli pohualingai wau potibiluloo̒lo teea wola-U̒; to olemu mawohiya-U̒ mai ngoa̒amila butoo̒ wau palentaa-U̒. Poa̒ajalia mao̒ olimongolio, alihu timongolio modungoheo̒ tolipu uwohi-U̒ mai olimongolio.’

TINGULI 6:1

“Eeya Allahu Taa̒ala limongoli lopoa̒hu mai olaatia mopoa̒ajali mao̒ ngoa̒amila butoo̒ botie ode limongoli alihu timongoli moponao̒ mao̒ tolipu u diilalo mohiheo mapo tibiluloa̒ limongoli.

YOSUA 24:21

Yi tau-tauwalo Isirai̒lu boito lolametao̒, “Diila! Amiaatia diila tamotiwato to ila-ila wewo. Amiaatia mamotiwato bo to Eeya wambao̒!”

YOSUA 24:22

Lapatao̒ tei Yosua loloi̒ya mao̒, “Naa, timongoli lohihilaolo sakusiilio deu̒ timongoli malolantu u motiwato bo to Eeya wambao̒.” “Otutu,” uali mongolio, “Amiaatia lohihilaolo sakusiilio.”

YOSUA 24:24

Lapatao̒ tau-tauwala boito loloi̒ya mao̒ odelei Yosua, “Amiaatia mamotiwato bo to Eeya, Allahu Taa̒alanto. Amiaatia mamo dungohe totoonulalo palentaa-Lio.”