PILOTIMUA̒TA 23:3 - KITABI HABARI MOPIOHE

³ Diila mao̒ popoo-hihiihedea tau todelomo palakala polobutoo̒, eleponu tabilutoo̒ boito taa mosikini.

PILOTIMUA̒TA 23:3 Iomraidhean Croise

PILOTIMUA̒TA 23:6

Pohutua mao̒ taa mosikini wolo aadili wonu tio mai mopo dudulao̒ palakalaalio ode polobutoo̒.

POHUMAYA 18:5

Diila mopiohu motiwambao̒ ode taa momaahu parenta wau modeehe taa udiila ototala.

POHUMAYA 22:22

Diila mao̒ popoluhia taa mosikini, bo kalana tio molulupuhu; wau tosidangi lo bubutoo̒ diila mao̒ pakusai haku lotaa udiila olootolo.

YESAYA 10:1

Matopotala timongoli tahemo ponao̒ bubuu-too̒waalo udiila aadili u modeehe bangusaa-U̒.

IMAAMATI 19:15

Timongoli musi motulidu hilao wonu momutoo̒; diila mao̒ potiwambao̒ totaa mosikini wau diila mao̒ oohe totaa kaya.

AMOS 5:12

Otaawa-U̒ malo odito udaa̒alio ololeetumu wau malo odito daatalio lo dusaamu. Timongoli helodeehe taa mopiohe; timongoli helo lolimo solooi wau lopoluli taa mosikini pilohutulio diila aadili to polobutoo̒.

TINGULI 1:17

Putuusanimu diila mao̒ potiwambao̒ ngotuali; timii̒du tau musi aadilio mao̒ limongoli wolo dudelo u tutuuwauwa, lou̒ diila mopohiihede tatoonu tau boito. Diila mao̒ oohe penu boli olo tatoonu, sababu putuusani u hamaa mao̒ limongoli dudunggaalio mai monto Allahu Taa̒ala. Wonu palakala tuwau mototolo daa̒ olemu, delowa mai ode laatia, alihu watia mowali momutusani mao̒.

TINGULI 16:19

Todelomo mohama putuusani, timongolio diila mowali mohutu lou diila momandungi haku lotaa wewo meaalo motiwambao̒. Timongolio diila mowali olo mololimo sooroi̒, sababu sooroi̒ boito moo̒ pitoo̒ hilaa lotau, tumbao̒ taa molinepo wau juujulu, tilinggula mohama putuusani udiila aadili.

YAKOBUS 3:17

Bo taa o tinepo u asalilio mai monto yitaato, tio tabohu-bohulio daa̒ belesi, lapatao̒ ohilaa modaamea, mopiohe hale, wau tamoo-dungohea. Odehu hilaalio lealeaatu wau mongohi tilapulo tou̒ totoonulalo huhutu u mopiohe. Tio diila motiwambao̒ wau diila munapiki.