PILOTIMUA̒TA 20:4 - KITABI HABARI MOPIOHE

⁴ Diila mao̒ pohutua ode batangamu bui̒ u penu boli debo odelo wolo uwoluo tohulungo, tohuta meaalo todelomo taluhu to walungo huta.

PILOTIMUA̒TA 20:4 Iomraidhean Croise

BOHULO MONGO OLONGIA 12:28

Lapatao̒ helo timbangi mola sua̒li boito, tio malohutu bui̒ mahelu duluo lonto sapi hulawa tulusi loloi̒ya mao̒ ode ulipu, “Bangusa lo Isirai̒lu! Malo tuuu̒de hiheolio timongoli helonao̒ ode Yerusalemu mola loi̒baadati. Botia, uti-utieelo ila-ila limongoli u malodelo olimongoli yilumualao̒ lonto Masiri!”

OLUO TAWARI 33:7

Bui̒ balaahala dilutulio todelomo Bele lo Eeya, lebe lebe pomao̒ tomimbihu tambati boito Allahu Taa̒ala malo tahuda mai odelei Dauda wolei Salomo walai̒o talolai̒, “Bele-U̒ to Yerusalemu botie, umaa tilulaotu-U̒ towolota lo mopulaa duluo madala lo suku Isirai̒lu, deu̒yito-yito tambati u tilantu-U̒ mai odelo tambati poi̒baadatiala ola-U̒ u ohiheo-hiheolo mao̒.

JABURU 78:58

Timongolio helo teehengi Allahu Taa̒ala wolo tambati polubowalo balaahala, wau helohutu to Eeya lohiihia wolo bubuu-iyaalo limongolio.

JABURU 97:7

Ngoa̒amila taa u hipolubowa balaahala maa poo̒olitolio, tahemo pomangga babaa-langiyalo udiila ohuna; ngoa̒amila dewa mamo sujudu totalu lo Eeya.

PILOTIMUA̒TA 20:23

Diila mao̒ pohutua duo̒lo batangamu bubuu-iyaalo talaa̒ meaalo hulawa u tuboo limongoli ngopohia Wau̒.

PILOTIMUA̒TA 32:1

Tou̒ bangusa lo Isirai̒lu loo̒onto deu̒ Tei Musa lohiheo daa̒ diila lotuhutai lonto hui̒du, bo debo donggo teto mola olo, timongolio helo tia̒mbu mai odelei Haruna wau malo loi̒ya olio, “Diila otaawanto wolo ulowali to olei Musa, taa u malodelo mai olanto yilumualai lonto Masiri; oditolio pohutua mai olami ila umodelo olami.”

PILOTIMUA̒TA 32:23

Timongolio loloi̒ya olau̒, ‘Diila otaawanto wolo ulowali wolei Musa, taa u malodelo mai olanto yilumualao̒ lonto Masiri; oditolio pohutua mai olami ila tamowali modelo olami.’

PILOTIMUA̒TA 32:4

Tei Haruna lohama mao̒ ante-ante boito. Lapatao̒ pilopo didiilio wau tiluwatio mao̒ ode delomo paisaka tuwau wau pilohutulio bui̒ losapi tuwau. Bangusa boito loloi̒ya mao̒, “Wuu Isirai̒lu uti-utieelo ilaanto talo depitai olanto yilumualao̒ lonto Masiri!”

PILOTIMUA̒TA 32:8

Timongolio malolahi lonto papaa-lentaa-U̒. Timongolio malohutu bui̒ losapi lonto hulawa diliidi, lapatao̒ hetiluboolio wau lopodewo mao̒ bake to olio. Uali mongolio, ui-uitolo ila limongolio talodelo mai olimongolio yilumualao̒ lonto Masiri.

PILOTIMUA̒TA 34:17

Diila mao̒ pohutu wau molubo ila-ila lo logamu.

YESAYA 42:17

Taa u yakini tobui̒ balaahala wau momasisi olio odelo ila limongolio, mahinaalio wau poo̒olitolio.”

YESAYA 42:8

Wau̒ulo Eeya, uitolo tanggulu-U̒; odudaa̒a-U̒ diila tawohi-U̒ penu boli olo tatoonu; omasaahuru-U̒ diila tawuduo-U̒ ode bui̒.

YESAYA 45:16

Ngoa̒amila taa u hipohutua bui̒ balaahala; mapoo̒o-liitolo wau hinaalio.

YEHESKIEL 20:7

Ilahulaa-U̒ timongolio molapi bubuu-iyaalo moo̒olonuo̒ u otohilaa limongolio boito, wau dilini-U̒ timongolio moponajisi batanga wolo molubo babaa-laahalaalo monto Masiri, sababu Wau̒ulo Eeya Allahu Taa̒ala limongolio.

YEHESKIEL 8:10

Waatia olo tolimuwotao̒ wau lomilohu. Didii-ngingaalo meeseli lohuwali leidaa̒ boito pilaisaka wolo totoonulalo tulidu hidala-dalaala wau bibii-natangiyalo halamu wewolio, wau olo paisaka balaahala hidala-dalaala u hepujaa taulo Isirai̒lu.

YEHESKIEL 8:3

Tio lohudu mai hitua-tuawua udebo odelo uluu̒, tulusi lopo tataambangao̒ huwoo̒ lowatia. Lapatao̒ todelomo bibilohu boito, watia bilintai̒o mola molanggato ode dulente lo Rohullah wau dilelolio ode Bele lo Eeya to Yerusalemu, ode huhebu potuwotalo ode palepelo delomio u to ambahu tilayo. Mota teto woluo bui̒ balaahala umalo potoodei muluka lo Allahu Taa̒ala.

IMAAMATI 19:4

Diila mao̒ polubo balaahala. Diila mao̒ pohutu bui̒ monto logamu wau molubo olio. Wau̒ Eeya Allahu Taa̒ala limongoli.

IMAAMATI 26:1

Eeya lotahuda mai, “Diila mao̒ pohutua balaahala meaalo mopotihula bui̒ meaalo wolihi botu iluukili u tuboolo. Wau̒lo Eeya Allahu Taa̒ala limongoli.

YIA̒APO 12:8

Wau Wau̒ helo bisala wolio tataalua baya, wolo mopatato wau diila wolo tataapulawa. Tumbao̒ baya-U̒ maa iloontongalio! Yilongola timongoli buheli moluwali olei Musa, wato-U̒ boito?”

WUNGGULI LOMONGO RASULU 17:29

Naa, sababu ito yito mongo walao̒ Allahu Taa̒ala, diila mowali ito monganggapu Allahu Taa̒ala yito tutuuwauwa debo odelo bui̒ upilohutu monto hulawa meaalo talaa̒ meaalo botu upilohutu modudua̒ pongotota lomanusia.

ROMA 1:23

Diilalo Allahu Taa̒ala tao̒ hiheo-hiheolo mao̒ tahe tuboo limongolio, bo tumbao̒ bubuui̒yalo udebo odelo mahaluku umowali mate; deu̒ito-yito manusia, bulungi, binatangi u oa̒atio wopato, wau binatangi u hia̒lapa.

TINGULI 16:22

wau diila mao̒ potihula wolihi u pomujaalo balaahala, sababu Eeya Allahu Taa̒ala limongoli molonuo̒ to huhutu boito.

TINGULI 27:15

Tau-tauwalo Lewi: ‘Malaa̒-laa̒anatilo taa u mohutu bui̒ monto botu, ayu meaalo logamu, wau molubo olio wolo tua̒ao̒-tua̒ao̒; Eeya molonuo̒ tamomuja balaahala!’ Ngoilanggubu ulipu: ‘Amin!’

TINGULI 5:8

Diila mao̒ pohutua duo̒lo batangamu bui̒ u penu boli debo odelo wolo wambai̒o uwoluo tohulungo, todunia meaalo todelomo taluhu towalungo lo huta.

WAHI 16:2

Malai̒kati bohulio malonao̒ wau loluwato mola tuango tapahulalio ode dunia. Yi malo butulo mola boboo-heyaalo u polu-polutuo̒ wau malo moo̒tihela hapato to ngoa̒amila taa o tuoto binatangi boito, wau totau-tauwalo tahi poluboa bui̒lio.

WAHI 9:20

Bo labito umati lomanusia tadiila ilopatea yila-yilateelo mao̒ lo babaa-lawaalo boito olo, diila olo lololaa mao̒ huhuu-hutuwaalo uluu̒ limongolio lohihilao. Timongolio debo diila lohuheli hemolubo roroo-huwaalo u moleeto wau totoonulalo balaahala hulawa, talaa̒, tombaha, botu wau ayu udiila mowali moo̒onto meaalo modungohe, meaalo monao̒.

MONGO HAKIMU 17:3

Tei Mikha lopo walingao̒ doi boito odeli maamalio, lapatao̒ timaamalio loloi̒ya mao̒, “Alihu yio̒, walau̒uu̒, molopata monto laa̒anati u mailoi̒yau̒ boito, wau̒ mamopodewo ode Eeya talaa̒ botie u pomake pohutu bui̒ lo ayu u woludela lotalaa̒. Oditolio doi boito muli pohualinguu̒ mai olemu.”