PILOTIMUA̒TA 23:2 - KITABI HABARI MOPIOHE

² Diila mao̒ poduduo̒ wolo odaa̒a lotau wonu timongolio mohutu mao̒ totala meaalo molambanga butoo̒ lou̒ mongohi sakusi udiila otutu.

PILOTIMUA̒TA 23:2 Iomraidhean Croise

ILOOWALI 19:4

Bo tou̒ diipo tataa-muwaalo boito mota lotuluhu, tau-tauwalo Sodom malomala bele boito. Ngoa̒amila mongo lolai̒ tokota boito, mopio taa panggola, meaalo taa muda, woluo teto.

ILOOWALI 6:12

Allahu Taa̒ala lomilohei dunia boito wau bo loo̒onto ololeeto wambao̒, sababu ngoa̒amila manusia hileeta tutumulio.

ILOOWALI 7:1

Lapatao̒ malo tahuda mai Eeya odelei Noho, “Wau̒ loo̒onto deu̒ yio̒ tuwa-tuwaulo taa u helohutu kahandaki-U̒. Oditolio, tuwotolo mao̒ ode delomo kapali boito pee̒-pee̒enta wolo ngoa̒amila ngaalaa̒mu.

BOHULO MONGO OLONGIA 19:10

Tei Elia lolametao̒, “Yaa Eeya, Allahu Taa̒ala Taa Laba-labaalo kawasa, watotia laito hemo kalaja bo ode Eeya lohihilao. Bo umati lo Isirai̒lu helo lambanga daantia limongolio wolo Eeya. Timongolio malo longgalao̒ memees-bawaalo Eeya wau helomate yila-yilateelo mao̒ mongo nabi lo Eeya. Bo watotia lohihilaolo talei tolaa, wau botia timongolio ohilaa momate olo watotia mate-mateelo mao̒!”

AYUBA 31:34

Huhaama lotaa dadaata diila hei̒looheu̒, wau polohina lotau, diila hepiladuliu̒. Diila pee̒enta mao̒ wau̒ lotibiluloa̒ tobele, wau helo tipoo̒oyo wambai̒o, bo kalana moohe mahinaalio.

JABURU 72:2

Pohileaala dua̒ tio momutoo̒ umati lo Eeya modudua̒a butoo̒, mopohutu taa hideehea wolo aadili.

POHUMAYA 1:15

Diila mao̒ poduduo̒ wolo tau-tauwalo odito, walau̒uu̒! Walahi mao̒ timongolio.

POHUMAYA 18:5

Diila mopiohu motiwambao̒ ode taa momaahu parenta wau modeehe taa udiila ototala.

POHUMAYA 4:14

Diila mao̒ dudui̒ dudelo tutumulo lotaa moleeto, wau diila mao̒ dudui̒ debo odelo huhutu limongolio.

YEREMIA 37:15

Timongolio loingo daa̒ olaatia, wau lomalentao̒ alihu watia pateelo wau ulungolo tobele lei Yonatan, dulutuli lolipu. Bele boito mapilo waliilio tutupa.

YEREMIA 37:21

Yi ti Olongia Jedekia lomalentao̒ alihu watia tutupaalo to palepelo lobele biluloa̒ saaha li olongia. Oditolio watia lotitomele mola teto, wau timii̒du dulahu hewohiaalio roti lonto tambati hepohutualo roti tunggula roti poheetu tokota boito malo pulito ngoa̒amilalo.

YEREMIA 38:9

“Paduka Taa Molamahu, huhutu lotau-tauwalo boito diila mopiohu. Timongolio malo potuwoto oli Nabi Yeremia ode delomo ali; tio tantuulo mao̒ maamate polaangolo mota teto, sababu ua̒alo malo pulito tokota botie.”

YEHESKIEL 9:9

Allahu Taa̒ala lolameto, “Tau-tauwalo Isirai̒lu wau Yehuda malohutu dusa u mailaba udaa̒. Timongolio helomate yila-yilateelo mao̒ to utoonulalo tambati, wau Yerusalemu hepilo kootolo wolo u moleeto. Timongolio hemoloi̒ya deu̒ Wau̒, Eeya, malo lolaa mao̒ lipu botie tilinggula diilla mowali moo̒onto huhutu limongolio.

IMAAMATI 19:15

Timongoli musi motulidu hilao wonu momutoo̒; diila mao̒ potiwambao̒ totaa mosikini wau diila mao̒ oohe totaa kaya.

HAGAI 1:4

“Wuu umati-U̒, wolo maa wakutuulio olemu u motibiluloa̒ todelomo bele u motoheeto wau molotolo, hiambola Belee-U̒ donggo debo odelo tutuu-wodeyaalo?

MARKUSI 15:15

Tei Pilaatu ohilaa moposanangi totaa dadaata boito, yi mailopatio tei Barabas boito ode limongolio. Lapatao̒ tio lopoa̒hu tau lomuboa̒a li Isa, lapatao̒ yiludulio mao̒ mota silalipulio.

WUNGGULI LOMONGO RASULU 24:27

Lapatao̒ dulo taunu mola, tei Perkius Pestus lobuulota wolei Peliks lowali gubolonulu. Wau kalana tei Peliks ohilaa momiyo hilaa lotau-tauwalo Yahudi, hiluliaalio mao̒ tei Paulus todelomo tutupa.

WUNGGULI LOMONGO RASULU 25:9

Bo tei Pestus ohilaa mohama hilaa taulo Yahudi. Yi tio malohintu olei Paulus, “Mohuto yio̒ monao̒ ode Yerusalemu butoo̒lio mola teto totaluu̒ tomimbihu totoonulalo potuludu boito?”

ROMA 1:32

Otaawa limongolio, deu̒ modudua̒ butoo̒ lo Allahu Taa̒ala, taa mohutu mao̒ ngoa̒amilalo boito paatuti hukuu-maniyola mate. Penu boli odito timongolio helohutu olo susuu-aliyaalo boito; wau tumbao̒ akoro olo taa wewo hipohutua u odito.

TINGULI 1:17

Putuusanimu diila mao̒ potiwambao̒ ngotuali; timii̒du tau musi aadilio mao̒ limongoli wolo dudelo u tutuuwauwa, lou̒ diila mopohiihede tatoonu tau boito. Diila mao̒ oohe penu boli olo tatoonu, sababu putuusani u hamaa mao̒ limongoli dudunggaalio mai monto Allahu Taa̒ala. Wonu palakala tuwau mototolo daa̒ olemu, delowa mai ode laatia, alihu watia mowali momutusani mao̒.

TINGULI 16:19

Todelomo mohama putuusani, timongolio diila mowali mohutu lou diila momandungi haku lotaa wewo meaalo motiwambao̒. Timongolio diila mowali olo mololimo sooroi̒, sababu sooroi̒ boito moo̒ pitoo̒ hilaa lotau, tumbao̒ taa molinepo wau juujulu, tilinggula mohama putuusani udiila aadili.

TINGULI 24:17

Diila mao̒ polambata haku lotau deli wau walao̒ tadidu otiilo otiyamo, wau diila mao̒ pohama pakeyangi ngotaalio lojanda u pongakuwalo.

YOSUA 24:15

Humayaalio timongoli diila mohuto motiwato to Eeya, pohamaalo putuusani to dulahulo botie deu̒ to olo tatoonu timongoli ohilaa motiwato to ila-ila wewo u hetilubo linene moyaamu muloololio mai to Mesopotamia meaalo to ila-ila taulo Amori u lipulio tatambati olimongoli botia. Bo amiaatia – watia wau ngaalaa̒ lowatia – mamotiwato bo to Eeya wamabao̒.”

BOHULO SEMUEL 15:24

Loo̒dungohe uito tei Saul longaku to olei Semuel, ualio mao̒, “Memangi watia mailodusa. Watia helo lambanga palenta lo Eeya wau lomalonga potuhata li Paaa̒. Watia moohe to tahidudua̒ olaatia lapatao̒ tilolimo lowatia hihiile limongolio.