PILOTIMUA̒TA 23:6 - KITABI HABARI MOPIOHE

⁶ Pohutua mao̒ taa mosikini wolo aadili wonu tio mai mopo dudulao̒ palakalaalio ode polobutoo̒.

PILOTIMUA̒TA 23:6 Iomraidhean Croise

OLUO TAWARI 19:7

Timongoli musi moohe to Eeya, wau mopoo̒daha-dahaalo mao̒ wonu mohutu, sababu Eeya Allahu Taa̒alanto molonuo̒ totaa u hemohutu diila juujulu, tahe motiwambao̒ meaambo tahe mololimo sooloi̒.”

AYUBA 31:13

Tou̒ watou̒ mohile wolo moo̒ohuu̒ sababu hakuulio pilopo talau̒, dungoheu̒ tio wau hepilo hutuu̒ wolo tuulusi lohilao.

POHUMAYA 18:5

Diila mopiohu motiwambao̒ ode taa momaahu parenta wau modeehe taa udiila ototala.

POHUMAYA 22:22

Diila mao̒ popoluhia taa mosikini, bo kalana tio molulupuhu; wau tosidangi lo bubutoo̒ diila mao̒ pakusai haku lotaa udiila olootolo.

POHUMAYA 31:5

Sababu, wonubolo ti olongia mongilu minumani u motoheto, tio momolipata butoo̒, wau diila momandungi haku lotaa molulupuhu.

TAMOO-HUTUBAWA 5:8

Tumbao̒ tutumulo li olongia olo wunewunela monto tilapulo sembo.

YESAYA 5:23

Bo wambao̒ u moo̒tapu mao̒ doi sooloi̒, timongoli molopato taa ototala, wau hemongabuta taa udiila ototala moo̒tapu u aadili.

YEREMIA 5:28

wau molingohu boli maa̒amuru. Ololeeti mongolio diila o eenggadelio. Timongolio diila moponao̒ u aadili todelomo palakala lo tau̒kekeei tadidu otiilo otiyamo, wau diila mopoduulua haku lotau-tauwalo tahideehea.

YEREMIA 6:28

Timongolio ngoa̒amila tamoo-malakalawa wau baaa̒ngiolo, debo odelo totoheeto polunggu wau wate. Timongolio hemohutu u diila mopiohu wau monao̒ ode utoonulalo mao̒ u mopololadu habari u mopoo̒leeto taa wewo.

YEREMIA 7:6

Diilalo mao̒ podeehe tau deli, walao̒ tadidu otiilo otiyamo, wau mongo janda. Diila mao̒ pomate mateelo mao̒ totaa diila ototala tolipu botie. Diila mao̒ polubo ila-ila wewo, sababu sua̒li boito mamopo binasa olimongoli.

IMAAMATI 19:15

Timongoli musi motulidu hilao wonu momutoo̒; diila mao̒ potiwambao̒ totaa mosikini wau diila mao̒ oohe totaa kaya.

MALEAKHI 3:5

Tahuda lo Eeya Taa Laba-labaalo kawasa, “Wau̒ mamei dungga mai ode olemu u momutoo̒. Wau̒ mahua̒a mowali sakusi ode tahi posihiria, tau-tauwalo tahi pojinawa, tahemo sakusi wimbulo, tahe mohutu diila motulidu hale todelomo mongohi wuupa ode taa hewupaalo, tamodeehe mongo janda, tadidu otiilo otiyamo, wau tau deli, ode ngoa̒amila taa udiila mohulumati ola-U̒.”

TINGULI 16:19

Todelomo mohama putuusani, timongolio diila mowali mohutu lou diila momandungi haku lotaa wewo meaalo motiwambao̒. Timongolio diila mowali olo mololimo sooroi̒, sababu sooroi̒ boito moo̒ pitoo̒ hilaa lotau, tumbao̒ taa molinepo wau juujulu, tilinggula mohama putuusani udiila aadili.

TINGULI 27:19

‘Malaa̒-laa̒anatilo taa u molambata haku lotau deli, walao̒ tadidu otiilo otiyamo wau janda.’ ‘Amin!’

BOHULO SEMUEL 8:3

Bo timongolio diila loo̒dudua̒ pii̒li liyamo limongolio, bo hemo hilapita pae̒eda lobatanga limongolio lohihilao wambai̒o. Timongolio hemo lolimo doi palele wau hemomutoo̒ ulipu lou̒ diila aadili.