PILOTIMUA̒TA 24:12 - KITABI HABARI MOPIOHE

¹² Lapatao̒ Eeya lotahuda odelei Musa, “Potao̒dulo mai ode ola-U̒ toitaato hui̒dee. Teto mawohi-U̒ mai olemu botu mohelu duluo u tiluladu-U̒ wolo ngoa̒amila butoo̒o-U̒. Ngoa̒amila butoo̒ boito wohi-U̒ mai odelo pongaajali ode bangusa boito.”

PILOTIMUA̒TA 24:12 Iomraidhean Croise

BOHULO MONGO OLONGIA 19:11

“Lualoolo monto gowa boito,” tahuda mai lo Eeya olio, “wau tihuloolo motitalu ode ola-U̒ toitaato hui̒du.” Lapatao̒ Eeya yilumaodeo̒ teto, tilolode lodupoto u hihiipa loo̒ohuu̒ daa̒ tilinggula huhuu-luduwaala lobutao̒ wau huhuu-ideyaalo lopoo̒. Bo Eeya diila lopo bilohei batanga todelomo dupoto boito. Lapatao̒ dupoto boito yiloole mao̒, malowali mai liluhu, bo todelomo liluhu boito olo Eeya diila lopo bilohei batangaa.

ESRA 7:10

Tei Esra malo poo̒daata-daatalo mao̒ poo̒tuotio tou̒ helo tulete Butoo̒ lo Eeya, u ponao̒olio wau mopoa̒ajari mao̒ totoonulalo tilantu wau wuu̒dulio to bangusa lo Isirai̒lu.

NEHEMIA 9:13

Lonto hulungo Eeya lotuhutai ode yitaato Hui̒dee Sinai, lapatao̒ Eeya helotahuda ode umati lo Eeya lohihilao. Heilohi mai lo Eeya butoo̒, wuu̒du wau palenta, u aadili, otutu wau ohuna.

NEHEMIA 9:14

Dulahu Saabati u mantali musi polameya mao̒ limongolio, wau lotimbulude olei Musa butoo̒ Eeya yilohi mai lo Eeya.

JABURU 19:12

Wato lo Eeya pilopo eelao̒ to ngoa̒amilalo boito; wuupa udaa̒ leidapato duo̒lo taa u modungoheo̒.

PILOTIMUA̒TA 19:3

wau tei Musa lotao̒de mola ode hui̒dee boito u lodunggaya wolo Allahu Taa̒ala. Eeya lotahuda mai odelei Musa lonto hui̒dee boito wau lopoa̒hu olio mopo malalumu mao̒ ode taulo Isirai̒lu, wali mai lei Yako,

PILOTIMUA̒TA 24:15

Tei Musa lotao̒de mola ode Hui̒dee Sinai, lapatao̒ tio tilau̒be mai loheengo ngobongga.

PILOTIMUA̒TA 24:18

Lapatao̒ tei Musa tulusi lotao̒dee mola dilumutu tio tilumuotao̒ ode delomo heenga boito. Wopato pulu hui wau dulahu tei Musa helo tibiluloa̒ teto.

PILOTIMUA̒TA 24:2

Bo yio̒ lohihilao tamowali mohimbidei ola-U̒. Tawewo diila mowali mohimbidei, wau ulipu tumbao̒ diila mowali motao̒dei hui̒dee botie.”

PILOTIMUA̒TA 31:18

Tou̒ yilapato helo tahuda odelei Musa toitaato Hui̒dee Sinai, Allahu Taa̒ala longohi mao̒ olio botu dulo pita umaa tiluladeo̒ lo Allahu Taa̒ala wolo papaa-lentaa-Lio.

PILOTIMUA̒TA 32:1

Tou̒ bangusa lo Isirai̒lu loo̒onto deu̒ Tei Musa lohiheo daa̒ diila lotuhutai lonto hui̒du, bo debo donggo teto mola olo, timongolio helo tia̒mbu mai odelei Haruna wau malo loi̒ya olio, “Diila otaawanto wolo ulowali to olei Musa, taa u malodelo mai olanto yilumualai lonto Masiri; oditolio pohutua mai olami ila umodelo olami.”

PILOTIMUA̒TA 34:1

Lapatao̒ Eeya lotahuda odelei Musa, “Pahatia mao̒ dulopita botu odelo u muloololio mai. Tobotu boito Wau̒ mamo luladei tataa-heyaalo u tutuuwauwa wolo uwoluo tobotu u mapiloo̒mu boito.

YEREMIA 31:33

Uti-utieelo daantia bohu u mapohutuwo-U̒ wolo umati lo Isirai̒lu: ngoa̒amila butoo̒o-U̒ madutuwo-U̒ todelomo hilaa limongolio, wau tuladu-U̒ mao̒ todelomo hilaa limongolio. Wau̒ mamowali Allahu Taa̒ala limongolio, wau timongolio mamowali umati-U̒.

MATIUSI 5:19

Masababu uito, titaalo tita tamo lambanga tala tuwau lo papaa-lentaalo boito, penu boli pulito ukikiio̒ wau mongaajali mao̒ taawewo mohutu olo u odito, mamowali tapulito ukikiio̒ towolota umati lo Allahu Taa̒ala. Bolii̒o mao̒, titaalo tita tamoponao̒ papaa-lentaalo boito wau mongaajali taawewo mohutu u odito olo, mamowali udaa̒ towolota umati lo Allahu Taa̒ala.

2 KORINTUS 3:3

Timongolio lohihilao mowali moo̒onto deu̒ Wutato debo odelo tulade u tiluladu li Almasi, uilao lotimbulude olamiaatia. Tulade boito tiluladu diila wolo mangiti, bo wolo Rohullah tatumu-tumulo; diila olo toitaato botulei, bo todelomo hilaa lomanusia.

2 KORINTUS 3:7

Tou̒ daantia u modelo ode mautu boito pilohutu wau iluukili tobotu, tinelo Allahu Taa̒ala lotinela lou̒ motilango tutu tobaya lei Musa. Tine-Lio malo odito tilangio tilinggula bangusa lo Isirai̒lu diila mambo momilohe baya lei Musa, eleponu tinelo tobayalio boito mahelo tambutio̒ tou̒ boito. Naa, wonu pilohutua daantia u modelo ode mautu boito pilosaaha wolo tinelo motilango tutu u odito udaa̒lio,

TINGULI 4:14

Eeya lopoa̒hu mai olaatia mopoa̒ajali mao̒ olimongoli ngoa̒amila butoo̒ umusi dungohe mao̒ limongoli tolipu ude tuwoto wau potibiluloa̒ limongoli boito.”

TINGULI 5:22

Ui-uitolo palenta uilohi mai lo Eeya ode limongoli tou̒ timongoli hia̒mbua tohui̒dee. Tou̒ Tio lotahuda mai wolo suala lobulonggodu lonto tulu wau heengo u mohulodu, Tio longohi mai papaa-lentawalo boito, wau diila taweewo. Lapatao̒ Tio loluladeo̒ tobotulei dulo pita wau longohi mai ode olau̒.”

TINGULI 5:31

Bo yio̒, Musa, muli pohualingai wau potibiluloo̒lo teea wola-U̒; to olemu mawohiya-U̒ mai ngoa̒amila butoo̒ wau palentaa-U̒. Poa̒ajalia mao̒ olimongolio, alihu timongolio modungoheo̒ tolipu uwohi-U̒ mai olimongolio.’

IBRANI 9:4

Todelomo huwali leidaa̒ boito woluo mesba upilohutu lonto hulawa u pomobuwalo dupa, wau woluo olo Bulua Daantia u ngoa̒amilalo woluwolude wolo hulawa. Todelomo Bulua boito woluo ulongo hulawa tuatuanga roti maana, tunggudu lei Haruna umaa ilotumbingo, wau dulo pita botulei uitaatio tulatulade mopulo palenta monto Allahu Taa̒ala.