PILOTIMUA̒TA 20:11 - KITABI HABARI MOPIOHE

¹¹ To delomo wolomo hui mola, Wau̒, Eeya, helo powali mai dunia, hulungo, deheto, wau totoonulalo uwoluo todelomio, bo todulahee u opitulio Wau̒ lohuheli. Uitolo sababuulio Wau̒, Eeya lobalakati mai dulahu Saabati wau lopo tolomodu mao̒ duo̒lo batanga-U̒.

PILOTIMUA̒TA 20:11 Iomraidhean Croise

ILOOWALI 1:28

Lapatao̒ bilalakati-Lio timongolio wolo tahuda “Potolo walao̒olo wau potolo wombuulo mola u dadaata, alihu walimu mai motibiluloa̒ to ngoilanggubu dunia wau motolo kawasa mao̒. Timongoli wohiya-U̒ mai tuugasi molaala totoo-lowaalo, bubuu-rungiyalo, wau ngoa̒amila binatangi wewo u molinggelo.

ILOOWALI 1:31

Allahu Taa̒ala lomilohe totoonulalo hitua-tuawua umaa pilohutu-Lio boito, wau Tio sanangi daa̒. Hui lopaluta wau lowaliilo mola dimodupo. Ui-uitolo dulahee u olomolio.

PILOTIMUA̒TA 31:17

Todulahee boito yito tuwaulio poe̒ela u tatapu towolota bangusa lo Isirai̒lu wola-U̒, sababu Wau̒, Eeya, malohutu hulungo wau dunia todelomo wolomohui mola, wau todulahee u opitulio Wau̒ malo belenti lokalaja wau lohuheli.”

PILOTIMUA̒TA 8:22

Bo Wau̒ mamohutu mai ngopohia mao̒ lipu lo Gosyen, tambati upilo tibiluloa̒ lo umati-U̒. Mola teto diila tao̒lango, alihu otaawa mao̒ limongoli deu̒ Wau̒, Eeya, talohutu mai uito.

PILOTIMUA̒TA 9:29

Ualei Musa odeli olongia, “Molamemeto lapatio mao̒ watia meidungga mota ode bulemengo kota, watia mamo mintaa̒ao̒ uluu̒ u modua̒ mola ode Eeya. Bulonggodu mamohuheli wau didi esi mamoole, alihu otaawa mao̒ li Tuani lowatotia deu̒ dunia botie miliki lo Eeya.

YESAYA 42:10

Polahuwalo mola lahu bohu ode Eeya, pujiaalo Eeya, wuu ngoilanggubu dunia! Potihulaubulo, wuu deheto wau ngoa̒amila tuangio, lilii-puwaalo u molamingo wau ngoa̒amila tuangio!

YESAYA 48:13

Uluu̒u-U̒ lopodutu mai wumbato dunia wau longoa̒bu ayuntaala. Wonu bolo tiango-U̒ tanggulio, timongolio hua̒a monao̒ mai.

WUNGGULI LOMONGO RASULU 14:15

“Wuu, yilongola timongoli helohutu utie? Ami botie manusia olo debo odelo Wutato! Ami meeteea mai mopohabari Habari Mopiohe ode limongoli alihu timongoli mololaa mao̒ susuu-aliyaalo udiila ohuna botie wau monao̒ mai ode Allahu Taa̒ala tatumu-tumulo, talo powali hulungo wau dunia wau deheto boli ngoa̒amila uwoluo todelomio.

WUNGGULI LOMONGO RASULU 20:7

Tohuilo ahadi ami lotia̒mbu u molamelo pee̒-pee̒enta debo odelo tamohutato. Tei Paulus helo bibiisalawa wolo tau-tauwalo, sababu loombulio mola tio oniyati mamo monggato. Tunggula lo tomutaa̒ lou̒ hui tei Paulus helo bisala tulusi.

WUNGGULI LOMONGO RASULU 4:24

Tou̒ mongo sahabati limongolio boito loo̒dungohe uito, malodua̒ mola timongolio pee̒-pee̒enta wolo ngohilao ode Allahu Taa̒ala. Timongolio loloi̒ya, “Yaa Eeya, Eeyaalo talopowali mai hulungo wau dunia boli deheto wolo totoonulalo tuangio.

TINGULI 5:15

Eelai mola deu̒ timongoli muloololio mai pilowatolio to Masiri, lapatao̒ bilebasia lo Eeya Allahu Taa̒ala limongoli wolo olootolo uleidaa̒. Sababu uito timongoli palentaa-U̒ mai u mopolame mao̒ dulahu Saabati.

IBRANI 4:4

Sababu pasali lodulahe opitulio, woluo tulatulade todelomo Kitabi odie. “Todulahe opitulio Allahu Taa̒ala lohuheli lonto ngoa̒amila kalajaa-Lio.”

WAHI 10:6

Tio lotadia domi tanggulo Allahu Taa̒ala tatumu-tumulo ohiheo-hiheolo mao̒, talo powali mai hulungo, dunia wau deheto wau totoonulalo hitua-tuawua uwoluo todelomio. Malai̒kati boito loloi̒ya, “Wakutuulio diilalo lohuduwolo.