PILOTIMUA̒TA 23:12 - KITABI HABARI MOPIOHE

¹² Wolomohui mola todelomo ngodiminggu timongoli mowali mokalaja, bo todulahee u opitulio timongoli musi mohuheli, alihu bibiahumu, mongo watomu wau tau deli tahemo kalaja duo̒lomu mowali mohuheli olo.

PILOTIMUA̒TA 23:12 Iomraidhean Croise

NEHEMIA 13:16

Dengolo lota lonto Tirus tahi biluloa̒wa to Yerusalemu helodelo tola wau barangi daahangi hidala-dalaala ode Yerusalemu to dulahu Saabati, mota pilotali to taulo Yahudi.

PILOTIMUA̒TA 16:23

Ualei Musa ode limongolio, “Uti-utieelo palenta lo Eeya: Loombu yito tolomodu dulahu u pohuheliyalo, dulahu Saabati, dulahu u pilopo dewo ode Eeya. Wolo u otohilaa panggangio limongoli dulahee botie, panggangiyalo, wau wolo u otohilaa lahee limongoli, laheyalo. U lebe lou̒ palaluolo todulahee botie bua̒awa mao̒ wau tahuwa mao̒ u loombulio mola.”

PILOTIMUA̒TA 23:11

Bo totaunu u opitulio huta boito musi lulia mao̒ limongoli. Ngotilonggadu taunu boito timongoli diila mowali mohimoa̒ wolo umobutu mai lohihilao to halabolumu. Lulia mao̒ uito ode taa mosikini, wau labitio ode binatangi molinggelo. Pohutua mao̒ odito olo wolo ilengi lo angguru wau bubuu-ngowaalo jaitun limongoli.

PILOTIMUA̒TA 34:21

Wolomo hui mola u mokalaja; diila mao̒ pokalaja todulahee opitulio, eleponu uito tosembo lo momadeo̒ meaalo sembo lou̒ mongotolo.

PILOTIMUA̒TA 35:2

Woluo wolomohui mola u mokalaja, bo dulahu u opitulio yi todulahee u pohuheliyalo, dulahu buka u pilohetu mai uolo Eeya. Tatoonu tamo kalaja todulahu Saabati musi hukuu-maniyolo mate.

PILOTIMUA̒TA 35:3

Todulahu boito timongolio diila mowali mopolai̒to tulu tobele limongolio.”

YESAYA 58:3

Bangusa boito lohintu, “Wolo hunalio mopuasa wonu Eeya diila moo̒onto mai? Wolo hunalio ito motidupapa batanga wonu Eeya diila mopoo̒ tuotai?” Eeya lotahuda mai, “Tutuulio tutu, tou̒ timongoli donggo hipuasaawa, timongoli hemololohe untungi ode batangamu lohihilao wau hemohama untungi dadaata daa̒ totau-tauwalo tahe wuupamu.

IMAAMATI 23:3

Woluo wolomohui mola u mokalaja, bo todulahee u opitulio, dulahu Saabati, deu̒yito-yito dulahu pohuheliyalo u poheetuwolo ode Eeya. Todulahee boito timongoli musi mohutu mao̒ dudunggaya u poi̒baadatiyalo wau diila mowali mokalaja.

MARKUSI 2:27

Lapatao̒ ti Isa luli lotahuda mao̒, “Dulahu Saabati pilohutu duo̒lo manusia; diila manusia duo̒lo dulahu Saabati.

LUKASI 13:14

Tau̒wa lobele potabiaala boito moloingo, deu̒ ti Isa lopoo̒luli tau todulahu Saabati, sababu uito tio loloi̒ya mao̒ totau-tauwalo, “Woluo wolonggui mola u mokalaja; pona̒olo mai to duduu-laheyaalo boito mei̒ poo̒luli, diila mao̒ todulahu Saabati!”