PILOTIMUA̒TA 21:8 - KITABI HABARI MOPIOHE

⁸ Wonu tio diila moo̒sanangi oli tuanilio u oniyati monika olio, yi tio musi muli potali mao̒ tomongo dulaa̒lio. Taabua boito diila mowali potali ode tau deli, sababu tio mapilo hutulio lou̒ diila aadili lituanilio tadiila moe̒ela dantilio.

PILOTIMUA̒TA 21:8 Iomraidhean Croise

ILOOWALI 28:8

Yi malo ngalati tei Esau deu̒ tei Isihaka, tiyamolio, diila mohuto to mongobua lo Kanaa̒n,

AYUBA 6:15

Bo timongoli, wuu mongo sahabati, tadiila mowali palacayaalo wau pongakuwalo. Timongoli debo odelo dutulaa u ilopulita lo taluhio, tou̒ didi diila helei dungga mai.

PILOTIMUA̒TA 21:7

Wonu taabua ngota lo Ibrani potali mao̒ odelo wato liyamolio, taabua boito diila lopatolo lapatio mao̒ wolomo taunu mola, oditolio hihiihede wolo wato talolai̒.

PILOTIMUA̒TA 21:9

Wonu bolo tahingota-ngotaawa motali mao̒ wato taabua u powaliilio dile lowalai̒o, yi wato taabua boito musi pohutua mao̒ debo odelo walai̒o lohihilao.

PILOTIMUA̒TA 8:29

Tametao̒ lei Musa, “Lapatio mao̒ watia monao̒, watia hua̒a modua̒ mola ode Eeya alihu loombu lalaa-muo̒waalo boito mololaa mao̒ oli Tuani lo watotia, tahidihuma pantungo lipu wau ulipu. Bo diila mao̒ pohimbulo olamiaatia poli, wau diila mao̒ pomubula to bangusa lo Isirai̒lu monao̒ u mopodewo bake ode Eeya.”

YEHESKIEL 15:8

Timongolio diila tatapu wau molotolo hilao to Olau̒, sababu uito, huta boito powaliyo-U̒ mai huta luasi udiila mowali pobutua lo pilomulo. Wau̒ Eeya Taa Laba-labaalo Molanggato malo tahuda mai.”

TINGULI 20:7

Wolo woluo towolota limongoli taa u otilantahu wau mamonika? Wonu woluo, tio mowali mohualingolo. Sababu wonu tio opatea mate-mateelo mao̒ todelomo popaatea, taawewo mamonika wolo tilantahio.’

MONGO HAKIMU 14:3

Bo mongo dulaa̒lio loloi̒ya mao̒, “Yilongola musi monao̒ mola ode taulo Pilistin u poo̒tapulalo dile, hiambola timongolio diila tuwotuwoto umati lo Allahu Taa̒ala? Wolo todelomo kaumunto lohihilao meaanto towolota ngoilanggubu bangusaanto diaaluo ngotaalio tadulahu tamotuuu̒de?” Tametao̒ lei Simson ode liyamolio, “Bo tadulahu lo Pilistin boitolo tao̒tohilaa laatia. Wau watia mohalapu tipaapa mohuto motolo balango olio ode laatia.”

MONGO HAKIMU 9:19

Wonu huhutu limongoli todulahee botie ode liyamau̒ wau ngaalaa̒lio boito tuulusi wau ihilasi, yi toduwolo motisana-sanangi wolei Abimelekh, wau huliilo mao̒ tio motisana-sanangi woli mongoli.

BOHULO SEMUEL 18:8

Loo̒dungohe uito, tei Saul maloingo daa̒. Sababu to pikiilangilio mola, “Tei Dauda yilantobi mongolio maloo̒pate yila-yilateelo mao̒ hipulu-pulua lolihu, hiambola wau̒ bo helihu-lihua wambai̒o. Tantulo mao̒ ngopee̒epo tio mapowalio limongolio olongia!”

BOHULO SEMUEL 8:6

Bo tei Semuel diila sanangi wolo potuhata limongolio boito. Lapatao̒ tio malodua̒ mola ode Eeya,