PILOTIMUA̒TA 23:1 - KITABI HABARI MOPIOHE

¹ “Diila mao̒ pololade habari wimbulo, wau diila mao̒ potulungi taa u moleeto tahi pongohia sakusi udiila otutu.

PILOTIMUA̒TA 23:1 Iomraidhean Croise

ILOOWALI 39:17

Yinta leidungga mai dilelio, tio hua̒a losilita mao̒ sua̒li boito ode dilelio, ualio mao̒, “Taulo Ibrani tadilelomu mai boito, maa tilumuwota ode delomo huwali wau lohina olaatia.

OLUO LO SAMUEL 16:3

Lapatao̒ yilintu mao̒ li olongia olio, “Tou̒toonu tei Mepiboset wombu li Tuanimu Saul?” “Tio debo donggo to Yerusalemu,” tametao̒ li Jiba, “sababu tio yakini deu̒ botia taulo Isirai̒lu mamopo walingao̒ bele biluloa̒ saaha li olongia lei Saul tiyombulio ode olio.”

OLUO LO SAMUEL 19:27

Tumbao̒ watotia pilitanalio toli Baginda. Bo ti Baginda debo odelo malaikati lo Allahu Taa̒ala. Sababu uito pohutuwalo wolo u laasa li Baginda mopiohu.

JABURU 101:5

Taa u hemopitana wolo poo̒poo̒oyo mapobinasa mao̒ lowatia. Taa u sombongi wau molanggato lohilao diila tapoluli lowatia.

JABURU 120:3

Wuu tamoo-ngaakalia, wolo u mapohutuo mai lo Allahu Taa̒ala to olemu? Woloolo mola Eeya mamo hukuumani mai olimongoli?

JABURU 15:3

tadiila mopitana timongotalio, diila hemohutu u moleeto to sahabati, wau diila hemo poo̒leeto tanggulo tiheedio;

JABURU 27:12

Diila mao̒ wudua watotia ode napusu laawani lowatotia, tamoluhu olo watotia wolo wimbulo wau aanjamu.

JABURU 35:11

Mongo sakusi moleeto tilimihula helo luwali olo watotia, wau lopotulude olo watotia helohutu susuu-aliyaalo udiila otaawa lowatotia.

PILOTIMUA̒TA 20:16

Diila mao̒ pongohi sakusi paluti pasali lotaa wewo.

PILOTIMUA̒TA 23:7

Polaminga mao̒ potuludu paluti wau diila mao̒ pohutua umoo̒ sababu taa u diila ototala hukuu-maniyola mate, kalana Wau̒ diila mopo banali mai taa mohutu u moleeto debo odelo uito.

POHUMAYA 10:18

Taa u modepuhe oolonuo̒ yito tamoo-himbuloa. Taa u mopololadu pitana yito abaloolo.

POHUMAYA 12:17

Wolo moloi̒ya u otutu, tau mopolaio̒ u aadili; wolo mohimbulo, tau mopotoduo mai udiila aadili.

POHUMAYA 14:5

Sakusi tajuujulu laito moloi̒ya u otu-otutuulo mao̒; sakusi tadiila mowali yakiniyalo laito mohimbulo.

POHUMAYA 17:4

Taa u moleeto modudua̒ nanaa-seehatiyalo u moleeto, tamoo-himbuloa motohilaa modungohe tataa-heyaalo pitana.

POHUMAYA 19:28

Mongohi sakusi paaluti, boliilio mao̒ diila momandungi butoo̒; mopo topotala totau, mopiohu laasaalio duo̒lo taa moleeto.

POHUMAYA 19:5

Taa u mohimbulo to bubutoo̒, diila tamoo̒ lopato monto hukuumani.

POHUMAYA 19:9

Taa u mohimbulo to bubutoo̒ tantuulo mao̒ mahukuu-maniyolo wau pobinasaalo.

POHUMAYA 21:28

Osaakusi lo tamoo-himbuloa diila tayakiniyalo; bo loi̒ya lotaa u motota asaliilio mai lo palakala boito, matolimolo.

POHUMAYA 24:28

Diila mao̒ powali sakusi totaa wewo lou̒ diila o alaasani upaatuti; diila mao̒ pohimbulo pasali olio.

POHUMAYA 25:18

Potuludu u paaluti moo̒pate, debo odelo wamilo, duuduo̒ meaambo pana u molalito.

POHUMAYA 25:23

Dupoto monto tilayo tantu mamopo dungga mai didi; odito olo polo biisalawa tantu mamopo toodei oyiyingo.

YEREMIA 20:10

Odungohe tau hipoloohuma to utoonulalo mao̒, “Owoohe hemohutu totoonulalo otohilaa lohilao! Dulo podulohe tio ode tao̒kawasa!” Tumbao̒ ngoa̒amila sahabati mohulango wolaatia hemohima odudehu lowatia. Uali mongolio, “Otanu wolo paaluto, tio mowali olaahento, alihu mowaliilo ito momaalasi niyati ode olio.”

IMAAMATI 19:11

Diila mao̒ potao̒, mongaakali meaalo mohimbulo.

IMAAMATI 19:16

Diila mao̒ popoloo̒po pitana towolota lotau-tauwalo ngobangusamu, alihu timongoli diila moo̒sababu opopate lo timongotamu. Wau̒ Eeya Allahu Taa̒ala limongoli.

MATIUSI 19:18

“Palenta utoonu uito?” yilintu mao̒ lotau boito. Ti Isa lolametao̒, “Diila mao̒ pomate-mateelo mao̒, diila mao̒ pojina, diila mao̒ potao̒, diila mao̒ pongohi sakusi udiila otutu,

LUKASI 19:8

Lapatao̒ tobelelio, tei Jakheus tilimihulo wau loloi̒ya mao̒ li Isa, “Eeya, ngotayadu halata lowatotia maposadaka lowatotia ode taa mosikini; wau titaalo tita tamaa pee̒enta ilaakalia lowatotia, mamuli bayalia lowatotia poo̒opato piu̒wa!”

LUKASI 3:14

Woluo olo pajule talohintu mao̒, “Woloolo mola wolamiaatia? Wolo u musi pohutuo lamiaatia?” Tei Yahya lolametao̒, “Diila mao̒ pohama untungi daa̒ penu boli olita wau diila mao̒ polambata doi wolo popoo-tuluduwalo paaluti. Polulilo lohilao wolo wuupamu!”

YAHYA 7:51

“Modudua̒ butoo̒, tahingota-ngotaawa diila mowali hukuu-maniyola tou̒ palakalalio diipo dilungohe wau huhutuulio pilalakisa.”

ROMA 3:8

Wau yilongola ito diila mowali moloi̒ya, “Mopiohulo ito mohutu u moleeto alihu tumoodei umopiohe?” Memangi woluo tau-tauwalo tahe lohina olaatia lou̒ hemoloi̒ya deu̒ watia malo loi̒ya odito. Tau-tauwala debo odelo uito patutilio hukuumanio lo Allahu Taa̒ala.

EPESUS 4:25

Sababu uito Mongo wutato ngoa̒amilalo, diilalo pohimbulo. Potiwalilo juujulu ode ngota timongotalio, sababu ito ngoa̒amila yito tutuuwauwa pongawaa̒ lobatanga li Almasi.

TINGULI 5:20

Diila mao̒ pongohi sakusi u wimbulo pasali lotaa wewo.

2 TIMOTIUS 3:3

Timongolio diila motolia̒nga ngota timongotalio, diila motohilaa mongohi ambungu, timongolio motohilaa mopoo̒-poo̒leeto tanggulo taa wewo, motohilaa momakusa, timongolio palangiyolo, wau diila motohilaa u mopiohe.

1 PETRUS 3:16

Bo pohutua mao̒ uito wolo molumboyoto wau hulumati. Wau musi hilaamu u maloo̒tapu tenelo Eeya beresi, alihu wonu timongoli pitanaalio sababu timongoli tumutumulo lou̒ mopiohe odelo muri li Almasi, yi taa u mopitana boito mamowali moolito lohihilao.

WAHI 12:10

Lapatao̒ watia loo̒dungohe mola suala u loo̒ohuu̒ tosologa loloi̒ya mai, “Botiaalo wakutuulio lo Allahu Taa̒ala mopoa̒ahu mai umati-Lio. Botia Allahu Taa̒ala mopo bilohei kawasaa-Lio odelo Olongia! Botia Olongia Tamoo-poa̒ahua tadilanti boito olo mopo bilohei okokawasaa-Lio! Sababu tamo potuludu tomongo wutatonto totalu lo Allahu Taa̒ala hui wau dulahu, maa yiluwalao̒ lonto sologa.