PILOTIMUA̒TA 22:2 - KITABI HABARI MOPIOHE

^2-4 Tio musi moluloo̒ balangi u tilao̒lio. Wonu tio diila owolo-wolo, tio lohihilao mapo taliilio odelo wato u moluluo̒ balangi u matilao̒lio. Wonu u tilao̒lio boito debo odelo sapi, kolodai meaalo himba, wau odungga totau boito donggo tumu-tumulo, tio musi moluloo̒ timii̒du binatangi tuwau wolo bibiahe mohelu duluo. Wonu tou̒ hui ngotaalio lo tamootao̒wa owau̒palio todelomo bele tuwau, lapatao̒ tio ilopatea yila-yilateelo mao̒, yi taa u lomate olio yila-yilateelo mao̒ boito diila ototala. Bo wonu sua̒li boito motoduo tou̒ dulahu, yi taa u lomate olio yila-yilateelo mao̒ boito anggapuolo ototala.

PILOTIMUA̒TA 22:2 Iomraidhean Croise

AYUBA 24:14

Tou̒ subu tamoomatea mate-mateelo mao̒ mobongu mai monto tutuluhio, tulusi lumualao̒ momate mateelo mao̒ taa umosikini, wau ngotilonggadu dulahee diipo dimodupai, tio tuua̒o̒-tuua̒o̒ mohehulo debo odelo tamootao̒wa.

AYUBA 24:16

Tamootao̒wa momonggari bele tou̒ hui; tou̒ dulahu tio mohalahu monto u mobaango wau motituuo̒.

AYUBA 30:5

Timongolio pilolontulo wolo tingalao̒ debo odelo lopolontulo tamootao̒wa.

YEREMIA 2:34

Pakeyangimu ilotambia̒ loduhu lotaa mosikini wau taa diila ototala, diila duhu lo tamootao̒wa tai̒lowau̒pa. Bo oditolio,

HOSEA 7:1

Eeya lotahuda mai, “Timii̒du Wau̒ ohilaa mopoo̒luli mai umati-U̒ Isirai̒lu wau moponguli mao̒ owowoluwoa limongolio, yi u iloontonga-U̒ bo ololeeto wambai̒o wau dusa limongolio. Timongolio tinggai hemo hihiimbuloa, timongolio tumuwotao̒ ode bele lotau u motao̒, wau timongolio hemo lambata to dadaa-lalaala.

YOEL 2:9

Timongolio loluhu ode delomo kota, wau hiteteea̒ toitaato dingingo meeseliilio. Timongolio helomia̒ata mola ode delomo bebee-leyaalo; debo odelo tamootao̒wa, timongolio tilumuwoto loli tutuloa.

MATIUSI 24:43

Poo̒toloma mao̒ utie! Humayaalio otaawa lotaa ohuu̒wo lo Bele jamu ngoolo tou̒ hui tamo tao̒wa mamei dungga mai, tio diila tamotuluhu, alihu tamotao̒wa boito diila tumuwoto ode delomo belelio.

1 TESALONIKA 5:2

Sababu otaawa limongoli lohihilao lou̒ mopatato deu̒ Dulahu podudungga mai lo Eeya boito mamei dungga debo odelo tamootao̒wa meidungga tou̒ hui.

1 PETRUS 4:15

Diila mao̒ penu boli ngotaalio monto wolota limongoli modutolo sababu tio tamoomatea mate-mateelo mao̒, meaalo motao̒wa, meaalo tamoleeto, meaalo sababu tio mou̒lambohe to ulusani lotaa wewo.