PILOTIMUA̒TA 2:3 - KITABI HABARI MOPIOHE

³ Bo tau̒nge boito diila lowali tiluui̒o lohiheo. Yi tiilolio boito malohama kalanji tuwau lonto aantingi, wau helo huludeo̒ wolo teri alihu diila otuanga lotaluhu. Tau̒nge boito pilopo wulidio todelomo kalanji boito, tulusi dilelolio mota ode dutulaa Nil wau dilutulio mao̒ tohuungo aantingi tobiihu dutulaa boito.

PILOTIMUA̒TA 2:3 Iomraidhean Croise

ILOOWALI 11:3

Timongolio malo loi̒ya ngota timongota, “Ntali ito mohutu botutela wau molumbilao̒ tunggula motoheeto.” Odi-odieelo mola timongolio o botutela duo̒lo botu lobele wau teri u mowali polemulio.

ILOOWALI 14:10

Lumbaya boito polupolu wolo ali loteri, wau tou̒ mongo olongia lonto Sodom wau Gomora helo tolopani mopolahi batanga monto popaatea, timongolio helo dedeehu ode delomo aa̒a-liyaalo boito. Toulota olongia wewolio loa̒ahu tilumeteo̒ ode hihui̒-hui̒dee.

ILOOWALI 6:14

Pohutua mao̒ kapali tuwau olemu monto ayu u motoheeto; pohutua mao̒ hihuwa-huwalia to delomio, wau wolude mao̒ wolo teri monto delomio wau monto bulemengio.

PILOTIMUA̒TA 1:22

Lapatao̒ ti olongia longohi mao̒ palenta botie ode ngoa̒amila ulipulio, “Timii̒du walao̒ talolai̒ taulo Ibrani taboheeli pilotutulio mai musi tapilolo ode dutulaa Nil, bo ngoa̒amila walao̒ mongobua mowali luliaalo hitumula.”

YESAYA 18:2

Monto lipu boito leidunggaalo mai mongo utolio lobalango Dutulaa Nili todelomo bubuu-lotuwaalo ponda. Wuu, mongo utolia tamo linggahu, hua̒a pohualingolo ode lipumu u pilolibaya lo duduu-tulaalo boito. Delowalo mota tahuli tuwau ode bangusaamu tamolotolo suukali wau molotolo boli buheli daa̒, tau-taumu tahi laanggata wau o alipo moa̒aluti wau oohelio to ngoilanggubu dunia.

YESAYA 19:6

Ngoa̒amila dutulaa pilohutu mamoboolo mohutodu tou̒ taluhio mamopulito. Hepu lotaluhu wau huo̒yoto mamowali mololante.

YESAYA 35:7

Hungayo u mopatu mamowali kulamu, huta u mohengu mowali bubuu-tuwaalo taluhu. Tambati u bohulio piloti poo̒oyonga lo apula oa̒ayua, mapobutua lohepu wau ponda.

MATIUSI 2:13

Tou̒ tahi ahalia lopoliama boito malo monggato, malai̒kati lo Eeya luli lopo bilohei batanga odelei Yusu todelomo tohiilopo. Malai̒kati boito malo tahuda, “Tei Herodes omakasudu mololohe Walao̒ boito wau pateelio mate-mateelo mao̒. Sababu uito pobongulo, delowalo Walao̒ boito woliilo-Lio momonggata mola ode Masiri. Potibiluo̒po mola teto tunggula Wau̒ mamuli motahuda mai olemu.”

MATIUSI 2:16

Tou̒ ilotaawa lei Herodes tahi ahalia lopoliama lonto tiimulu boito longaakali olio, maloingo daa̒ tio. Tulusi tio malei̒ pate yila-yilateelo mao̒ ngoa̒amila mongo lolai̒ kekeei̒ taa umululio totibawa dulo taunu to Betelehemu wau topalitio. Uito lotuuu̒de wolo katalangani u lotapulio lonto tahi ahalia lo poliyama boito tomimbihu saaa̒tilio poliyama boito iloontonga.

WUNGGULI LOMONGO RASULU 7:19

Olongia boito helo poitohe bangusanto wau diila omanusia odeli nene moyaanto. Tio lomakusa olimongolio helo pomahulo tahi ungea limongolio uheli pilotutulio mai alihu lulia mao̒ odito wau mate.