PILOTIMUA̒TA 20:3 - KITABI HABARI MOPIOHE

³ Diila mao̒ polubo ila-ila wewo. Tubowaalo Wau̒ wambao̒.

PILOTIMUA̒TA 20:3 Iomraidhean Croise

BOHULO MONGO OLONGIA 11:4

tilinggula tou̒ tio maa pilanggola mola timongolio loo̒pio olio helolubo ila-ila wewo. Tei Dauda, tiyamo lei Salomo, tatapu wau molotolo hilao to Eeya, Allahu Taa̒alaalio, bo tei Salomo diila debo odelo tiyamalio.

JABURU 29:2

Pujialo mola tanggulo Eeya u molamahu tubowalo mola Eeya wolo momake pakeyangi lo ibaadati.

JABURU 73:25

Tatoonu tamilikia lowatia tosologa ngopohia Eeya? Wewolio mao̒ lo Eeya diaaluo u ilohilaa lowatia todunia.

JABURU 81:10

Diila mao̒ woluo to wolotamu ila wewo, diila mao̒ polubo ila deli.

JABURU 81:9

Dungohilo upilopo eelaa-U̒ mai, wuu umati-U̒, Isirai̒lu, humayaalio timongoli ohilaa modungohe ola-U̒!

PILOTIMUA̒TA 15:11

Allahu Taa̒ala toonu tamowali mongilabotao̒ ole-Mu, yaa Eeya Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo Eeya?

PILOTIMUA̒TA 20:23

Diila mao̒ pohutua duo̒lo batangamu bubuu-iyaalo talaa̒ meaalo hulawa u tuboo limongoli ngopohia Wau̒.

PILOTIMUA̒TA 22:19

Taa u mohule wolo binatangi musi pateelo mate-mateelo mao̒.

PILOTIMUA̒TA 23:24

Diila mao̒ polubo bubuu-iyaalo u mooduo̒lawa olimongolio wau diila mao̒ poduduo̒ dudelo limongolio moi̒baadati. Antulua mao̒ bubuu-iyaalo mooduo̒lawa olimongolio boito wau bolia mao̒ wowoo-lihiyaalo botu u hepomake limongolio u moi̒baadati.

PILOTIMUA̒TA 32:8

Timongolio malolahi lonto papaa-lentaa-U̒. Timongolio malohutu bui̒ losapi lonto hulawa diliidi, lapatao̒ hetiluboolio wau lopodewo mao̒ bake to olio. Uali mongolio, ui-uitolo ila limongolio talodelo mai olimongolio yilumualao̒ lonto Masiri.

PILOTIMUA̒TA 34:14

Diila mao̒ polubo ila wewo, sababu Wau̒ Eeya, deu̒yito-yito Allahu Taa̒ala tadiila motohilaa potutuu-wauwolo penu boli loolo.

YESAYA 26:4

Poyakinilo to Eeya laito, sababu Eeya Allahu Taa̒ala laito moduo̒lai olanto.

YESAYA 42:8

Wau̒ulo Eeya, uitolo tanggulu-U̒; odudaa̒a-U̒ diila tawohi-U̒ penu boli olo tatoonu; omasaahuru-U̒ diila tawuduo-U̒ ode bui̒.

YESAYA 43:10

Wuu umati-U̒, timongolilo sakusii-U̒, timongoli tilulaotu-U̒ mowali mongo wato-U̒, alihu motota ola-U̒ wau yakini ola-U̒, wau mongalati deu̒ Wau̒ulo Allahu Taa̒ala. Wau̒ Allahu Taa̒ala Taa Laba-labaalo tuwau, diaaluo wewolio tou̒ dipo-dipoolulio mai wau lapatio mao̒ Wau̒.

YESAYA 44:8

Bangusaa-U̒, diila mao̒ oohe meaambo ooheaalo; diila anggadu muloololio mai demai botia Wau̒ malo laamali mai wolo u yilowali? Timongolilo mongo sakusii-U̒. Tamoo-duo̒lawa uwewo diaaluo wau diila oonuhe-U̒.”

YESAYA 46:9

Eelailo mola totoonulalo u lotoduo to jamani muloololio mai; akuilo deu̒ Wau̒ Allahu Taa̒ala, wau diaaluo wewolio, Wau̒ Allahu Taa̒ala, wau diaaluo tadebo odelo Wau̒.

YEREMIA 25:6

Mongo nabi boito helodini olimongoli molubo wau motabia ode ila-ila wewo. Timongolio helodini olimongoli molubo babaa-laahalaalo huhutu limongoli lohihilao, sababu sua̒li boito moo̒ muluka to Eeya. Wonu timongoli helo dudua̒ palenta lo Eeya boito, yi Eeya diila mohukuumani mai olimongoli.

YEREMIA 35:15

Diila obuntoolio Wau̒ helolao mai ode limongoli ngoa̒amila wato-U̒ mongo nabi, wau timongolio malo nasehati olimongoli u mopoo̒piohe pii̒limu wau mohuheli mohutu u moleeto. Timongolio helo pe̒elao̒ olimongoli alihu u diila molubo ila-ila wewo wau diila momaya toli mongolio, alihu timongoli mowali tulusi motibiluloa̒ tolipu botie u mailohi-U̒ mai olimongoli wau loluhuuru limongoli. Bo timongoli diila mohuto mopoo̒tuoto wau diila mohuto modungohe ola-U̒.

YEREMIA 7:9

Timongoli motao̒, momate-mateelo mao̒, mojina, mongohi sakusi wimbulo, mopodewo bake ode Baal, wau molubo dedeewaalo u diila oonuhe limongoli.

DANIALI 3:18

Bo humayaalio Tio diila mohutu mai olo, wajibulio ti Tuani lowatotia maa̒alumu deu̒ mongowatotia diila tamolubo dewa li Tuani lowatotia wau diila olo molubo bui̒ hulawa u pilopo tihulao̒ li Tuani lowatotia boito.”

HOSEA 13:4

Eeya lotahuda mai, “Wau̒ulo Eeya Allahu Taa̒alamu, talodelo olimongoli yilumualai lonto Masiri. Timongoli diila o Allahu Taa̒ala ngopohia Wau̒. Wau̒ulo tatuwa-tuwaulo tamoo-poa̒ahua olemu.

MATIUSI 4:10

Ti Isa lolametao̒, “Pohinggi mao̒ yio̒, wuu Tamoo-heingawa ode dusa! Todelomo Kitabi tulatulade: Tubowa mola Allahu Taa̒ala Eeyaamu, wau pomayaalo to Eeya wambao̒!”

1 KORINTUS 8:4

Pasali sua̒li lou̒ molamelo ua̒alo umapilo dewo ode balaahala, otaawanto deu̒ balaahala mopobayahei hitua-tuawua u otutuulio mao̒ diaaluo. Wau otaawanto olo deu̒ Allahu Taa̒ala bo tuwau; diaaluo tawewo.

1 KORINTUS 8:6

Bo olanto, Allahu Taa̒ala bo tuwau. Tio Allahu Taa̒ala talo powali mai totoonulalo u hitua-tuawua. Ode o-Liolo ito tumumulo. Wau Eeya bo tuwau olo, deu̒ito-yito ti Isa Almasi. Lotimbulude o-Lio totoonulalo u hitua-tuawua pilopowali, wau sababu Tioolo yi ito tumutumulo.

EPESUS 5:5

Poo̒tuota mao̒ tio̒otutua: taa u opii̒li huloto, meaalo diila paatuti, meaalo langgamu (pii̒li debo odelo uito tutuuwauwa wambai̒o lou̒ molubo balaahala), tau boito diila mowali pongawaa̒ umati tapilalenta li Almasi wau Allahu Taa̒ala.

TINGULI 5:7

Diila mao̒ polubo ila-ila wewo, tubowaalo Wau̒ wambai̒o.

TINGULI 6:14

Diila tapolubo ila-ila wewo u hetuboo lo babaa-ngusawalo tahi biluloa̒wa to palitumu.

TINGULI 6:5

Tolia̒ngi mao̒ to Eeya Allahu Taa̒ala limongoli wolo lealeaatu lo hilaamu: Pobilohe mao̒ uito todelomo dudelo lo tutumuli mongoli wau todelomo huhutu limongoli.

PILIPI 3:19

Tutumulo lotau-tauwala debo odelo uito pulitio mao̒ mabinasa, sababu ila limongolio yito loduduo̒ ilohilaa lobatanga limongolio lohihilao. Susuu-aliyaalo u moo̒olito tumbao̒ ui-uitolo u hepomangga limongolio; sababu timongolio bo hemo mikiilangi susuu-aliyaalo u motuhatawa wolo dunia botie wambai̒o.

KOLOSE 2:18

Diila mao̒ polulia batanga limongoli popoluhio lotaa u diila tio̒otutua motidupapa lobatanga wau tamolubo mamaa-lai̒katiyalo. Tau boito batingga wolo pipii-kilangilio tomimbihu dunia wau u tolomodu hemo pomangga-mangga bibii-bibiilohio,

WAHI 19:10

Watia leidambao̒lo mola totalu lo malai̒kati boito wau ohilaa molubo olio, bo tio loloi̒ya mai olaatia, “Diila! Diila polubo olau̒, tubowalo Allahu Taa̒ala sababu wau̒ olo wato tutuuwauwa debo odelo yio̒ wau debo odelo ngoa̒amila wutatumu tadihu-dihu tio̒otutua to ososakusi li Isa!” Sababu ososakusi li Isa boitolo u loi̒lihami mai totau-tauwalo tahipo nubuwatia.

WAHI 22:9

bo tio loloi̒ya mai olaatia, “Diila! Diila polubo olaatia. Tubowalo Allahu Taa̒ala! Sababu watia olo wato debo odelo yio̒, wau debo odelo mongo wutatumu mongo nabi wau ngoa̒amila taa u modungohe tataa-huliyaalo todelomo buku botie!”

MONGO HAKIMU 6:10

Matilahuda-U̒ mai olimongoli deu̒ Wau̒lo Eeya Allahu Taa̒ala limongoli, wau deu̒ timongoli diila mowali molubo dedee-waalo bangusa lo Amori u lipulio pilo tibiluloa̒ limongoli masaatia botie. Bo timongoli diila loduduo̒ palentaa-U̒.’ ”