PILOTIMUA̒TA 23:21 - KITABI HABARI MOPIOHE

²¹ Poo̒tuota mao̒ wau dungohilo tio. Diila pomalakala wolio sababu tio utoliya-U̒, wau tio diila tamo ngambungu totalaamu.

PILOTIMUA̒TA 23:21 Iomraidhean Croise

JABURU 2:12

posujudulo totalu-Lio wolo humuhela, diila bolo Eeya mamo muluka mai wau timongoli pobinasaa-Lio ngoi̒ntaalo mato, sababu omulukaa-Lio wali-walihuhu wolo tumahuo̒lo mola. Potisangilo tutu taa u motiwunela to Eeya!

JABURU 72:19

Ilopujiaalo mola tanggu-Lio u udaa̒ ohiheo-hiheolo mao̒; pohileaala dua̒ ngoilanggubu dunia mopolu mai wolo omumulia-Lio! Powaliilo mola odito. Amin!

JABURU 78:40

Malo laito timongolio helo malakala to Eeya, wau helo poo̒ngongoto hilaa lo Eeya tou̒ tohuta datahu wau luasi udelita.

JABURU 78:56

Bo timongolio helo malakala wau lotesi Allahu Taa̒ala Taa Laba-labaalo molanggato, papaa-lentawalo Eeya diila dilungohe limongolio.

JABURU 83:18

Huliilo mao̒ timongolio ohiheolo mao̒ poo̒olitolo wau duiduito, huliilo mao̒ timongolio mate todelomo hihiina.

PILOTIMUA̒TA 3:14

Tahuda lo Allahu Taa̒ala, “Wau̒ yito WAU̒ WOLUO. Uti-utieelo umusi polelemu mao̒ tobangusa lo Isirai̒lu, Tio tai̒lunte WAU̒ WOLUO, tamalolao mai olaatia ode limongoli.

PILOTIMUA̒TA 32:34

Ponao̒lo botia, wau deloa mao̒ timongolio boito ode tambati umaa tilanggulu-U̒ olemu. Malai̒kati-U̒ mamodelo olemu, bo saaa̒tilio mamei dungga tau-tauwala boito hukuumaniyo-U̒ sababu duduu-sawaalo limongolio.”

PILOTIMUA̒TA 6:3

Wau̒ olo lopowoluo mao̒ daantia woli mongolio. Wau̒ londanti mamongohi lipu lo Kanaa̒n ode limongoli, lipu tambati limongolio muloolio mai odelo tau deli.

YESAYA 42:8

Wau̒ulo Eeya, uitolo tanggulu-U̒; odudaa̒a-U̒ diila tawohi-U̒ penu boli olo tatoonu; omasaahuru-U̒ diila tawuduo-U̒ ode bui̒.

YESAYA 45:6

Totoonulalo u hitua-tuawua boito pilohutu-U̒ mai alihu monto tiimuru demola otolopa ngoa̒amila tau motota Wau̒ulo Eeya, diaaluo ila ngopohia Wau̒.

YESAYA 57:15

Sababu odieelo mola tahuda mai lo Allahu Taa̒ala Taa Laba-labaalo molanggato wau mantali, taa okawaasa u ohiheo-hiheolo mao̒, “Wau̒ bilubiluloa̒ to tambati u molanggato wau mantali, bo olo towolota lotau-tauwalo tahi dupapawa lohilao wau tamolee̒e to duduu-saalio, u moponguli sumaangati wau halapani limongolio.

YESAYA 7:14

Botia, Eeya lohihilao mamongohi mai tuoto olemu: Ngotaalio tadulahu tabanta-bantaala mamo potutu mai ngotaalio talolai̒ tau̒nteelio Imanuel.

YESAYA 9:5

Ngotaalio lowalao̒ mapilotutu mai ode olanto; ito yilohia-Lio ngotaalio lowalao̒ talolai̒. Tio mamowali tau̒wanto. Tio iluntee: “Tamoo-nasehatia Molinepo”, “Allahu Taa̒ala Tamolotolo boli Buheli Daa̒”, “Paapa Ohiheo-hiheolo mao̒”, “Olongia Dame”.

YESAYA 9:6

Tio momalenta odelo olongia wali mai lei Dauda, okokawasaalio udaa̒ tutu. Lipulio laito dame aamnai sontosa wau maa̒amulu; pamalentaalio dutadutaa̒a tobutoo̒ wau ua̒adili botia wau ohiheo-hiheolo mao̒. Eeya Taa Laba-labaalo kawasa tantu moponao̒ mao̒ uito.

YEREMIA 23:6

Wonubolo tio momalenta, yi tau lo Yehuda mamoa̒ahu, wau taulo Isirai̒lu matumumula wolo aamani. Olongia boito mau̒nteelo ‘Eeya osalaamatin-To’.

YEREMIA 5:7

Eeya lotahuda mai, “Yilongola Wau̒ musi mongambungu mai duduu-sawaalo umati-U̒? Timongolio malo lolaa ola-U̒ wau helolubo tadiila Allahu Taa̒ala. Wau̒ helongohi mai ua̒alo olimongolio tunggula timongolio lobutuhu, bo timongolio helojina, wau tingga maito hemonao̒ ode tahi suuntalia.

MALEAKHI 3:1

Totametai lo Eeya Taa Laba-labaalo kawasa, “Wau̒ mamolao mai utoliya-U̒ u mopodapato dalalo ola-U̒. Yi wolo tumahuo̒lo mola Wau̒, Eeya tahe lolohu olimongoli, mamei dungga ode Belee-U̒. Utoliya-U̒ tahe wooloolo limongoli boito mamei dungga mai wau mopo malalumu daantiaa-U̒.”

YIA̒APO 14:11

Eeya lotahuda mai odelei Musa, “Donggo ngolo mola hiheolio tau-tauwala botie moluwali ola-U̒? Tunggula omolua timongolio diila mohuto palacaya ola-U̒, eleponu Wau̒ malohutu mai odito daatalio u moo̒linggolabu towolota limongolio?

YIA̒APO 14:35

Wau̒ motadia mai deu̒ Wau̒ mamohutu mao̒ sua̒li boito ode limongoli, tau-tauwalo moleeto tahelo woomboa u loluwali ola-U̒. To huta datahu wau luasi udelita botie timongoli ngoa̒amila maamate. Wau̒, Eeya, malo tahuda mai.’ ”

MATIUSI 1:23

“Tadulahu ngota mao̒mbodaa̒ wau mopotutu mai talolai̒ kikiia̒ ngota. Tau̒kikiia̒ boito mau̒nteelio ‘Immanuel’.” (Immanuel bahasa lo Ibrani u bolilio mao̒, “Allahu Taa̒ala mai wolanto”).

MATIUSI 17:5

Tou̒ tei Petrus donggo hemobisala, heengo u motilango daa̒ malo henggubei olimongolio wau lonto heengo boito dungo-dungohei suala lotahuda mai, “Tabotieelo Walau̒u-U̒ tapilonu-U̒. Tio moo̒sanangi hilaa-U̒. Podungoheo̒ o-Lio!”

YAHYA 10:30

Wau̒ wau ti Paapa-U̒ yito tuwau.”

YAHYA 10:38

Bo sababu Wau̒ helohutu mao̒ uito, pomalacayalo tou̒ wolo u pilohutu-U̒ boito, eleponu timongoli diila mohuto palacaya ola-U̒. Lou̒ odito otaawa mao̒ limongoli wau mongalati deu̒ Allahu Taa̒ala debo tuwau wola-U̒, wau Wau̒ debo tuwau wolo Allahu Taa̒ala.”

YAHYA 5:23

Allahu Taa̒ala lohutu uito alihu ngoa̒amila tau mohulumati to Walao̒ debo odelo timongolio mohulumati to Allahu Taa̒ala. Taa diila mohulumati to Walao̒ diila mohulumati olo to Allahu Taa̒ala tamalolao mai to Walao̒.

EPESUS 4:30

Diila mao̒ posuukalia hilaa lo Rohullah. Timongoli masilaaha-Lio wolo Rohu, lowali miliki lo Allahu Taa̒ala. Rohu boito olo debo odelo pongaku deu̒ Dulahu Polobebasi mamei dungga mai ode limongoli.

TINGULI 18:19

Tio mamo bisala to tanggulu-U̒, wau Wau̒ mamo hukuumani mai penu boli tatoonu wamabai̒o tadiila modungohe olio.

TINGULI 9:7

Eelai mao̒ woloolo mola timongoli helohutu to Eeya Allahu Taa̒ala limongoli lomuluka tohuta luasi udelita. Anggadu timongoli lololaa mao̒ Masiri tunggula leidungga mai odia, timongoli helo teehengi to Eeya.

KOLOSE 2:9

Sababu ngoa̒amila watade lo Allahu Taa̒ala bilu-biluloa̒ toli Almasi, deu̒ito-yito to omanusia-Lio.

IBRANI 12:25

Sababu uito, poo̒daha-dahaalo mao̒ diila bolo timongoli diila mohuto modungohe o-Lio tahe lotahuda mai boito. Timongolio tadiila mohuto modungohe o-Lio tamei dungga mai ode dunia wau mopo tunggulo habari monto Allahu Taa̒ala, diila mowali mopolahi lobatanga. Tidiyolo mao̒ ito botie tamo dungohe o-Lio u motahuda mai monto sologa! Wonu ito diila mohuto modungohe o-Lio, diila pongalo akali ito mowali moa̒ahu!

IBRANI 3:16

Naa, tatoonu tau-tauwalo tahe lodungohe suala lo Allahu Taa̒ala lapatao̒ lomalakala to o-Lio? Ui-uitolo ngoa̒amila tau tadilelo lei Musa yilumualai lonto Masiri, diila odito?

YOSUA 24:19

Lapatao̒ tei Yosua loloi̒ya, “Bo timongoli otanu diila tamambo motiwato to Eeya, sababu Tio Allahu Taa̒ala tamantali, Taa Laba-labaalo Tuwaulo. Tio diilo mohuto o tuwaliilio. Wonu timongoli mololaa mao̒ o-Lio wau motiwato to ila-ila wewo, yi Tio diila tamo ngambungu dusa limongoli. Bolii̒o mao̒, Tio mamoluwali wau mohukuumani mai olimongoli. Tio mamopo binasa olimongoli, eleponu muloololio mai Tio mopiohe toli mongoli.”

1 YAHYA 5:16

Wonu oontonga mao̒ limongoli tala ngota lo timongota Nasara mohutu dusa udiila moo̒sababu tau boito oolia lo tutumulo u tutuulio tutu wau ohiheo-hiheolo mao̒, mamusi timongoli modua̒ mola ode Allahu Taa̒ala; wau Allahu Taa̒ala mamongohi mai tutumulo boito olio. Utie motuhatawa woli mongolio u dusalio diila moo̒sababu olimongolio oolia lo tutumulo boito. Bo woluo dusa umoo̒ sababu tau oolia lo tutumulo boito. Pasali losua̒li boito watia diila moloi̒ya mai deu̒ timongoli musi modua̒ mola ode Allahu Taa̒ala.

WAHI 1:8

“Wau̒lo tabohulio wau tapulitio,” tahuda lo Allahu Taa̒ala tawoluo, tamawoluo, wau tawoluo mololaalaaita, Taa Laba-labaalo kawasa.

WAHI 2:23

Tahidudua̒ olio mapate-U̒ olo mate-mateelo mao̒ alihu ngoa̒amila jamaa̒ mongalati deu̒ Wau̒lo Tio molonea̒ pikiilangi wau hilaa lomanusia. Timongoli mabalasiya-U̒ modudua̒ huhutu limongoli ngota-ngota.

WAHI 2:8

“To malai̒kati lojamaa̒ to Smirna, tulade mola odie: Utieelo tahuli monto o-Lio tabohulio wau tapulitio – tamailate wau luli tilumumulai.

WAHI 3:7

“To malai̒kati lojamaa̒ to Piladelpia, tulade mola odie: Utieelo tahuli monto o-Lio tamantali wau u tutu. Tiolo tadihudihu uu̒nti u mililiki lei Dauda; wonu Tio momuo̒ diaaluo penu boli ngotaa mao̒ tamoo̒ heu̒to, wau wonu heu̒ta-Lio diaaluo penu boli ngotaa mao̒ tamowali momuo̒.

MONGO HAKIMU 13:18

Malai̒kati lo Eeya boito malohintu, “Wolo sababuulio yio̒ ohilaa motota mao̒ tangguluu̒? Tangguluu̒ boito tanggulo u moo̒linggolabu.”