PILOTIMUA̒TA 24:10 - KITABI HABARI MOPIOHE

¹⁰ wau timongolio loo̒onto Allahu Taa̒ala lo Isirai̒lu tihu-tihula toitaato u hitua-tuawua debo odelo wumbato monto botu nilamu, wau wahue̒nte debo odelo heengo u mobaango.

PILOTIMUA̒TA 24:10 Iomraidhean Croise

ILOOWALI 32:30

Lapatao̒ ualei Yako, “Watia malo dunggaya baya wolo Allahu Taa̒ala, wau watia donggo tumu-tumulo.” Kalana uito iluntelio tambati boito Pniel.

ILOOWALI 32:31

Tou̒ dulahee malobutu mai, tei Yako lololaa mao̒ Pniel, wau tio penggo sababu leletua lo poyonggilio malo heeide.

BOHULO MONGO OLONGIA 22:19

Tei Mikha luli loloi̒ya mao̒, “Botia dungohi mai wolo u tilahuda lo Eeya! Watia loo̒onto mola Eeya hulohuloa̒a totambati huhuloa̒a-Lio tosologa, wau ngoa̒amila molai̒kati-Lio hitihula totili-Lio.

PILOTIMUA̒TA 24:11

Mongo tau̒wa lo Isirai̒lu boito maloo̒onto Allahu Taa̒ala; eleponu odito timongolio diila bilinasaa-Lio. Lapatao̒ uito timongolio helo lamela wau longilu.

PILOTIMUA̒TA 3:6

Wau̒ botie Allahu Taa̒ala linenemoyamu, Allahu Taa̒ala lei Abraham, Isihaka wolei Yako.” Yi tei Musa malo lau̒beo̒ bayalio, sababu tio moohe momilohe Allahu Taa̒ala.

PILOTIMUA̒TA 33:20

Baya-U̒ diila tapo bilohu-U̒ olemu, sababu diila pongalo aakali tau moo̒onto ola-U̒, wau debo tumu-tumulo.

PILOTIMUA̒TA 33:23

Lapatao̒ mabantanga-U̒ mai oluu̒u-U̒ alihu yio̒ mowali moo̒onto ola-U̒ monto wulea, bo baya-U̒ diila tao̒ontongamu.”

LAHU MOLAMAHU 5:14

Uluu̒lio gaaga, o hua̒limo hulawa wolo polioto, wawaai̒o debo odelo tua̒langa pakepake botu lo nilamu.

LAHU MOLAMAHU 6:10

Tatoonu tio talonao̒ mai debo odelo mato lodulahu mamobutu, debo odelo gaaga lo hulalo pulunama, debo odelo tilango mato lodulahu? Tio laba-labaalo moo̒ salabangu, debo odelo pasuukani lo suludadu wolo panji-panjilio.

HIYONGO MOPOILAALO SUUSA 4:7

Muloololio mai mongo tau̒wa lami belesi debo odelo pini u moputio̒ belesi. Timongolio gaaga boli molotolo, otu-otutuulo mao̒ nyamaani wau seehati.

YEHESKIEL 1:1

To dulahu olimolio hulala opatio to taunu otolo pulu, to delomo taunu olimolio tumulalo mai ti Olongia Yoyakhin bilintai̒o mota ode polayahu, watia, Iimamu Yeheskiel walae̒e Busi, woluo tobiihu Dutulaa Kebar to Babel wolo tau-tauwalo polayahu lo Yahudi wewolio. Debolo hulungo lohuo̒olo mola wau watia loo̒toduo mai bibilohu pasali lo Allahu Taa̒ala. Watia loo̒dungohe Eeya lotahuda mai odelaatia wau watia lolaasa lolotolo lomola wolo kawasaa-Lio.

YEHESKIEL 10:1

Lapatao̒ watia lomilohe mola ode kuba uwoluo toitaato lo mamaa-lai̒katiyalo opolipio̒ boito, wau iloontonga lowatia hitua-tuawua udebo odelo tambati huhuloa̒ li olongia lonto botu nilamu.

DANIALI 10:17

Watia debo odelo ngotaalio lowato tatihu-tihula totalu li tuanilio. Woloolo mola watia mowali mobisala mai odeli Tuani? Lotolo watia madiduu̒ wau napasi lowatia mototoolo.”

YIA̒APO 12:8

Wau Wau̒ helo bisala wolio tataalua baya, wolo mopatato wau diila wolo tataapulawa. Tumbao̒ baya-U̒ maa iloontongalio! Yilongola timongoli buheli moluwali olei Musa, wato-U̒ boito?”

MATIUSI 17:2

Totalu limongolio, lolomelo lomola baya li Isa: Baya-Lio malo tilango debo odelo mato lodulahu wau boo̒-Lio moputio̒ hii̒nta-intawa.

YAHYA 1:18

Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

YAHYA 14:9

Boti Isa lolametao̒, “Maa odito hiheolio Wau̒ pee̒-pee̒enta woli mongoli, wau debo diipo iloonuhemu Wau̒, Pilipusi? Taa u malo oonto ola-U̒, malo oonto oli Paapa. Woloolo mola yio̒ mowali moloi̒ya, ‘Pobilohe mai ti Paapa to mongowatotia’?

YAHYA 6:46

Uito diila oboliilio deu̒ woluo tamaa loo̒onto li Paapa-U̒. Bo Tio tadungga-dungga mai lonto Allahu Taa̒ala, maloo̒onto li Paapa.

1 TIMOTIUS 6:16

Tiolo wambao̒ tadiila mowali kawasaalio lo opopate; Tio tumutumulo todelomo tinelo udiila mowali tahudelo boli lo tatoonu. Diaaluo penu boli ngotaa mao̒ manusia tamaa pee̒enta loo̒onto o-Lio, meaalo mowali moo̒onto o-Lio. To o-Liolo hulumati wau kawasa u ohiheo-hiheolo mao̒! Amin.

1 YAHYA 4:12

Diaaluo penu boli ngota mao̒ tapee̒enta loo̒onto Allahu Taa̒ala, bo wonu ito mototoo-lia̒nga, Allahu Taa̒ala motituwau wolanto wau ponu-Lio mowali wimu-wimumuto tutu todelomo batanganto.

WAHI 1:16

Uluu̒-Lio olowala dihudihu pitu poliyama, wau monto ngango-Lio yilumualai wamilo tuwau molalito u omato duluo. Baya-Lio motinelo debo odelo mato lodulahu tou̒ mohulonu tutu.

WAHI 21:11

wolo tinelo wau odudaa̒ lo Allahu Taa̒ala. Kota boito molilingga debo odelo botu poliyoto, debo odelo botu baiduri ponda u moolango debo odelo kristali.

WAHI 4:3

Baya lotau boito motinelo debo odelo botu poliyoto lakulio baiduri ponda wau botu poliyoto meela. Tuwaulio duhi lobutu debo odelo botu poliyoto lakulio moidu ohalaga daa̒ totambati lo huhuloa̒ li olongia boito.